Hysbysiadau Cyhoeddus

Gorchymyn Sir Gaerfyrddin (Gosod Terfyn Cyflymder O 40 M.Y.A) (Yr A485 - Mannau Amrywiol) 2025

Cyfeirnod y Ffeil: HMD/HTTR-1947

HYSBYSIR trwy hyn fod Cyngor Sir Caerfyrddin yn bwriadu gwneud Gorchymyn o dan Adrannau 84(1)(a), 84(1)(c), 84(2) a 124 o, a pharagraff 27 o Atodlen 9 i, Ddeddf Rheoleiddio Traffig Ffyrdd 1984 (fel y'i diwygiwyd).

Effaith y Gorchymyn fyddai:

1. Gosod terfyn cyflymder o 40 m.y.a ar hyd y darnau ffyrdd a ddisgrifir yn fyr yng ngholofn 2 o'r Atodlen i'r Hysbysiad hwn, ond a ddangosir yn fwy penodol ar y cynlluniau sy'n cynnwys y rhifau cyfeirnod teilsen unigryw a bennir yng ngholofn 3 o'r Atodlen ddywededig ar gyfer pob ardal a ddisgrifir yng ngholofn 1, y dylid eu darllen ar y cyd â'r Gorchymyn ac sy'n ffurfio rhan o'r un peth.
2. Dirymu “Gorchymyn Sir Gaerfyrddin (yr A485 Caerfyrddin i Lanbedr Pont Steffan) (Gosod Terfyn Cyflymder o 50 M.Y.A) 2012” i'r graddau y mae'n ymwneud â'r darnau ffyrdd arfaethedig a ddisgrifir yn yr Atodlen i'r Hysbysiad hwn ac a ddangosir yn fwy penodol ar y cynlluniau sy'n dwyn y rhifau cyfeirnod unigryw a bennir yng ngholofn 3 o'r Atodlen ddywededig.
3. Dirymu “Gorchymyn Sir Gaerfyrddin (Gosod Terfyn Cyflymder o 30 M.Y.A) 2023” i'r graddau y mae'n ymwneud â'r darnau ffyrdd arfaethedig a ddisgrifir yn yr Atodlen i'r Hysbysiad hwn ac a ddangosir yn fwy penodol ar y cynlluniau sy'n dwyn y rhifau cyfeirnod unigryw a bennir yng ngholofn 3 o'r Atodlen ddywededig.

Ceir manylion llawn y cynigion hyn yn y Gorchymyn ddrafft a gellir archwilio copi ohono, ynghyd â'r cynlluniau a atodwyd iddo sy'n dangos y darnau ffyrdd yr effeithir arnynt, a datganiad ynghylch rhesymau'r Cyngor dros fwriadu gwneud y Gorchymyn, yn HWB Gwasanaethau Cwsmeriaid Cyngor Sir Caerfyrddin yn Uned 22, Rhodfa'r Santes Catrin, Caerfyrddin SA31 1GA yn ystod oriau swyddfa arferol.

Mae'r dogfennau hefyd ar gael am ddim drwy ysgrifennu at Adain Rheoli Traffig y Cyngor yn Adeilad 2, Parc Myrddin, Waun Dew, Caerfyrddin SA31 1HQ, neu drwy e-bostio ENTrafficManagement@sirgar.gov.uk 

Os ydych am wrthwynebu’r Gorchymyn arfaethedig, gofynnir i chi gyflwyno eich rhesymau dros wrthwynebu yn ysgrifenedig i Steven Murphy, Pennaeth y Gyfraith, Llywodraethu a Gwasanaethau Sifil yn Neuadd y Sir, Caerfyrddin SA31 1JP erbyn yr 17eg o Fedi 2025, gan ddyfynnu cyfeirnod y ffeil isod.

Y Gorchymyn 

Mae Cyngor Sir Caerfyrddin (y cyfeirir ato fel “y Cyngor” o hyn ymlaen), trwy arfer ei bwerau o dan Adrannau 84(1)(a), 84(1)(c), 84(2) a 124 o, a pharagraff 27 o Atodlen 9 i, Ddeddf Rheoleiddio Traffig Ffyrdd 1984 (fel y'i diwygiwyd) (y cyfeirir ato fel "y Ddeddf" o hyn ymlaen) a'r holl bwerau galluogi eraill, ac ar ôl ymgynghori â Phrif Swyddog yr Heddlu yn unol â Rhan III o Atodlen 9 i’r Ddeddf, trwy hyn, yn gwneud y Gorchymyn canlynol:-

1. Cyfeirir at y Gorchymyn hwn fel "Gorchymyn Sir Gaerfyrddin (Gosod Terfyn Cyflymder o 40 M.Y.A) (Yr A485 – Mannau Amrywiol) 2025" a bydd yn dod i rym ar y XXX o XXX 2025.

