Trawsnewid Tyisha - Cyfle Datblygu

Yn yr adran hon

8. Caffael

Bydd gweithdrefn ddyfarnu Deialog Gystadleuol yn unol â rheoliad 30 o Reoliadau Contractau Cyhoeddus 2015 (fel y'u diwygiwyd) yn cael ei chynnal mewn perthynas â chaffael y Prosiect.

Yn ystod y cam cyn cymhwyso (PQQ), y bwriad yw cael rhestr fer o gynigwyr posibl a'u gwahodd yn ffurfiol i gymryd rhan yn y ddeialog (ITPD) mewn perthynas â gofynion y Cyngor. Nod y ddeialog yw nodi a diffinio'r modd sydd fwyaf addas ar gyfer bodloni gofynion y Cyngor.

Bydd y ddeialog yn cael ei chynnal mewn "camau olynol". Gellir lleihau nifer yr atebion a drafodir a/neu'r cynigwyr trwy gymhwyso'r meini prawf dyfarnu a nodir yn y Gwahoddiad i Gymryd Rhan mewn Deialog. Bydd y ddeialog yn parhau hyd nes y bydd y Cyngor yn fodlon y bydd yr ateb(ion) a gynigir gan y cynigwyr (y rhai sy'n weddill) yn bodloni holl ofynion y Cyngor, ac ar yr adeg honno, bydd y ddeialog yn dod i ben.

Bydd y Cyngor yn gwahodd cynigwyr i gyflwyno'u tendrau terfynol yn seiliedig ar yr ateb(ion) a nodir yn ystod y cam deialog. Gall y Cyngor, cyn dewis cynigydd buddugol, ei gwneud yn ofynnol i dendrau terfynol, ar ôl eu derbyn, gael eu hegluro, eu pennu a'u hoptimeiddio. Bydd y tendrau terfynol yn cael eu hasesu ar sail y meini prawf dyfarnu a nodir yn y dogfennau tendro.

Ar ôl nodi'r cynigydd buddugol, efallai y bydd y Cyngor yn ei gwneud yn ofynnol iddo egluro agweddau ar ymrwymiadau a gynhwysir yn y tendr terfynol neu gadarnhau'r ymrwymiadau hynny. Unwaith y bydd yr holl faterion wedi'u cwblhau'n foddhaol, bydd y Cyngor yn penderfynu a ddylid dyfarnu'r contract i'r cynigydd buddugol.

Unwaith y bydd y Cyngor wedi gwneud penderfyniad mewn perthynas â dyfarnu contract, bydd yn hysbysu'r holl gynigwyr sy'n cymryd rhan ynghylch y penderfyniad hwnnw ac yn darparu cyfnod segur o 10 diwrnod calendr cyn gosod contract.

Bydd rhagor o fanylion am union strwythur y broses o ran cynnal Deialog Gystadleuol yn cael ei nodi yn y Gwahoddiad i Gymryd Rhan mewn Deialog a fydd yn cael ei anfon at Gynigwyr ar y rhestr fer yn dilyn y cam cyn cymhwyso.

PWYSIG - Mae'r broses a nodir uchod yn ddangosol yn unig ac mae'r Cyngor yn cadw'r hawl i amrywio, i newid neu i ddiwygio strwythur y broses gaffael (os oes angen) yn ôl ei ddisgresiwn llwyr. Bydd rhagor o fanylion yn cael eu nodi mewn cyfres o ddogfennau tendro yn y dyfodol a roddir i gynigwyr sy'n cymryd rhan.

Y dyddiad cau ar gyfer cyflwyno Holiaduron Cyngymhwyso yw dydd Iau 12th Medi 2024 at 2pm.

Mae rhagor o wybodaeth ar gael ar wefan GwerthwchiGymru.