Yn dilyn yr ataliad dros dro a achoswyd gan aflonyddwch cenedlaethol sy'n effeithio ar gasglu ac ailbrosesu offer rheweiddio, gallwn bellach dderbyn unedau oeri bwyd, fel oergelloedd a rhewgelloedd, trwy ein gwasanaeth casglu gwastraff swmpus.
Yn ystod yr aflonyddwch, rydym yn gwerthfawrogi bod gan breswylwyr ledled Sir Gaerfyrddin unedau oeri bwyd yn aros i'w casglu. Er mwyn ein helpu i reoli'r galw hwn a chael y gwasanaeth i redeg yn esmwyth eto, bydd cyfyngiad i ddechrau o un oergell neu rewgell fesul casgliad gwastraff swmpus.
Os hoffech i ni gasglu oergell neu rewgell o'ch cartref, gallwch chi drefnu casgliad gwastraff swmpus ar tudalen gwastraff swmpus.
Sylwer: Nid yw ein canolfannau ailgylchu yn gallu derbyn oergelloedd a rhewgelloedd ar hyn o bryd. Rydym yn gweithio i gyflwyno system a fydd yn caniatáu i ni reoli nifer yr oergelloedd a rhewgelloedd yn ein canolfannau ailgylchu yn ddiogel er mwyn ailddechrau'r gwasanaeth hwn. Byddwn yn rhoi diweddariad pellach cyn gynted ag y gallwn.
Helpwch ni i rannu'r neges trwy rannu'r wybodaeth hon gyda'ch teulu, eich ffrindiau a'ch chymdogion a allai ddibynnu ar eraill i gael gwybodaeth.
Diolch am eich amynedd a'ch dealltwriaeth barhaus wrth i ni weithio i adfer y gwasanaethau hyn.
