Fy Nghyfrifon

Rhaglen Raddedigion Sir Gaerfyrddin

Eich dyfodol chi gyda Sir Gaerfyrddin

 

Graddio cyn hir? Chwilio am yrfa ystyrlon lle mae eich gwaith yn gwneud gwahaniaeth mawr?

Yng Nghyngor Sir Caerfyrddin, mae ein Rhaglen Raddedigion yn rhoi'r cyfle i chi ddatblygu eich gyrfa wrth gael effaith ystyrlon ar draws Sir Gaerfyrddin. O'r diwrnod cyntaf, byddwch chi'n gweithio ar brosiectau go iawn, yn ennill profiad gwerthfawr, ac yn cael eich cefnogi i ddatblygu eich gyrfa. 

Fel sefydliad dwyieithog, rydyn ni'n falch o gefnogi siaradwyr Cymraeg a Saesneg a chreu amgylchedd cynhwysol lle gall pawb ffynnu. 

 

Mae ein rhaglen Raddedigion bellach ar agor!

Mae gennym gyfleoedd newydd a chyffrous ar gyfer graddedigion mewn amrywiaeth eang o rolau.

Rydym yn cynnal diwrnodau agored recriwtio wyneb yn wyneb ac ar-lein lle gallwch ddarganfod mwy. 

  • Dydd Mercher, 10 Mehefin – Ymunwch ar-lein am 6yh Gwnewch cais nawr
  • Dydd Iau, 11 Mehefin  - Llyfrgell Llanelli 
  • Dydd Llun, 15 Mehefin - Llyfrgell Caerfyrddin rhwng 1yp a 6yh
  • Dydd Mercher, 17 Mehefin – Ymunwch ar-lein am 2yp Gwnewch cais nawr
  • Dydd Iau, 18 Mehefin - Llyfrgell Rhydaman o 2yb - 6yh

Yn ystod y sesiynau hyn, bydd rheolwyr wrth law i gwrdd â chi a dweud mwy. Bydd cymorth hefyd ar sut i wneud cais, y ffurflen gais a dysgu sut mae'r rhaglen Raddedigion yn gweithio a beth mae'r cymwysterau'n arwain ato.

Yn ogystal, bydd cyfle i glywed straeon gan bobl a oedd unwaith lle rydych chi nawr a chael cyngor ganddyn nhw.

Beth rydyn ni'n ei gynnig i'n Graddedigion? 

 

  • Profiad go iawn o'r diwrnod cyntaf

Gweithio ar brosiectau ystyrlon sy'n gwneud gwahaniaeth i gymunedau lleol

 

  • Datblygiad proffesiynol

Dysgu strwythuredig, gweithdai, a chymorth datblygu gyrfa 

 

  • Cymwysterau

Cyfle i weithio tuag at gymwysterau proffesiynol neu ôl-raddedig

 

  • Mentora a chymorth

Dysgu gan gydweithwyr, mentoriaid ac uwch-arweinwyr profiadol

 

  • Cyfleoedd gwaith Cymraeg

Cyfle i ddefnyddio eich sgiliau Cymraeg neu eu datblygu ymhellach fel rhan o'ch rôl

 

  • Gweithio hyblyg

Ystod o fanteisio i gefnogi eich llesiant a chydbwysedd rhwng bywyd a gwaith

 

Dewch i wybod mwy am weithio i Gyngor Sir Gaerfyrddin

Proses Gwneud Cais

 

Chwilio

Dewch o hyd i'r rôl iawn i chi. Gweld pa gyfleoedd sydd ar gael.

 

 

Gwnewch gais

Cyflwynwch eich cais a rhannwch enghreifftiau sy'n dangos yr ymddygiadau rydyn ni'n chwilio amdanyn nhw.

 

Diwrnod recriwtio

Cymerwch ran mewn ymarferion rhyngweithiol, gan gynnwys asesiad iaith Gymraeg.

Cyfweliad

TDewch i ddweud mwy wrthyn ni am eich profiad a'ch uchelgeisiau.

 

Canlyniad

Byddwch yn cael adborth ac yn cael gwybod am y canlyniad terfynol.

Cymraeg yn y gwaith

 

Fel sefydliad dwyieithog, rydyn ni wedi ymrwymo i ddarparu gwasanaethau yn Gymraeg a Saesneg.

 

Bydd angen asesiad Cymraeg i bob rôl fel rhan o'r broses recriwtio.

 

Rydyn ni'n croesawu ceisiadau gan siaradwyr Cymraeg a siaradwyr di-Gymraeg a byddwn ni'n eich cefnogi i ddatblygu eich sgiliau fel rhan o'ch gyrfa gyda ni.

 

Awgrymiadau defnyddiol ar gyfer eich cais

Paratoi i fod yn llwyddiannus

Rydyn ni am i chi deimlo'n hyderus a bod ar eich gorau ym mhob cam. Dyma rai awgrymiadau i'ch helpu i baratoi:

 

  • Bod yn chi eich hun

Mae gyda ni ddiddordeb ynoch chi, eich cryfderau, eich profiadau, a'ch potensial

  • Dangos eich ymddygiadau

Defnyddiwch enghreifftiau sy'n dangos sut rydych chi'n gweithio, yn datrys problemau, ac yn cydweithio ag eraill 

  • Paratoi eich enghreifftiau

Myfyriwch ar sefyllfaoedd go iawn lle rydych chi wedi cael effaith sylweddol, wedi gweithio fel rhan o dîm, neu oresgyn her

 

  • Meddwl am yr hyn sy'n eich tanio

Pan fydd diddordeb gyda chi yn y rôl, cofiwch adael i ni wybod fel y gallwch ddatblygu eich gyrfa gyda ni

  • Cymryd eich amser i lewni'ch cais

Gofalwch bod eich atebion yn glir, yn berthnasol, ac yn dangos eich cryfderau

  • Dod i adnabod ni

Treuliwch amser yn bwrw golwg ar ein sefydliad, ein gwasanaethau, a'r gwahaniaeth rydyn ni'n ei wneud yn Sir Gaerfyrddin

Rydyn ni yma i'ch helpu chi i lwyddo - felly cymerwch eich amser, byddwch yn hyderus, a dangoswch eich cryfderau.

Llinell Amser

Mehefin 2026: Ceisiadau yn agor

21 Mehefin 2026: Dyddiad cau ar gyfer ceisiadau

9 – 10 Gorffennaf 2026: Diwrnodau Recriwtio

30 neu 31 Gorffennaf 2026: Cyfweliad gyda'r adran

Medi 2026: Dechrau cyflogaeth gyda Chyngor Sir Caerfyrddin

Dechreuwch ar eich taith heddiw

Mae eich gyrfa newydd ddechrau - ac rydyn ni yma i'ch helpu chi i'w datblygu. 

Gweler a oes genym y cyfle cywir i chi!

Cwestiynau cyffredin

Hwb