Ffyrdd Gwledig

Diweddarwyd y dudalen ar: 09/07/2020

Rydym yn dadansoddi data ynghylch gwrthdrawiadau yn rheolaidd ar gyfer rhwydwaith ffyrdd ein sir, ac mae ein ffyrdd gwledig yn dal i fod yn achos pryder o ran nifer y bobl sy'n cael eu lladd neu eu hanafu'n ddifrifol arnynt.

Mae ystadegau diweddar ar gyfer ein ffyrdd gwledig yn dangos bod 125 o wrthdrawiadau lle cafodd rhywun ei ladd neu ei anafu'n ddifrifol wedi digwydd rhwng 2016 a 2018. Cafodd 145 o bobl eu lladd neu eu hanafu'n ddifrifol yn y rhain, ac roedd gyrwyr ifanc rhwng 17 a 24 oed yn rhan o 23% o'r gwrthdrawiadau hyn.

Bu farw 26 o bobl yn ystod y cyfnod hwn; 77% ohonynt ar ein ffyrdd gwledig.

Ystadegyn a allai eich synnu yw bod camgymeriadau dynol yn ffactor yn 95% o'r holl wrthdrawiadau sy'n digwydd ar y ffordd.

Mae llawer o waith wedi'i wneud i wella rhwydwaith ffyrdd y sir drwy amryw o gynlluniau diogelwch ar y ffyrdd a thrwy fentrau addysgol a hyfforddiant, ond mae gwrthdrawiadau'n dal i ddigwydd ar ein ffyrdd gwledig.

Rydym eisiau grymuso gyrwyr i wneud cyfraniad cadarnhaol i ddiogelwch ffyrdd yn eu cymunedau eu hunain drwy wneud y canlynol:

Hysbysebu'r grwpiau/gweithgareddau cymunedol ynghylch diogelwch ffyrdd yn yr ardal.
Rhoi cynghorion ymarferol o ran heriau bob dydd ar y ffordd.
Cynnal sesiynau ymarferol am ddim ar y ffordd.

Rydym wedi sicrhau cyllid Grant Diogelwch Ffyrdd gan Lywodraeth Cymru am yr ail flwyddyn. Rydym yn cynnal digwyddiadau i gynorthwyo cymunedau lleol i wella ymhellach ddiogelwch ffyrdd a sgiliau gyrru ar ffyrdd gwledig, drwy roi gwybodaeth a chyngor gwerthfawr i breswylwyr.

Bydd y prosiect yn cael ei weithredu mewn partneriaeth â'r canlynol Heddlu Dyfed-Powys, GanBwyll, Gwasanaeth Tân ac Achub Canolbarth a Gorllewin Cymru, Sefydliad Gyrwyr Safon Uwch Caerfyrddin a Gorllewin Cymru, Cymdeithas Frenhinol er Atal Damweiniau De Cymru a Nifer o Hyfforddwyr Gyrru.

Teithio, Ffyrdd a Pharcio

Gorfodi o ran lonydd bysiau

Llwybrau graeanu blaenoriaeth

Mwy ynghylch Teithio, Ffyrdd a Pharcio

Gwylio Cyflymder Cymunedol

Menter leol lle mae aelodau'r gymuned yn gweithio gyda'r heddlu i fonitro cyflymder cerbydau,

Gwylio Cyflymder Cymunedol Cymru

Menter Lleihau Goryrru

Rydym ni'n gweithio mewn partneriaeth â GanBwyll, Heddlu Dyfed Powys ac Ysgolion y gwyddys eu bod yn cael trafferthion oherwydd goryrru.

Menter Lleihau Goryrru

Ymgyrch Snap

Mae ymgyrch SNAP (GanBwyll) yn caniatáu i'r cyhoedd adrodd a chyflwyno tystiolaeth fideo a ffotograffig yn ymwneud â throseddau gyrru y maent wedi'u gweld.

Ymgyrch SNAP