Cwestiynau Cyffredin

Mae ein safle gyrfaoedd wedi'i gynllunio i gefnogi ein hymgeiswyr i ddod o hyd i'r cyfle addas gorau sydd gennym ar gael ar unrhyw adeg benodol.

Gallwch gofrestru ar y Ganolfan Geisiadau sy'n eich galluogi i weld y swyddi gwag sydd ar gael; creu rhybuddion swydd i gyd-fynd â'r math o rôl rydych chi'n chwilio amdani; gwneud ceisiadau; gweld statws ceisiadau wedi'u cwblhau; gweld yr holl gyfathrebu; trefnu cyfweliadau a hyd yn oed derbyn cynigion am swyddi.

Ar ôl i chi gofrestru, gallwch wedyn wasgu'r botwm 'Gwneud cais' am unrhyw swydd wag y mae gennych ddiddordeb ynddi a chwblhau'r ffurflen gais.

Gallwch. Pan fyddwch yn cofrestru am y tro cyntaf, gofynnir i chi ym mha iaith yr hoffech gyflwyno unrhyw geisiadau a derbyn unrhyw ohebiaeth. Fodd bynnag, dylech fod yn ymwybodol na fyddwch yn gallu newid yr iaith ar ôl i chi ei dewis! Bydd angen i chi ail-gofrestru.

Peidiwch ag anfon eich CV yn lle’r ffurflen gais, oherwydd ni fydd yn cael ei gyflwyno ar gyfer asesu.  Hefyd, peidiwch â chysylltu eich CV wrth y ffurflen gais gan fod ein hasesiad yn seiliedig ar y wybodaeth a roddir yn y ffurflen gais yn unig.  Mae hynny’n golygu ein bod yn gallu asesu eich sgiliau ac yn y blaen trwy eu cymharu â’r rhai sydd gan ymgeisydd arall, a hynny mewn ffordd deg a chyson.

Nodwch y sgiliau iaith sydd gennych.  Mae’n bwysig eich bod yn nodi lefel y rhuglder sydd gennych.  Cyfeiriwch at y fanyleb person i weld lefel y rhuglder sy’n ofynnol a defnyddiwch y canllaw isod i asesu eich sgiliau eich hun.

LEFEL 1

Gwrando/Siarad

• Medru ynganu enwau llefydd ac enwau personol yn gywir.
• Medru cyfarch cwsmeriaid mewn derbynfa neu ar y ffôn.
• Medru agor a chloi sgwrs.

Darllen

• Medru deall testun byr ynglŷn â phwnc cyfarwydd pan wedi ei gyfleu mewn iaith syml, e.e. arwyddion elfennol, cyfarwyddiadau syml, deall cynnwys agenda.

Ysgrifennu

• Medru ysgrifennu enwau personol, enwau llefydd, teitlau swyddi ac enwau adrannau’r Cyngor.

LEFEL 2

Gwrando/Siarad

• Medru deall craidd sgwrs.
• Medru derbyn a deall negeseuon syml ar batrymau arferol, e.e. amser a lleoliad cyfarfod, cais am siarad gyda rhywun.
• Medru cyfleu gwybodaeth elfennol a chyfarwyddiadau syml.
• Medru agor a chau sgwrs a chyfarfod yn ddwyieithog.

Darllen

• Medru deall y rhan fwyaf o adroddiadau byrion a chyfarwyddiadau arferol o fewn arbenigedd y gwaith, â bod digon o amser wedi ei ganiatáu.

Ysgrifennu

• Medru llunio neges fer syml ar bapur neu e-bost i gydweithiwr o fewn y Cyngor neu gyswllt cyfarwydd y tu allan i’r Cyngor.

LEFEL 3

Gwrando/Siarad

• Medru deall a chymryd rhan yn y rhan fwyaf o sgyrsiau arferol o ddydd i ddydd yn y swyddfa.
• Medru cynnig cyngor i’r cyhoedd ar faterion cyffredinol mewn perthynas â’r swydd, er yn gorfod troi i Saesneg ar gyfer termau technegol neu arbenigol.
• Medru cyfrannu i gyfarfod neu gyflwyniad ar faterion cyffredinol mewn perthynas â’r swydd, er yn gorfod troi i Saesneg ar gyfer termau technegol neu arbenigol.

Darllen

• Medru deall y rhan fwyaf o’r adroddiadau, dogfennau a gohebiaeth y byddai disgwyl eu trafod yng nghwrs arferol y gwaith.

Ysgrifennu

• Medru llunio negeseuon ac adroddiadau anffurfiol at ddefnydd mewnol.

