Cwestiynau cyffredin - Prentisiaethau

Mae prentisiaeth yn swydd gyflogedig. Fel prentis byddwch yn dysgu sgiliau sy'n berthnasol i'r rôl rydych yn hyfforddi ar ei chyfer, yn cwblhau cymhwyster a gydnabyddir yn genedlaethol ac yn ennill cyflog. Byddwch yn gweithio ochr yn ochr â chydweithwyr profiadol a fydd yn eich cefnogi i ennill profiad a dysgu am y swydd.

Mae yna 5 lefel o brentisiaethau. Mae rhain yn:

• Lefel 2 - Prentisiaeth Sylfaenol
• Lefel 3 - Prentisiaeth
• Lefel 4/5 - Prentisiaeth Uwch
• Lefel 6 - Prentisiaeth Gradd

Mae'r lefel yn dibynnu ar y rôl rydych chi'n ymgeisio amdani.

Mae prentisiaethau ar agor i bobl 16 oed a throsodd nad ydynt mewn addysg na hyfforddiant. Nid oes terfyn oedran uchaf ond bydd rhai gofynion mynediad ar gyfer y rôl rydych yn gwneud cais amdani.

Ni fydd angen i chi dalu unrhyw gostau tuag at eich hyfforddiant oherwydd byddwn ni'n talu'r costau.

Bydd hyn yn dibynnu ar ba gymhwyster rydych chi'n ei wneud. Mae yna wahanol ffyrdd i gefnogi eich dysgu ochr yn ochr â'r profiad gwaith, er enghraifft:

• Mynychu sesiynau rhithwir
• Mynychu coleg yn rhan-amser
• Mynychu canolfan hyfforddi leol lle mae modd ichi fynychu un diwrnod yr wythnos neu gyfnod ar ei hyd.
• Os ydych chi'n dilyn cwrs Gradd Prentis, byddwch chi'n mynychu'r Brifysgol neu'r Coleg

Mae hyd y brentisiaeth yn dibynnu ar y cymhwyster rydych chi'n gweithio tuag ato. Fel arfer, mae ein prentisiaethau'n para rhwng 12 mis a phedair blynedd.

Cewch eich cefnogi ar hyd y ffordd gan ein Ymgynghorydd Dysgu a Datblygu, y darparwr hyfforddiant sy'n eich cefnogi gyda'r cymhwyster yn ogystal â'ch rheolwr a'ch cydweithwyr.

Rydym yn Gyflogwr sydd â Hyder Mewn Pobl Anabl a byddwn yn eich cefnogi chi wrth weithio fel y gallwch weithio'n hyderus yn eich rôl newydd.

Bydd unrhyw gynigion cyflogaeth yn amodol nes eich bod wedi derbyn eich canlyniadau ffurfiol.

Bydd hyn yn dibynnu ar eich prentisiaeth. Mae gan Gyngor Sir Caerfyrddin swyddfeydd ledled y sir ond y prif swyddfeydd y bydd prentisiaid wedi'u lleoli ynddynt fydd:

• Caerfyrddin
• Llanelli
• Rhydaman

Bydd eich cyflog yn amrywio yn dibynnu ar lefel y brentisiaeth rydych chi am ei gwneud. Bydd angen i chi wirio'r hysbyseb swydd i weld y cyflog.