Cwestiynau Cyffredin

Gall dysgwyr fod yn gymwys i gael cludiant am ddim i'r ysgol os ydynt yn bodloni'r HOLL feini prawf canlynol:

•    Rhwng 5 a 19 oed:
•    Yn byw yn Sir Gaerfyrddin
•    Yn mynychu'r ysgol agosaf/dalgylch
•    Dros 2 filltir i ffwrdd o ysgol gynradd, neu
•    Dros 3 milltir i ffwrdd o ysgol uwchradd.

Gall cludiant am ddim hefyd fod ar gael mewn sefyllfaoedd penodol, fel:

•    Pryderon am ddiogelwch ffyrdd
•    Cyflyrau meddygol
•    Anawsterau neu anableddau dysgu
•    Newid cartrefi yn ystod blynyddoedd TGAU
•    Credoau crefyddol

Os ydych chi'n credu bod y dysgwr yn gymwys, ymgeisiwch ar-lein.

YMGEISIO AR-LEIN 

Ar ôl ichi anfon y cais, byddwn yn ei adolygu ar sail y meini prawf cymhwystra. Os yw'r dysgwr yn gymwys, byddwn yn trefnu'r cludiant angenrheidiol neu'n cynnig Cyllideb Teithio Bersonol.

Dylai rhieni a gwarcheidwaid wneud cais am gludiant pan fydd eu plentyn yn trosglwyddo o flwyddyn 6 yn yr ysgol gynradd i'r ysgol uwchradd, sef ym mis Medi. Er mwyn sicrhau bod cludiant wedi'i drefnu erbyn hynny, cyflwynwch eich cais rhwng:

1 Tachwedd ac 1 Mehefin.

Os byddwch yn cyflwyno eich cais ar ôl mis Mawrth, ni allwn warantu y bydd yn cael ei brosesu mewn pryd ar gyfer y diwrnodiau pontio.

Bydd angen ichi gyflwyno cais i'r Cyngor lle rydych chi'n byw, er enghraifft:

Os yw'r dysgwr yn mynd i'r ysgol yn Sir Gaerfyrddin a'ch bod yn byw yn Sir Benfro, bydd yn rhaid ichi gyflwyno cais i Gyngor Sir Penfro.

Cyn Dechrau'r Tymor:

Ein nod yw anfon pasys bws ysgol i'ch cyfeiriad cartref erbyn diwedd mis Awst, fel eu bod yn cyrraedd mewn pryd ar gyfer dechrau'r tymor newydd ym mis Medi.

Oedi Cyn Cyflwyno Pasys neu Basys Coll:

Os ydych chi:

• Heb dderbyn y pàs bws erbyn diwedd mis Awst a'ch bod wedi gwneud cais ar amser, llenwch ein ffurflen gyswllt.
• Os gwnaed cais am y pàs wedi i'r tymor ddechrau, bydd pàs eich plentyn yn cael ei gyflwyno cyn pen 15 niwrnod ar ôl eich cais.

Trefniadau Dros Dro ac Amseroedd Brig

Sylwch:

• Efallai y ceir oedi wrth ymdrin â cheisiadau a wneir yn ystod cyfnodau prysur.
• Fel rhiant/gofalwr, chi sy'n gyfrifol am wneud trefniadau teithio dros dro nes i'r pàs bws gyrraedd.

Ar ôl ichi dderbyn y pàs bws, gwnewch yn siŵr eich bod yn ei gadw mewn lle diogel.

Mewn rhai achosion, gall y Cyngor gynnig ateb amgen i ddysgwyr pan fyddant yn gymwys i gael cludiant ysgol am ddim. Gelwir yr opsiwn hwn yn Gyllideb Teithio Bersonol. Grant i ddysgwyr sydd â hawl i gludiant am ddim yw hwn, er mwyn helpu i dalu costau teithio cludiant rhwng y cartref a'r ysgol neu'r coleg. Mae hyn yn rhoi mwy o ddewisiadau a rheolaeth i'ch teulu ynghylch sut i deithio'n ôl a blaen i'r ysgol/coleg. Cewch wario'r taliad hwn fel bo'r angen i sicrhau bod y daith i'r ysgol neu'r coleg yn cael ei chwblhau drwy'r dull gorau posib sy'n bodloni eich anghenion fel teulu.

