Etholiadau'r Comisiynydd Heddlu a Throseddu 2020

Diweddarwyd y dudalen ar: 26/02/2020

Bydd pleidleiswyr mewn 41 o ardaloedd heddlu yn Lloegr a Chymru (ac eithrio Llundain) yn ethol Comisiynydd Heddlu a Throseddu ar gyfer eu hardal heddlu ar 7 Mai.

Comisiynwyr Heddlu a Throseddu yw cynrychiolwyr sy'n cael eu hethol i oruchwylio'r modd y rhoddir sylw i droseddau mewn ardal heddlu. Eu nod yw lleihau troseddau a sicrhau bod yr heddlu'n effeithiol. Maen nhw'n cael eu hethol am dymor o bedair blynedd. 

Cyngor Sir Penfro yw'r awdurdod arweiniol, neu Swyddog Canlyniadau Ardal yr Heddlu (PARO) ar gyfer Ardal Heddlu Dyfed-Powys, sy'n cynnwys Sir Gaerfyrddin, Ceredigion, Sir Benfro a Phowys.

Mae'r etholiadau hyn yn defnyddio'r system Bleidleisio Atodol lle y mae pleidleiswyr yn gallu nodi dewis cyntaf ac ail ddewis ar gyfer ymgeisydd.

Pan fydd y pleidleisiau ar gyfer y dewis cyntaf wedi'u cyfri, os nad oes gan unrhyw ymgeisydd y mwyafrif clir (mwy na 50%), yna bydd pleidleisiau'r ail ddewis ar gyfer y ddau ymgeisydd gorau yn cael eu cyfri. Yna bydd y pleidleisiau ar gyfer y dewis cyntaf a'r ail ddewis ar gyfer y ddau ymgeisydd hyn yn cael eu hadio, a bydd yr ymgeisydd â'r cyfanswm mwyaf yn ennill yr etholiad.

Bydd pob awdurdod lleol yn cyfri eu pleidleisiau eu hunain ac yn darparu'r rhain i Swyddog Canlyniadau Ardal yr Heddlu Sir Benfro. Ar ôl casglu'r holl ganlyniadau, byddwn yn datgan pwy sydd wedi'i ethol yn Gomisiynydd Heddlu a Throseddu ar gyfer ardal Heddlu Dyfed-Powys a bydd y dudalen we hon yn cael ei diweddaru.

  • Cyhoeddir Hysbysiad o'r Etholiad ar 31 Mawrth 2020.
  • Bydd datganiad yr unigolion a enwebwyd yn cael eu cyhoeddi ar ôl 4:00pm ar 8 Ebrill, 2020.
  • Etholiad - 7 Mai

Ar gyfer ymholiadau ynghylch Ymgeiswyr ac Asiantiaid sy'n ymwneud ag etholiadau'r Comisiynydd Heddlu a Throseddu, anfonwch neges e-bost at electoralservices@pembrokeshire.gov.uk.

Mae gwefan bwrpasol ar gael sy'n darparu gwybodaeth hanfodol, sef: www.sir-benfro.gov.uk/etholiadau-a-phleidleisio

Cyngor a Democratiaeth

Y Cyngor

Cynghorwyr, ACau, ASau a ASEau

Adrannau'r Cyngor

Pwyllgorau a Chyfarfodydd

Strategaethau a chynlluniau

Cyllideb y Cyngor

Ymgynghori a Pherfformiad

Canllawiau Brexit

Hysbysiadau cyhoeddus

Cyfamod Lluoedd Arfog

Iaith Gymraeg

Cydraddoldeb ac Amrywiaeth

Etholiadau a Phleidleisio

Diogelu Data

Rhyddid Gwybodaeth

Ymchwil ac Ystadegau

Mwy ynghylch Cyngor a Democratiaeth