LEFEL 4

Gwrando/Siarad

• Medru cyfrannu’n effeithiol mewn cyfarfodydd mewnol ac allanol yng nghyd-destun y pwnc gwaith.
• Medru deall gwahaniaethau cywair a thafodiaith.
• Medru dadlau o blaid ac yn erbyn achos penodol.
• Medru cadeirio cyfarfodydd ac ateb cwestiynau o’r Gadair yn hyderus.

Darllen

• Medru deall gohebiaeth ac adroddiadau pwnc wedi eu llunio mewn cywair safonol.

Ysgrifennu

• Medru llunio gohebiaeth fusnes, adroddiadau byr, negeseuon e-bost a llenyddiaeth hysbysrwydd gyda chymorth golygyddol.

LEFEL 5

Gwrando/Siarad

• Medru cyfrannu’n rhugl a hyderus yng nghyswllt pob agwedd ar y gwaith beunyddiol, gan gynnwys trafod a chynghori ar faterion technegol, arbenigol neu sensitif.
• Medru cyfrannu i gyfarfodydd a darparu cyflwyniadau yn rhugl a hyderus.

Darllen

• Medru deall adroddiadau, dogfennau ac erthyglau y byddai disgwyl eu darllen yng nghwrs arferol y gwaith, gan gynnwys cysyniadau cymhleth a fynegir mewn iaith astrus.

Ysgrifennu

• Medru llunio gohebiaeth fusnes, adroddiadau byr, negeseuon e-bost a llenyddiaeth hysbysrwydd i safon dderbyniol gyda chymorth cymhorthion iaith.
• Medru llunio nodiadau manwl wrth gymryd rhan lawn mewn cyfarfod.

Gallwch. Byddwch yn derbyn diweddariadau e-bost wrth i'ch cais fynd yn ei flaen drwy'r broses recriwtio a gallwch wirio statws eich cais yn y Ganolfan Geisiadau. 

Mae gan y Ganolfan Geisiadau 'Ganolfan Gymorth' i'ch helpu gydag unrhyw ymholiadau neu faterion sydd gennych ynghylch mewngofnodi, cadw ffurflenni cais, cyflwyno ffurflenni cais, diwygio gwybodaeth. Os na allwch ddod o hyd i'r ateb yno, gallwch ffonio'r Tîm Recriwtio ar Recriwtio@sirgar.gov.uk

Na, bydd angen i chi gwblhau a chyflwyno un cais ar gyfer pob swydd.

Fodd bynnag, unwaith y byddwch wedi cwblhau un cais, bydd y rhan fwyaf o'r wybodaeth a gofnodir gennych yn cael ei storio ar gyfer eich cyfrif a gall ymddangos pan fyddwch yn cwblhau unrhyw geisiadau pellach. Gellir diwygio'r wybodaeth hon ar gyfer ceisiadau yn y dyfodol, a dylech sicrhau eich bod yn diweddaru adrannau o'r cais sy'n benodol i'r swydd, Datganiad Ategol; Hanes Gwaith; Addysg a Hyfforddiant.

Byddwch yn derbyn hysbysiad e-bost gennym ni, a bydd eich statws yn cael ei ddiweddaru yn y Ganolfan Geisiadau. Yn dibynnu ar sut mae'r rheolwr recriwtio eisiau cynnal y cyfweliadau, efallai y byddwch yn gallu hunan-ddewis amser cyfweld sy'n addas i chi drwy'r ganolfan geisiadau; neu byddwch yn cael manylion y cyfweliad. Os yw'r cyfweliadau'n cael eu cynnal yn rhithwir, anfonir dolen gyswllt atoch.

Ar ôl y cyfweliad byddwn yn cysylltu â chi cyn gynted â phosibl ac yn rhoi gwybod a ydych wedi bod yn llwyddiannus. Byddwn yn darparu adborth cyfweliad lle y gofynnwyd amdano. Byddwch hefyd yn derbyn cadarnhad gennym drwy'r Ganolfan Ymgeiswyr yn cadarnhau canlyniad y cyfweliad.

Byddwn yn ceisio siarad â chi i roi adborth i chi ar ein penderfyniad, a byddwn hefyd yn cadarnhau ein penderfyniad yn ysgrifenedig atoch, a gallwch weld gohebiaeth yn eich Canolfan Geisiadau.

Efallai y bydd eich rheolwr recriwtio yn trafod gyda chi yr opsiwn o gael eich rhoi yn ein Cronfa Dalent, fel y gall rheolwyr recriwtio eraill eich ystyried os ydynt yn credu bod gennych y sgiliau y maent yn chwilio amdanynt.

Bydd eich rheolwr recriwtio yn gallu dweud wrthych am fanylion allweddol eich cynnig, a bydd hyn hefyd yn cael ei gadarnhau'n ysgrifenedig i chi, y byddwch yn gallu ei weld yn y Ganolfan Geisiadau.