Gallwch ddefnyddio'r Gyllideb Teithio Bersonol mewn gwahanol ffyrdd, gan sicrhau bod eich taith yn ddiogel, yn ddibynadwy ac yn gyfleus. Dyma rai enghreifftiau o sut y gallwch chi ei wario:

• Helpu i dalu am gostau rhedeg eich car eich hun
• Talu ffioedd trafnidiaeth gyhoeddus neu dacsi
• Talu teulu neu ffrindiau i wneud y daith i'r ysgol neu'r coleg, gan gynnwys rhannu ceir
• Beicio
• Talu am unrhyw beth arall sy'n gweithio i'ch teulu chi.

Sut mae'n gweithio: 

Nid yw'r Gyllideb Teithio Bersonol ond ar gael i deuluoedd sy'n gymwys i gael cludiant am ddim yn seiliedig ar bolisi cludiant i'r ysgol Sir Gaerfyrddin. Mae hefyd ar gael i fyfyrwyr sy'n mynychu Coleg Sir Gâr sydd â hawl i gludiant o dan bolisi cludiant y Coleg.

Os bydd eich pàs teithio yn mynd ar goll neu'n cael ei ddifrodi, dylech gael un arall yn ei le ar unwaith.

Archebwch bàs bws newydd ar-lein am ffi o £6

Gorchymyn pas bws newydd

Os bydd y dysgwr yn symud i gyfeiriad newydd neu'n mynychu ysgol wahanol, ac yn parhau i fodloni ein meini prawf cymhwystra, bydd angen ailymgeisio am gludiant i'r ysgol cyn gynted ag sy'n bosibl.

 YMGEISIO AR-LEIN

Er mwyn osgoi oedi wrth brosesu cais newydd, os oes gan y dysgwr bàs bws ar hyn o bryd, dylech ei anfon yn ôl i:

Teithiau Dysgwyr
Cyngor Sir Caerfyrddin
Bloc 1 
Parc Myrddin
Caerfyrddin 
SA31 1HQ

Os nad oes angen cludiant ar Ddysgwr mwyach, anfonwch y pàs teithio yn ôl i:

Teithiau Dysgwyr
Cyngor Sir Caerfyrddin
Bloc 1
Parc Myrddin
Caerfyrddin
SA31 1HQ

Cofiwch ddychwelyd y pàs pan na fydd ei angen mwyach oherwydd gallai ryddhau sedd i ddysgwr arall.

Argymhellwn eich bod yn sicrhau prawf postio i'ch cofnodion.

Cewch ddewis unrhyw ysgol i'r dysgwr, ar yr amod bod llefydd ar gael.

Os caiff dysgwr ei dderbyn i ysgol nad yw'n:

• Ysgol y Dalgylch neu’r
• Ysgol Addas Agosaf

NI fydd yn gymwys i gael cludiant am ddim i'r ysgol.

Mae hyn yn golygu y byddwch yn gyfrifol am:

• Drefnu cludiant eich plentyn rhwng y cartref a'r ysgol
• Talu costau cludiant

Cyn dod i benderfyniad, gallwch wirio a ydych yn gymwys i gael cludiant am ddim drwy glicio ar y ddolen isod.

Dalgylch Ysgol

Does dim angen i ddysgwyr wneud cais am bàs bws newydd bob blwyddyn os ydynt:

• Yn gymwys i gael pàs bws am ddim
• Yn dal i fynd i'r un ysgol
• Yn byw yn yr un cyfeiriad cartref

Os oes angen sedd sbâr ar y dysgwr, bydd yn ofynnol ailymgeisio.

Os oes gan eich teulu fwy nag un cartref rhiant a bod o leiaf un o'r cartrefi hynny yn Sir Gaerfyrddin, efallai y byddwch yn gymwys i gael pàs teithio i'r ysgol.

• Rhaid i ddysgwyr fynd i'r ysgol sydd yn eu dalgylch neu'r ysgol addas agosaf i'w prif gartref, neu i'r ysgol y cytunir sydd yn fwyaf addas i'r dysgwr.
• I wirio a yw'r dysgwr yn gymwys i gael cludiant i'r ysgol, llenwch y ffurflen gyswllt isod.

NODYN PWYSIG: Os oes gan y dysgwr ddau gartref mewn awdurdodau lleol gwahanol, bydd pob awdurdod yn gyfrifol am eu trefniadau teithio pan fyddant yn byw yn yr ardal honno.

E-bost - TeithioDysgwyr@sirgar.gov.uk 

Ni all yr Awdurdod Lleol ar hyn o byd gynnig "llefydd taledig" ar gludiant i'r ysgol. Mae hyn oherwydd rheolau o'r enw "Rheoliadau Hygyrchedd Cerbydau Gwasanaeth Cyhoeddus" sy'n effeithio ar y dull o weithredu'r gwasanaethau hyn.