Ganiatâd i wneud gwaith insiwleiddio allanol dros briffordd

Diweddarwyd y dudalen ar: 20/01/2020

Os nad oes gardd flaen gan eich eiddo, a'i fod yn ffinio â'r palmant, dylech wneud cais am ganiatâd gennym cyn gwneud gwaith insiwleiddio allanol. Mewn lleoliadau priodol, caniateir codi adeilad dros briffordd a gynhelir gennym.

Hefyd, bydd angen i chi:

Cysylltu â'r adran gynllunio i gael gwybod a fydd angen caniatâd cynllunio
Cysylltu â'r gwasanaeth rheoli adeiladu cyn dechrau'r gwaith i gwblhau cais elfennau thermol

I wneud cais bydd angen i chi ddarparu'r manylion canlynol:

cyfeiriad yr eiddo y bydd y gwaith arfaethedig yn effeithio arno
rhif y ffordd (os yw'n hysbys)
nodi'r rhannau o'r briffordd y bydd y gwaith yn effeithio arnynt - ymyl/llwybr troed/ffordd gerbydau/lôn gefn
disgrifiad o'r gwaith
amcangyfrif o faint fydd y gwaith yn para
dyddiad dechrau arfaethedig y gwaith
dyddiad cwblhau arfaethedig y gwaith
lled y llwybr troed/ffordd gerbydau presennol (bras amcan)
lled y gwaith (bras amcan)
estyniad dros y briffordd (bras amcan)
ardal glir uwchben lefel y briffordd
enw, cyfeiriad a rhif ffôn y contractwr
rhif polisi ar gyfer yswiriant sydd ag indemniad o £5 miliwn (o leiaf) a'r dyddiad y mae'n dod i ben
cynllun y safle - yr eiddo a'r gwaith arfaethedig ar raddfa o 1/500 o leiaf
cynllun y lleoliad mewn perthynas â'r hyn sydd o'i amgylch ar raddfa o 1/1250 neu 1/2500 neu 1/10,000 o leiaf

Y ffi ar gyfer gwneud cais yw £39.00 (nes 31 Mawrth 2020).

Bydd angen i chi ddychwelyd eich ffurflen gais gyflawn a'ch siec yn daladwy i Gyngor Sir Caerfyrddin i: Gofal Strydoedd, Adran yr Amgylchedd, Parc Myrddin, Caerfyrddin, SA31 1HQ.

Gofynnir i chi ganiatáu rhwng 6 ac 8 wythnos i'ch cais gael ei asesu.

lawrlwytho ffurflen gais (.pdf)