Pam mabwysiadu gyda ni

Mae mabwysiadu yn newid bywydau. Mae'n gyffrous, yn rhoi boddhad enfawr, ac, ar adegau, yn heriol. Pan fyddwch chi'n dewis Mabwysiadu Canolbarth a Gorllewin Cymru, rydych chi'n dewis gwasanaeth a fydd yn sefyll ochr yn ochr â chi o'ch ymholiad cyntaf a thrwy gydol eich taith.

Rydym yn cyfuno dull mabwysiadu cenedlaethol â gwybodaeth leol gref a pherthnasoedd ar draws Sir Gaerfyrddin, Ceredigion, Sir Benfro a Phowys. 

Beth allwch chi ei ddisgwyl wrthon ni:

• Dull a gydnabyddir yn genedlaethol, wedi'i weithredu'n lleol
• Hyfforddiant cyn ac ar ôl cael eich cymeradwyo
• Paru gofalus, ystyriol sy'n canolbwyntio ar sefydlogrwydd hirdymor
• Cefnogaeth leol, bwrpasol a pharhaus
• Mynediad at rwydwaith cryf o fabwysiadwyr ar draws y rhanbarth

Sut rydyn ni'n eich cefnogi

Byddwn yn gweithio gyda chi i:

• Edrych a yw mabwysiadu'n iawn i chi
• Eich paratoi at fod yn rhiant mabwysiadol trwy hyfforddiant ac asesu
• Nodi'r plentyn neu'r grŵp brodyr a chwiorydd iawn i chi
• Eich cefnogi drwy gyflwyno a lleoli'n gynnar
• Eich helpu i ddeall anghenion a phrofiadau eich plentyn
• Darparu cefnogaeth a chyngor parhaus ar unrhyw adeg ar ôl lleoli a mabwysiadu

Nid yw ein cefnogaeth yn dod i ben pan roddir Gorchymyn Mabwysiadu. Rydyn ni yma ar gyfer y tymor hir.