Polisi codi tâl am wasanaethau gofal cymdeithasol

Methu Taliadau a Dyled

24. Methu Taliadau a Dyled

Bydd Sir Gaerfyrddin yn mynd ar drywydd taliadau a dyledion sydd heb eu talu drwy’r sianelau mwyaf priodol gan gynnwys camau adennill drwy’r llysoedd lle bo hynny’n briodol. Mewn achosion o’r fath, bydd Sir Gaerfyrddin hefyd yn adennill yr holl gostau ac yn gwneud cais am log ar y swm sydd i’w adennill.

Ar gyfer dyledion gofal dibreswyl na ellir eu casglu pan fyddant yn ddyledus, gall Sir Gaerfyrddin wneud cais am arwystl cyfreithiol yn erbyn eiddo’r defnyddiwr gwasanaeth fel gwarant ar gyfer y ddyled sy’n weddill. Bydd Sir Gaerfyrddin yn codi ffi cyfradd safonol am y trefniant hwn. Bydd llog yn daladwy o’r 91fed diwrnod ar ôl i’r gwasanaeth gorffen, ar y cyfraddau llog a bennir yn y ddeddfwriaeth.

Ni fydd Sir Gaerfyrddin yn tynnu gwasanaethau’n ôl pan fydd person ag anghenion gofal a chymorth yn gwrthod neu’n methu â thalu’r costau a aseswyd.