Cynllun Gwasanaeth dros y Gaeaf a Thywydd Garw Priffyrdd
Yn yr adran hon
Gwyntoedd Cryfion
Gall gwyntoedd cryfion achosi aflonyddwch ar y rhwydwaith priffyrdd. Yn aml, mae hyn oherwydd coed, neu ganghennau coed, naill ai o ymyl y briffordd neu o dir cyfagos, yn cael eu chwythu i lawr a syrthio ar y briffordd.
Mae coed wrth ymyl priffyrdd wedi'u cynnwys o fewn y drefn arolygu diogelwch priffyrdd rhestredig ac mae coed heintiedig neu ansefydlog yn cael eu nodi a gwneir gwaith adfer i gael gwared ar y risg i'r cyhoedd sy'n teithio. Dylai tirfeddianwyr cyfagos hefyd weithredu trefn arolygu reolaidd i sicrhau nad yw eu coed yn peri risg i'r cyhoedd sy'n teithio.
Pan fo'r Awdurdod yn nodi coed ar dir cyfagos sy'n ymddangos yn risg i'r briffordd bydd yn ofynnol i'r tirfeddiannwr cyfagos gymryd camau priodol. Nid yw hyn yn rhyddhau'r tirfeddiannwr o'i ddyletswydd i archwilio a chynnal coed ar eu tir eu hunain, gan gynnwys coed ffin sy'n gyfrifoldeb ar dirfeddianwyr.
Os bydd coed yn cwympo o dir cyfagos i'r briffordd, efallai y bydd yn ofynnol i'r Awdurdod waredu'r rhwystr a bydd yn adennill costau gan y tirfeddiannwr.
Pan ragwelir gwyntoedd cryfion, caiff y gweithrediad Priffyrdd ei gynyddu i sicrhau bod digon o adnoddau ar gael i reoli'r digwyddiad cyn belled ag y bo'n rhesymol ymarferol. Bydd hyn yn cynnwys y canlynol fel y bo'n briodol:
- Gangiau llif gadwyn ychwanegol wrth law.
- Is-gontractwyr coed arbenigol ar gael i gynorthwyo gyda gwaith clirio.
Offer ychwanegol i gael gwared ar goed sydd wedi cwympo o'r briffordd. - Bydd mesurau rheoli traffig ychwanegol ar gael pe bai angen cau ffyrdd a rhoi dargyfeiriadau ar waith.
- Sicrhau bod unrhyw safleoedd adeiladu priffyrdd yn cael eu diogelu'n iawn.
