Hawlen Barcio Fan Geffylau - Pen-bre
Diweddarwyd y dudalen ar: 03/12/2024
Mae cynllun hawlenni parcio wedi'i gyflwyno ar gyfer Heol y Ffatri ym Mhen-bre i hwyluso marchogion drwy greu lle i barcio faniau ceffylau. Mae'r cyfyngiadau hyn yn berthnasol ar BOB Gŵyl y Banc. Nid yw'r hawlen yn golygu y byddwch yn sicr o gael lle parcio ond mae’n helpu i reoli a blaenoriaethu parcio ar gyfer marchogion dim ond yn y lle parcio priodol ac os oes lle ar gael.
Rhoddir Hawlen Barcio Fan Geffylau ar gyfer cerbydau sy'n tynnu fan geffylau neu sy’n gysylltiedig â fan geffylau, neu gerbyd nwyddau canolig neu fawr a gynhyrchwyd neu a addaswyd yn benodol at ddiben cludo ceffyl neu geffylau.
Mae hawlenni'n ddilys am 12 mis. NI fyddwch yn cael nodyn atgoffa.
Dim ond yn ystod yr amseroedd a nodir ym mhob lle parcio y mae’r hawlen yn berthnasol, , ar yr amod bod gennych hawlen ddilys wedi’i harddangos yn glir. Gallwch barcio am hyd at 5 awr yn unig heb ddychwelyd i barcio o fewn 5 awr.
Nid yw hawlen yn caniatáu ichi:
Parcio ar y llinellau melyn yn ystod eu hamseroedd gweithredu
Parcio ym Mharc Gwledig Pen-bre
Parcio ym maes parcio Talu ac Arddangos Rotary Way
Nid yw'n berthnasol i Safle CNC Coedwig Pen-bre.
Rydym yn cadw'r hawl i wrthod neu dynnu hawlenni yn ôl ar gyfer defnyddwyr y canfyddir eu bod yn camddefnyddio'r cynllun.
Anfonir hawlenni drwy'r post. Dylech ganiatáu deg diwrnod gwaith ar gyfer dosbarthu'r hawlen a pheidiwch â pharcio yn y maes parcio â hawlenni tan iddi gyrraedd.
Gweler isod ein cwestiynau mwyaf cyffredin yn ymwneud â Pharcio i Breswylwyr ar draws Sir Gaerfyrddin. Os nad yw eich ymholiad yn cael ei ateb, yna e-bostiwch Parcio@sirgar.gov.uk
Rhoddir Hawlen Barcio Fan Geffylau ar gyfer cerbydau sy'n tynnu faniau ceffylau neu sy’n gysylltiedig â fan geffylau, neu gerbyd nwyddau canolig neu fawr a gynhyrchwyd neu a addaswyd yn benodol at ddiben cludo ceffyl neu geffylau.
- Uchafswm o 2 gerbyd fesul hawlen
- £20 am bob hawlen
- Uchafswm o 2 hawlen fesul cartref
Rhoddir yr hawlen ar gyfer cerbyd penodol. Os ydych chi wedi newid cerbyd dros dro am gyfnod o ddim mwy nag wythnos, rhaid i chi gael ein caniatâd ymlaen llaw i ddefnyddio’r hawlen drwy anfon e-bost at parcio@sirgar.gov.uk
Os ydych yn colli, yn difrodi neu’n dinistrio eich hawlen neu'n newid eich cerbyd a bod angen hawlen newydd arnoch, bydd angen i chi wneud cais o'r newydd. Bydd unrhyw hawlenni newydd a roddir yn ddilys am 12 mis o'i dyddiad cyflwyno. Yn achos newid cerbyd, bydd angen i chi ildio eich hawlen bresennol.
Codir tâl i dalu'r costau gweinyddol sy'n gysylltiedig â chreu hawlen newydd.
I ofyn cwestiwn, e-bostiwch parcio@sirgar.gov.uk
Os ydych chi wedi newid cerbyd dros dro (am gyfnod o ddim mwy na phythefnos) bydd angen i chi gael caniatâd gennym ni ymlaen llaw i ddefnyddio'ch hawlen.
Os oes angen mwy na phythefnos arnoch, bydd angen i chi gysylltu â'r Gwasanaethau Parcio am gymeradwyaeth.
E-bost: Parcio@sirgar.gov.uk
Os ydych chi'n newid eich cerbyd a bod angen hawlen newydd arnoch, bydd angen i chi wneud cais newydd. Bydd unrhyw hawlen newydd a roddir yn ddilys am 12 mis o'i dyddiad cyflwyno. Yn achos newid cerbyd, bydd angen i chi ildio eich hawlen bresennol.
Codir tâl i dalu'r costau gweinyddol sy'n gysylltiedig â chreu hawlen newydd.
