Pam yr ydym wedi ymgynghori

Mae’r cynnig wedi’i baratoi mewn ymateb i’r ffaith bod mwy o ddisgyblion yn Ysgol Heol Goffa na'r lleoedd sydd ar gael ac mae'r duedd hon yn debygol o barhau yn y dyfodol agos.  Mae galw cynyddol am leoedd sy'n rhoi pwysau sylweddol ar yr Awdurdod Lleol i ddod o hyd i leoliadau i ddisgyblion.  

 

Sut aethom ati i ymgynghori

Dilynodd y broses ymgynghori ganllawiau Llywodraeth Cymru, yn unol â Deddf Safonau a Threfniadaeth Ysgolion (Cymru) 2013 a Chod Trefniadaeth Ysgolion (2026). Rhoddodd y broses ymgynghori gyfle i ymgyngoreion ddysgu am y cynnig a rhoi adborth.

Cyhoeddwyd y ddogfen ymgynghori yn Gymraeg ac yn Saesneg rhwng 9 Mehefin 2026 a 21 Gorffennaf 2026. Cafodd y ddogfen ymgynghori ei dosbarthu'n electronig i ymgyngoreion a'i chyhoeddi ar wefan Cyngor Sir Caerfyrddin. Roedd copïau papur o'r ddogfen ymgynghori ar gael ar gais.

Roedd y ddogfen ymgynghori yn amlinellu'r cynnig dan sylw, y rhesymau dros y cynnig a manylion y broses ymgynghori. Roedd y ddogfen ymgynghori hefyd yn cynnwys ffurflen ymateb unigol. Rhoddwyd gwybod i'r ymgyngoreion fod modd llenwi fersiynau Cymraeg a Saesneg o'r ffurflen ar-lein a ble y dylid anfon llythyrau ysgrifenedig neu ymatebion drwy e-bost.

Ymgynghorwyd â disgyblion Ysgol Heol Goffa ar 6 Gorffennaf 2026. Cynhaliwyd sesiwn ymgynghori bwrpasol gyda 15 o ddisgyblion rhwng 15 a 18 oed, gan gynnwys cynrychiolwyr y Cyngor Ysgol a disgyblion eraill oedd â diddordeb. Cafodd y dysgwyr ddogfen ymgynghorol i Blant a Phobl Ifanc a gwybodaeth am y cynnig cyn cymryd rhan mewn trafodaeth grŵp strwythuredig. Roedd y sesiwn yn galluogi'r disgyblion i drafod y cynnig, gofyn cwestiynau a rhannu eu barn am fanteision posibl Ysgol bwrpasol newydd.

Canlyniad yr ymgynghoriad

Gellir gweld y ddogfen ymgynghori yma