2. Yn y Gorchymyn hwn:

a. Ystyr ‘Atodlen Map’ yw'r casgliad o Deils Map a restrir yn yr Atodlen i'r Gorchymyn hwn sy'n dangos, drwy gyfeirio at Eglurhad yr Atodlen Map, y darnau ffyrdd y mae'r terfyn cyflymder a osodir gan y Gorchymyn hwn yn berthnasol iddynt.

b. Ystyr ‘Cerbyd Esempt’ yw:

1. unrhyw gerbyd sy’n cael ei ddefnyddio at y dibenion a ddisgrifir yn Adran 87 o’r Ddeddf.
2. unrhyw gerbyd sy’n cael ei ddefnyddio at ddibenion y llynges, y fyddin neu’r llu awyr ac sy’n cael ei yrru gan berson sydd am y tro yn ddarostyngedig i orchmynion aelod o luoedd arfog y Goron, sy’n aelod o’r Lluoedd Arbennig ac sydd wedi ei hyfforddi i yrru ar gyflymderau uchel ac sy’n gweithredu wrth ymateb, neu wrth
   ymarfer ymateb, i argyfwng diogelwch gwladol neu at ddiben hyfforddi person i yrru cerbydau ar gyflymderau uchel.

c. Ystyr ‘Cyfeirnod Teilsen’ yw’r cyfeirnod a roddir i bob Teilsen Map, gan ddechrau yn y pen uchaf ar y chwith a chynyddu’n rhifiadol ar draws y grid yn llorweddol ac yn nhrefn yr wyddor i lawr y grid yn fertigol.

d. Ystyr ‘Eglurhad yr Atodlen Map’ yw Eglurhad yr Atodlen Map a arnodwyd ar y Deilsen Map, sy’n nodi’r darnau ffyrdd y mae’r terfyn cyflymder a osodir gan y Gorchymyn hwn yn berthnasol iddynt.

e. Ystyr ‘Lluoedd Arbennig’ yw’r unedau hynny o’r lluoedd arfog y mae Cyfarwyddwr y Lluoedd Arbennig yn gyfrifol am gynnal eu galluoedd neu sydd, am y tro, yn ddarostyngedig i reolaeth weithredol y Cyfarwyddwr hwnnw.

f. Ystyr ‘Map’ yw map sy'n cynnwys Sir Gaerfyrddin gyfan ac sydd i'w ddarllen ar y cyd â'r Gorchymyn ac sy'n ffurfio rhan o'r Gorchymyn.

g. Ystyr ‘Teilsen Map’ yw petryal grid sy'n troshaenu'r Map yn dynodi ardal yn Sir Gaerfyrddin, lle mae gan bob teilsen Gyfeirnod Teilsen unigryw.

3. Ni chaiff neb yrru unrhyw gerbyd modur, ac eithrio Cerbyd Esempt, yn gyflymach na 40 m.y.a ar hyd y darnau ffyrdd a ddangosir ar yr Atodlen Map a nodir yn yr Atodlen i'r Gorchymyn hwn.

4. Mae:

a. Gorchymyn Sir Gaerfyrddin (Y Ffordd A485 Caerfyrddin i Lanbedr Pont Steffan) (Gosod Terfyn Cyflymder o 50 M.Y.A) 2012; a

b. Gorchymyn Sir Gaerfyrddin (Gosod Terfyn Cyflymder o 30 M.Y.A) 2023,

trwy hyn, yn cael eu dirymu i'r graddau y maent yn ymwneud â'r darnau ffyrdd a nodir yn yr Atodlen i'r Gorchymyn hwn sy'n destun terfyn cyflymder o 40mya bellach.

Datganiad o'r rhesymau 

Pwrpas y Gorchymyn yw lleihau'r terfynau cyflymder uwch presennol i 40 mya a rhesymoli nifer y newidiadau o ran y terfyn cyflymder ar hyd ffordd yr A485.

Nodwyd bod angen lleihau'r terfyn cyflymder i 40 mya ym Mhont-ar-sais i wella diogelwch ffyrdd trwy reoleiddio cyflymder traffig lle ceir hanes o wrthdrawiadau traffig ffyrdd. Bydd lleihau'r terfyn cyflymder yn helpu i leihau'r risgiau o wrthdrawiad trwy wella amseroedd ymateb, lleihau pellteroedd stopio a gwella gallu holl ddefnyddwyr y ffordd i wneud penderfyniadau mwy diogel, yn enwedig wrth gyffyrdd lle mae’n anodd gweld yn glir:

Yn y man canlynol yng Ngwyddgrug, cynigir cael gwared ar rhan fer o derfyn cyflymder 30 mya rhwng y terfynau cyflymder 40mya a 20mya sydd eisoes ar waith, fel rhan o'r gwaith ehangach i resymoli newidiadau o ran y terfyn cyflymder ar hyd yr A485. Bydd hyn yn symleiddio'r newidiadau o ran y terfyn cyflymder, yn lleihau newidiadau diangen ac yn helpu gyrwyr i ddeall y terfynau a ddangosir yn well a chydymffurfio â hwy:

Lawrlwythiadau

 Map

Gwybodaeth Cyswllt

Llinell Uniongyrchol: 01267 224066 

E-bost: HeMDavies@sirgar.gov.uk 

Wendy Walters, Prif Weithredwr, Neuadd y Sir, Caerfyrddin

• Math o hysbysiad: Newidiadau i Derfynau Cyflymder
• Lleoliad: Sir Gaerfyrddin