Grant cychwyn busnes
Yn yr adran hon
1. Cyflwyniad
Mae'r grant hwn ar gau ar hyn o bryd ar gyfer unrhyw ddatganiadau diddordeb newydd. Os hoffech i'ch manylion gael eu rhoi ar restr aros, fel y cewch wybod am unrhyw ddiweddariadau ynghylch cyllid yn y dyfodol, llenwch y ffurflen yn y ddolen isod.
Mae Cyngor Sir Caerfyrddin yn parhau i fod yn gwbl ymroddedig i gefnogi datblygiad economaidd a busnesau ledled y sir ac o ganlyniad wedi sicrhau cyllid i ddarparu Grant Twf Busnes Sir Gaerfyrddin a ariennir gan Lywodraeth y DU drwy'r Gronfa Twf Lleol.
Nod y pecyn grant yw cryfhau gweithgaredd entrepreneuraidd lleol a chefnogi Mentrau Bach a Chanolig eu Maint (Small and Medium Sized Enterprises (SMEs)) ar bob cam o'u datblygiad a dilyniant i ddechrau, cynnal a thyfu.
Bydd y grant Cychwyn Busnes yn annog a chefnogi creu busnesau newydd yn y sir, gan arwain yn uniongyrchol at greu swyddi newydd, a thrwy hynny wella'r economi leol.
Bydd y grant ar agor ar gyfer gwneud cais rhwng 11 Fai 2026 a’r 31 Hydref 2026 neu hyd nes y bydd y gronfa wedi'i dyrannu'n llawn.
Cynllun grant busnes fydd y Gronfa, a fydd yn cynnwys cefnogaeth at brosiectau gwariant cyfalaf a gwariant refeniw arbenigol (heb gynnwys costau rhedeg parhaus), lle mae swyddi newydd yn cael eu creu oherwydd y cymorth ariannol.
Mae'r canllawiau'n dal i fod yn destun newid oherwydd eu bod yn ddogfen ddrafft ar hyn o bryd
