Gwastraff clinigol / hylendid

Diweddarwyd y dudalen ar: 09/10/2019

Coronafeirws (COVID-19)

Dim ond drwy apwyntiad y gellir ymweld â'r ganolfan ailgylchu i waredu unrhyw wastraff y cartref. Gallwch drefnu apwyntiad ar unrhyw ddiwrnod o’r wythnos a dewiswch amser sy’n gyfleus i chi am y 14 diwrnod canlynol.

Rhowch eich bagiau allan y noson cyn eich casgliad. Gall ein hamserau casglu amrywio a gallant fod yn gynharach na'r arfer. Ni fyddwn yn gallu gwneud casgliadau ar gyfer unrhyw finiau sydd heb eu casglu ar hyn o bryd. Cofiwch, peidiwch â rhoi hancesi papur yn eich bagiau ailgylchu glas.

Cofiwch barhau i edrych ar y dudalen newyddion i gael y wybodaeth ddiweddaraf. Gallwch hefyd ein dilyn ar Facebook a Twitter.

Dan Ddeddf Diogelu’r Amgylchedd bydd unrhyw rai sy’n trafod a gwaredu gwastraff clinigol yn amhriodol neu’n anniogel yn drosedd cosbadwy â dirwy. Os gwnânt hyn yn fwriadol gallent fod yn cyflawni trosedd.

Mae Gwastraff Hylendid yn cynnwys y math canlynol o wastraff:

  • Meinweoedd dynol adnabyddadwy
  • Gwaed
  • Carcasau anifeiliaid a meinweoedd o filfeddygfeydd, ysbytai, neu labordai
  • Rhwymynnau llawfeddygol brwnt, swabiau, a gwastraff brwnt tebyg
  • Nodwyddau chwistrellu
  • Cetris
  • Gwydr sydd wedi torri, ac unrhyw eitemau neu offer miniog tafladwy halogedig
  • Cyffuriau neu gynhyrchion fferyllol arall
  • Gwastraff a allai fod wedi cael ei heintio, o adrannau patholeg a labordai ymchwil neu hylendid eraill

Ni ellir rhoi’r gwastraff mewn bagiau du a dylid eu casglu gan Fwrdd Iechyd Prifysgol Hywel Dda. Os oes angen casglu'r math hwn o wastraff o'ch cartref, ewch i'w wefan neu ffoniwch 01269 845554. Ni ddylid rhoi unrhyw wastraff clinigol mewn sachau gwastraff domestig.

Mae gwastraff hylendid yn cynnwys eitemau a ddefnyddiwyd i waredu wrin, ymgarthion a secretiadau neu ysgarthiadau eraill o'r corff dynol e.e.

  • Padelli gwelyau
  • Leininau padelli gwelyau
  • Padiau anymatal
  • Bagiau stoma
  • Chynwysyddion wrin
  • Nid yw hyn yn cynnwys cewynnau plant
  • Nid yw hyn yn cynnwys gwastraff anifeiliad anwes

Gellir gosod y gwastraff hwn mewn bagiau du. Fodd bynnag, os oes llawer o'r math hwn o wastraff gennych a'ch bod angen inni gasglu gwastraff hylendid yn wythnosol yn rhad ac am ddim o'ch cartref, cysylltwch ni ar 01267 234567, neu drwy e-bostio: galw@sirgar.gov.uk.