Y Tîm 10-18 oed
Mae'r tîm yn cynnwys gweithwyr ieuenctid ym mhob ysgol uwchradd yn y sir a Choleg Sir Gâr, yn ogystal â staff peripatetig y Prosiect Ymgysylltu ag Ysgolion.
- Mae staff yn gweithio gyda phlant ym mhob ysgol uwchradd, yn ogystal â'r rhai 10-16 oed sy'n cael addysg heblaw yn yr ysgol
- Mae'r tîm yn cefnogi plant a phobl ifanc yn ystod cyfnodau pontio allweddol o'r ysgol gynradd i'r ysgol uwchradd, yn ogystal ag addysg bellach ac uwch a chyflogaeth.
- Cynigir amrywiaeth o ddulliau gyda chymorth un i un
- Mae staff yn cynnig gwaith grŵp a allai gynnwys cyfleoedd achrededig megis ASDAN neu Wobr John Muir, yn ogystal â rhaglenni gwaith grŵp ffurfiol heb eu hachredu megis rhaglen STAR (Diogelwch, Ymddiriedaeth a Pharch), a chyfleoedd llai ffurfiol megis dysgu mewn grŵp sy'n seiliedig ar faterion
- Gellir hefyd cynnig cymorth a chyngor i rieni a gofalwyr
Mae'r Tîm 10-18 oed yn cynnwys Gweithiwr Ieuenctid Arweiniol mewn Ysgolion a Gweithwyr Ieuenctid Cymorth sydd wedi'u lleoli mewn ysgolion uwchradd yn Sir Gaerfyrddin. Mae'r Gweithwyr Ieuenctid yn cynnig amrywiaeth o gymorth i blant a phobl ifanc y nodwyd bod ganddynt angen. Gall hyn fod drwy fath o ddarpariaeth sy’n fwy anffurfiol ac sy'n cynnwys galw heibio neu ddarpariaeth grŵp neu un i un wedi'i thargedu'n well ac hefyd i wella presenoldeb yn yr ysgol.
