Llesiant Gweithwyr

Mae'r awdurdod yn creu cyfleoedd a fydd yn canolbwyntio ar eich iechyd, eich diogelwch, a'ch llesiant, gan gefnogi mentrau sy'n darparu addysg a chyngor ar amrywiaeth eang o bynciau iechyd, diogelwch, a llesiant. Rydym yn integreiddio iechyd, diogelwch, a llesiant i'n ffordd o weithio, gan hyrwyddo amgylchedd cadarnhaol, diogel ac iach lle gall pob gweithiwr ffynnu.

Iechyd a Llesiant

Rydym yn creu cyfleoedd a fydd yn canolbwyntio ar eich iechyd, eich diogelwch, a'ch llesiant, gan gefnogi mentrau sy'n darparu addysg a chyngor ar amrywiaeth eang o bynciau iechyd, diogelwch, a llesiant. Rydym yn integreiddio iechyd, diogelwch, a llesiant i'n ffordd o weithio, gan hyrwyddo amgylchedd cadarnhaol, diogel ac iach lle gall pob gweithiwr ffynnu.

Mae'r tîm Iechyd a Llesiant yn cefnogi llesiant corfforol a llesiant meddyliol gweithwyr yn gyfartal drwy ddarparu cyngor, arweiniad, a chyfeirio yn ogystal â chynnig atebion ymarferol â ffocws i reolwyr. Wrth wneud hynny, ein nod yw helpu i ddiogelu ein gweithlu a'r Awdurdod yn y dyfodol agos a'r tymor hir.

Rydym wedi llofnodi addewid Amser i Newid sy'n dangos ein hymrwymiad parhaus i gefnogi llesiant meddyliol ein holl weithwyr a lleihau stigma iechyd meddwl yn y gweithle.

Hefyd mae gan yr awdurdod rwydwaith o Swyddogion Cymorth Cyntaf Iechyd Meddwl i gefnogi hyn.

Mae Hyrwyddwyr Iechyd a Llesiant yr awdurdod yn helpu'r Cydgysylltwyr Iechyd a Llesiant i gynyddu ymwybyddiaeth, bod yn rhagweithiol a hyrwyddo iechyd a llesiant da i bawb.

Iechyd Galwedigaethol 

Mae'r tîm Iechyd Galwedigaethol yn hyrwyddo ac yn cynorthwyo i gynnal iechyd corfforol ac iechyd meddyliol ein gweithwyr i’r safon uchaf posibl, ledled yr awdurdod. Rydym yma i helpu gweithwyr i aros yn y gwaith, dychwelyd i'r gwaith yn gynt a’u hatal rhag gadael y gwaith oherwydd salwch. 

Gall gweithiwr gael ei gyfeirio at Iechyd Galwedigaethol gan ei reolwr llinell ar unrhyw adeg, nid oes angen bod i ffwrdd o'r gwaith.

Yn dibynnu ar eich swydd, efallai y gofynnir i chi gymryd rhan mewn Arolygu Iechyd, a hynny er mwyn diogelu eich iechyd.