Cymorth a chyllid brys

Rydyn ni'n cynnig cymorth ymarferol ac ariannol i gartrefi a busnesau sydd wedi dioddef llifogydd.

Gallwn helpu i gael gwared ar ddodrefn a nwyddau sydd wedi'u difrodi, fodd bynnag, cysylltwch â'ch cwmni yswiriant am gyngor ac arweiniad cyn symud dodrefn neu nwyddau sydd wedi'u difrodi o'ch cartref.

Mae cronfa frys wedi cael ei sefydlu ar gyfer preswylwyr a busnesau cymwys sydd wedi dioddef llifogydd mewnol. Fodd bynnag, eich cwmni yswiriant ddylai fod eich pwynt cyswllt cyntaf a dylai roi arweiniad a chyngor i chi.

Gall cartrefi sydd wedi dioddef llifogydd mewnol wneud cais am daliad o £500.

Gellir darparu £1000 arall i'r preswylwyr hynny sydd heb yswiriant.

Bydd angen i swyddogion y Cyngor ymweld â'r eiddo hynny sydd wedi dioddef llifogydd mewnol a bydd ceisiadau’n cael eu gwirio yn erbyn cofrestr y dreth gyngor a'r gofrestr etholiadol i ddilysu'r preswylwyr.

Mae grant o hyd at £5000 ar gael i fusnesau cymwys sydd wedi dioddef llifogydd mewnol ar eu safleoedd busnes.

Bydd grant ar gael i helpu mentrau preifat a mentrau'r trydydd sector yn dilyn y difrod a achoswyd gan y llifogydd.

Bydd ceisiadau’n cael eu gwirio gan y tîm cymorth busnes yn y Cyngor.