Seilwaith Cerbydau trydan
Dylai defnyddwyr Cerbydau Trydan (EV) yn Sir Gaerfyrddin fod yn hyderus y byddant yn gallu ailwefru eu cerbydau yn hawdd ac yn gyflym mewn lleoliadau cyfleus. Bydd y defnydd o gerbydau trydan yn arwain at wella ansawdd aer yn Sir Gaerfyrddin, yn ogystal â manteision ehangach fel helpu i liniaru newid yn yr hinsawdd drwy ddatgarboneiddio trafnidiaeth.
Mae ein Strategaeth Cerbydau Trydan wedi'i chreu i ddarparu cynllun a sylfaen dystiolaeth dechnegol sy'n cefnogi'r newid i gerbydau allyriadau sero ar gyfer trigolion, sefydliadau, busnesau ac ymwelwyr Sir Gaerfyrddin.
Ein gweledigaeth yw datblygu a hyrwyddo rhwydwaith o bwyntiau gwefru trydan, sy’n darparu ar gyfer ac yn annog twf yn y defnydd o Gerbydau Trydan yn y dyfodol, ac wrth wneud hynny yn diogelu ein rhwydwaith trafnidiaeth at y dyfodol ac yn cyfrannu at leihau llygredd lleol a byd-eang.
Rydym yn archwilio opsiynau i alluogi trigolion nad oes ganddynt gyfleusterau parcio oddi ar y stryd i wefru cerbydau trydan yn eu cartrefi. Mae ein treialon diweddar o sianeli ceblau ar draws palmantau bellach wedi dod i ben, ac rydym yn ystyried sut y gellid mabwysiadu'r ateb hwn a'i ddarparu i drigolion ledled y sir.
Hyd nes y bydd trefniadau o'r fath ar waith, ni chaniateir llusgo ceblau ar draws y palmant nac defnyddio matiau neu orchuddion ceblau.
