Llain 17,Llanelli
Llain 17, Brynmefys, Ffwrnes, Llanelli

Mae hwn yn gartref fforddiadwy newydd sy'n dŷ pâr tair ystafell wely o ansawdd uchel ac sy’n ynni-effeithlon (gradd EPC A) ym Mrynmefys, Ffwrnes, Llanelli - Mae hwn yn gartref fforddiadwy sydd ar gael i ymgeiswyr cymwys yn unig.

Mae'r cartref newydd hwn mewn lleoliad perffaith ar gyrion Tref Llanelli, o fewn cyrraedd hawdd i gyfleusterau cyffrous fel siopau manwerthu, sinema, campfeydd a lleoliadau adloniant eraill. Mae canolfannau deintyddol a meddygol gerllaw yn ogystal ag ysgolion cynradd ac uwchradd.

Mae cysylltiadau ffordd gwych yn darparu mynediad i'r M4. Mae traethau euraidd Pen-bre a Phorth Tywyn o fewn cyrraedd hawdd ac mae cae ras Ffos Las sydd wedi ennill llu o wobrau hefyd gerllaw. Mae Llanelli, Abertawe a Chaerfyrddin oll o fewn pellter teithio hawdd, ac felly mae'r lleoliad hwn yn un delfrydol.

Rhydd-ddeiliaeth yw'r cartref fforddiadwy 3 ystafell wely hwn

Os oes gennych ddiddordeb mewn prynu'r cartref hwn, mae'n rhaid eich bod wedi cofrestru i brynu cartref fforddiadwy gyda Chyngor Sir Caerfyrddin (gweler ein gwefan am fanylion) ac fe'ch anogir i drefnu gweld yr eiddo hwn pan fydd yn barod.

Bydd enwebiadau am brynwyr ar gyfer y cartref hwn yn cael eu gwneud o nawr tan 3 Hydref, 2025.

I gael gwybodaeth am y cynllun, ewch i’r tudalennau Cymorth i Brynu Tŷ.

Ymwadiad: Mae'r holl ddelweddau a ddefnyddir at ddibenion darluniadol yn unig gyda’r nod o gyfleu'r cysyniad a'r weledigaeth ar gyfer y datblygiad. Canllaw ydynt yn unig, a gallent newid wrth i'r gwaith fynd rhagddo ac nid ydynt o reidrwydd yn cynrychioli darlun gwir a chywir o'r cynnyrch gorffenedig a gall y fanyleb amrywio. Nid yw’n fwriad i’r holl ddelweddau a dimensiynau fod yn rhan o unrhyw gontract neu warant.