Cronfa menter gwledig

Diweddarwyd y dudalen ar: 24/09/2020

Coronafeirws (COVID-19)

Mewn ymateb i’r argyfwng COVID-19, mae nifer o gynlluniau wedi cael eu lansio i roi cymorth ariannol i helpu elusennau a grwpiau cymunedol / gwirfoddol i barhau i ddarparu gwasanaethau a chymorth y mae mawr angen amdano yn eu cymunedau. Hefyd mae cyllid ar gael i fusnesau a sefydliadau yr effeithiwyd arnynt mewn ffordd negyddol gan COVID-19.

Rydym yn argymell eich bod hefyd yn ymweld â’n tudalen cymorth busnes a gwefan Busnes Cymru.

Cofiwch barhau i edrych ar y dudalen newyddion i gael y wybodaeth ddiweddaraf. Gallwch hefyd ein dilyn ar Facebook a Twitter.

  • Sauro Architectural Design Ltd, Caerfyrddin

  • Sauro Architectural Design Ltd, Caerfyrddin

  • Meithrinfa Cywion Bach, Idole.

  • Meithrinfa Cywion Bach, Idole.

  • Deintyddfa Emlyn Dentists, Castell Newydd Emlyn.

  • Deintyddfa Emlyn Dentists, Castell Newydd Emlyn.

  • Deintyddfa Hayden, Caerfyrddin.

  • Deintyddfa Hayden, Caerfyrddin.

  • Bwyty Pryd o Fwyd, Glan-y-Fferi.

  • Bwyty Pryd o Fwyd, Glan y Fferi.

  • Te ar Lan y Mor, Pentywyn

  • Lewis Retail Drefach Ltd

  • Lewis Retail Drefach Ltd

Rydym wedi sicrhau cyllid er mwyn darparu cymorth grant i brosiectau cyfalaf ar gyfer mentrau gwledig y sir. Bydd y Grant yn darparu cymorth i fentrau ac unig fasnachwyr ar gyfer datblygu safleoedd busnes newydd a phresennol, lle caiff swyddi newydd eu creu o ganlyniad i'r prosiect. Rhoddir blaenoriaeth i geisiadau fydd yn dod â buddiannau amlwg i’r economi leol o ran nifer ac ansawdd y swyddi uniongyrchol a gaiff eu creu mewn sectorau allweddol.

Beth sydd ar gael?

  • Seilir y grant naill ai ar £20,000 am bob swydd a grëir neu hyd at y cyfraddau ymyrraeth canlynol, pa ffigwr bynnag sydd leiaf: Bach: 45%; Canolig: 35%; Mawr: 25%
  • Uchafswm y grant yw £128,000.  Mewn amgylchiadau eithriadol, mae'n bosibl y gallai hyn gynyddu. 

Cymhwysedd

Bydd grantiau ar gyfer gwaith ar eiddo ar gael i berchnogion y buddiant rhydd-ddaliad yn yr eiddo neu i ddalwyr prydles sydd i barhau am o leiaf saith mlynedd arall ar ôl y dyddiad a rhagwelir y bydd taliad terfynol y grant yn cael ei wneud. Bydd yn rhaid i'r adeilad sydd i'w ddatblygu, ei wella neu ei helaethu fod mewn Ardal Wledig o Sir Gaerfyrddin fel y diffiniwyd yn Strategaeth Datblygu Lleol Ardaloedd Gwledig Sir Gaerfyrddin.

Mae'r gronfa hon wedi'i hymrwymo'n llawn ar hyn o bryd, os hoffech gael eich rhoi ar y rhestr aros pe bai unrhyw arian pellach ar gael, cysylltwch â rfurlong@carmarthenshire.gov.uk.

Lawrlwythwch gopi o'r canllawiau Lawrlwythwch ffurflen gais