Amcan llesiant 2: Helpu plant i ddilyn ffordd iach o fyw
Pam mae'r amcan hwn yn bwysig?
Mae amcanestyniadau yn awgrymu y bydd cynnydd o ran tueddiadau gordewdra yn ystod plentyndod, gyda'r ffigurau'n dangos mai bechgyn rhwng 2 a 15 oed sy'n wynebu'r risg fwyaf.
Roedd asesiadau gweithgarwch o ran plant ysgol gynradd yn dangos mai bod yn gorfforol egnïol oedd y ffactor pwysicaf ond un ar gyfer llesiant cadarnhaol plant 6 – 11 oed; cysylltiadau â pherthnasau a ffrindiau oedd y pwysicaf. • Mae byw bywydau iach yn galluogi plant i gyrraedd eu potensial a gwireddu eu dyheadau o ran addysg.
Mae arferion a sefydlir yn gynnar mewn bywyd yn aros gyda phobl i'w galluogi i gyfrannu'n llawn at economi a chymdeithas Sir Gaerfyrddin.
Pam y dylem boeni am hyn?
Sir Gaerfyrddin sydd â'r 12fed lefel uchaf o ordewdra ymhlith plant yng Nghymru gyda 26.6% (492) o blant 4-5 oed dros bwysau neu'n ordew, ychydig yn uwch na chyfartaledd Cymru, o 26.4%.Rhaglen Mesur Plant Cymru 2017/18
Trwy ymgysylltu ag ysgolion cynradd, clustnodwyd bod cysylltiad cryf rhwng gweithgarwch corfforol a chyfleoedd i chwarae yn yr awyr agored, a theimlo'n ddiogel yn yr amgylchedd hwnnw.
