Taliad Costau Byw

Taliad Costau Byw - Cynllun Disgresiynol

Mae Llywodraeth Cymru wedi darparu cyllid ychwanegol i bob awdurdod lleol i'w galluogi nhw i ddarparu cymorth o dan gynllun disgresiynol, i helpu aelwydydd sy'n cael eu hystyried bod angen cymorth gyda'u costau byw arnynt.

Mae'r grwpiau canlynol wedi eu cymeradwyo i dderbyn taliadau disgresiynol o dan y Cynllun Costau Byw. Dyddiad cau : Mawrth 31,2023

1. Bydd taliad o £150 yn cael ei wneud i grwpiau bregus allweddol gafodd eu heithrio o'r prif gynllun, waeth pa fand mae'r aelwyd ynddo.

1. Mae'r person sy'n atebol am y Dreth Gyngor yn byw yn yr eiddo fel ei brif breswylfa ar 15 Chwefror 2022 ac yn parhau i fod.
2. Ddim yn gymwys am daliad gan y Prif Gynllun Costau Byw, a
3. Yn cael eithriad o 100% ar y Dreth Gyngor am un o'r rhesymau canlynol:

• Eithriad Dosbarth I - Derbyn Gofal - hynny yw, mae'r eiddo wedi cael ei adael yn wag oherwydd y ffaith bod y meddiannydd wedi gorfod gadael yr eiddo i dderbyn gofal, e.e. yn yr ysbyty yn y tymor hir neu gartref gofal neu hyd yn oed wedi symud i mewn gyda phlant i dderbyn gofal
• Eithriad Dosbarth J – Darparu Gofal - mae'r eiddo wedi cael ei adael yn wag oherwydd bod y meddiannydd wedi gorfod gadael eu heiddo er mwyn darparu gofal i rywun arall mewn lleoliad arall e.e. wedi symud i mewn gyda rhieni/plant i ddarparu gofal
• Eithriad Dosbarth U – Lle mae'r eiddo yn cael ei feddiannu'n unig gan unigolion sydd â Nam Meddyliol Difrifol (SMI)
• Eithriad Dosbarth X - Pobl sy'n Gadael Gofal

2. Bydd taliad o £150 yn cael ei wneud i aelwydydd Dosbarth S a thaliad o £75 fesul aelwydydd Dosbarth K a N.

1. Mae'r person sy'n atebol am y Dreth Gyngor yn byw yn yr eiddo fel ei brif breswylfa ar 15 Chwefror 2022 ac yn parhau i fod.
2. Ddim yn gymwys am daliad gan y Prif Gynllun Costau Byw, ac
3. Yn cael eithriad o 100% ar y Dreth Gyngor am un o'r rhesymau canlynol:

• Eithriad Dosbarth K - Heb ei feddiannu gan Fyfyrwyr
• Eithriad Dosbarth N - Wedi'i feddiannu gan Fyfyrwyr yn unig
  
• Eithriad Dosbarth S - Wedi'i feddiannu gan bobl o dan 18 oed

3. Bydd taliad o £150 yn cael ei wneud i aelwyd ar Fand E, F, G, H ac I y Dreth Gyngor lle mae Gostyngiad yn y band oherwydd Anabledd wedi'i gymhwyso i leihau'r band a lle nad oedd yr aelwyd yn gymwys am daliad o dan y prif gynllun Costau Byw. Rhaid i chi fod yn derbyn y gostyngiad band ar 15 Chwefror.

4. Bydd taliad o £150 yn cael ei wneud i Ofalwyr Maeth (wedi'u nodi gan y Gwasanaethau Cymdeithasol).

5. Bydd taliad o £50 yn cael ei wneud i'r grwpiau canlynol.

• Teuluoedd â 3 o blant neu fwy ar fudd-daliadau tai.
• Y rheiny ar Gap Budd-daliadau.
• Rhaid i chi fod yn derbyn y budd-dal ar 15 Chwefror

Gwneud cais am y taliad costau byw