Dros y flwyddyn ddiwethaf, mae Cronfa Ynni Adnewyddadwy Cymunedol Cyngor Sir Caerfyrddin wedi darparu cymorth i sefydliadau cymunedol sy'n dymuno gwella effeithlonrwydd ynni a chynaliadwyedd eu hadeiladau. Bu'r gronfa yn hynod boblogaidd, ac oherwydd y galw mawr, mae'r holl gyllid sydd ar gael wedi'i ymrwymo'n llawn erbyn hyn.
Er mwyn parhau i gefnogi sefydliadau sy'n rheoli asedau cymunedol, rydym yn falch o gynnig nifer gyfyngedig o archwiliadau ynni am ddim ar gyfer adeiladau asedau cymunedol ledled Sir Gâr. Bydd yr archwiliadau'n cael eu cynnal o fis Rhagfyr 2026 ymlaen.
Bydd yr archwiliad yn darparu asesiad o ddefnydd ynni presennol eich adeilad ac yn nodi cyfleoedd i wella effeithlonrwydd ynni, lleihau costau ynni, a gwella cynaliadwyedd hirdymor eich cyfleuster. Byddwch yn derbyn argymhellion ymarferol a dealltwriaeth gliriach o anghenion ynni eich adeilad, gan eich helpu i ddatblygu rhestr o brosiectau gwella posibl ar gyfer y dyfodol.
Er nad oes unrhyw gyllid cyfalaf ar gael ar hyn o bryd ar gyfer gwelliannau effeithlonrwydd ynni, mae archwiliad ynni yn gam cyntaf rhagorol i ddeall pa fesurau y gellid eu gweithredu a sut y dylid eu blaenoriaethu. Bydd sefydliadau sydd wedi cwblhau archwiliad mewn sefyllfa llawer cryfach i ddatblygu prosiectau effeithlonrwydd ynni ac yn fwy parod i fanteisio ar unrhyw gyfleoedd cyllido yn y dyfodol pe baent yn dod ar gael.
Meini Prawf Cymhwysedd: Mae'r cynnig hwn ar gael i sefydliadau cymunedol a gwirfoddol sy'n berchen ar, yn rheoli neu'n gweithredu asedau cymunedol yn Sir Gâr. Nid yw'r cynnig ar gael i fusnesau preifat nac at ddibenion masnachol preifat.
Noder fod nifer yr archwiliadau sydd ar gael yn gyfyngedig, a bydd mynegiadau o ddiddordeb yn cael eu hystyried ar sail y cyntaf i'r felin.
Rydym yn gallu darparu'r cymorth hwn drwy gyllid a sicrhawyd gan Gronfa Twf Lleol Cymru ac Egni Sir Gâr, gan ein galluogi i barhau i gefnogi sefydliadau cymunedol i wella effeithlonrwydd ynni a chynaliadwyedd eu hasedau
Os hoffai eich sefydliad fanteisio ar y cymorth rhad ac am ddim hwn, anfonwch e-bost at RDPSIRGAR@carmarthenshire.gov.uk
i gofrestru eich diddordeb.
Dyddiad Cau: 31 Rhagfyr 2026