 Gallwch hefyd ddarllen am y buddion eraill a gynigir gennym ar ein tudalen Buddion Gweithwyr.

Gobeithio y byddwch wedi siarad â'ch rheolwr recriwtio a rhoi gwybod iddo ar lafar eich bod yn derbyn y swydd ond byddwn hefyd yn anfon llythyr cynnig amodol atoch yn cadarnhau'r manylion pwysig. Rhaid i chi fewngofnodi i'r Ganolfan Ymgeiswyr a derbyn y cynnig yn ffurfiol.

Sylwch:  Mae'r holl gynigion yn amodol ar wiriadau cyn cyflogaeth, ac fe'ch cynghorir i beidio â chyflwyno hysbysiad o'ch bwriad i adael eich swydd bresennol tan i chi gwblhau'ch holl wiriadau cyn cyflogaeth yn foddhaol a dywedwyd wrthych gan eich rheolwr recriwtio. 

Ar ôl i chi dderbyn y cynnig, gallwn ddechrau cynnal y gwiriadau cyn cyflogaeth perthnasol. Bydd y math a nifer y gwiriadau y mae'n ofynnol i ni eu gwneud yn dibynnu ar y swydd a gynigiwyd i chi.

Fe'ch anogir yn y Ganolfan Geisiadau i gwblhau'r gwiriadau angenrheidiol, a bydd eich rheolwr recriwtio hefyd yn cysylltu â chi os oes gwiriadau y mae angen eu cynnal wyneb yn wyneb.

Bydd y math a nifer y gwiriadau y mae'n ofynnol i ni eu gwneud yn dibynnu ar y swydd a gynigiwyd i chi a gallai gynnwys un neu fwy o'r gwiriadau canlynol:

Gwiriadau o bwy ydych chi a'ch hawl i weithio – cyn i chi ddechrau gweithio i ni, mae angen i ni wirio bod gennych yr hawl i weithio yn y DU, a rhoddir gwybod i chi ba ddogfen/dogfennau y bydd angen i chi eu dangos. Mae'n bwysig nodi bod yn rhaid i ni weld y ddogfennaeth wreiddiol, felly ni fyddwn yn gallu derbyn llungopïau.

Gwiriadau cyflogaeth flaenorol a geirdaon – yn y rhan fwyaf o achosion, bydd angen i ni ofyn am eirda gan eich cyflogwr presennol, a chyflogwyr blaenorol hefyd. Os ydych yn credu efallai na fyddwch yn gallu darparu geirdaon am gyfnod parhaus o gyflogaeth, siaradwch â'ch rheolwr recriwtio a gallem ystyried a fyddai mathau eraill o eirdaon yn dderbyniol.

Gwiriadau arolygu neu gadarnhau iechyd - ein nod yw hyrwyddo a chynnal iechyd pawb yn y gwaith. Efallai y bydd yn rhaid i chi gael gwiriad iechyd os yw'n ofyniad cyfreithiol i'r swydd, ac fel cyflogwr cyfrifol, o dan gyfraith Iechyd a Diogelwch, mae'n rhaid i ni sicrhau bod eich iechyd a'ch llesiant yn cael eu diogelu, ac nad yw'r gwaith rydych chi'n ei wneud yn niweidio eich iechyd. O ganlyniad i asesiad cadarnhau iechyd, efallai y bydd angen addasiadau neu gymorth i'ch galluogi i wneud y gwaith.

Gwiriadau o Gofnodion Troseddol - Os yw eich swydd yn cynnwys y canlynol, mae'n rhaid i ni gael gwiriad cofnod troseddol arnoch chi:

• Gweithio gyda phlant neu oedolion agored i niwed.
• Gweithio mewn swydd lle byddwch yn cael cysylltiad rheolaidd â phlant neu grwpiau agored i niwed megis gweithio mewn ysgol neu gartref gofal.

Gofynnir i chi lenwi'r datganiadau priodol a'r ffurflenni cais y Gwiriad Gwasanaeth Datgelu a Gwahardd (DBS). Bydd unrhyw wybodaeth a ddatgelir yn cael ei thrin yn gwbl gyfrinachol a dim ond y rhai sydd angen ei gweld fel rhan o'r broses recriwtio y bydd yn ei gweld.
Sylwch: Ni fydd cofnod troseddol o reidrwydd yn gwahardd unigolyn rhag gweithio gyda ni. Bydd hyn yn dibynnu ar natur y swydd ac amgylchiadau a chefndir y troseddau.

Polisïau Recriwtio Cyn-droseddwyr a'r Gwasanaeth Datgelu a Gwahardd (DBS)

Gwirio Cymwysterau a/neu wiriadau Cofrestriadau Proffesiynol - os oes angen cymwysterau, hyfforddiant neu gofrestriadau proffesiynol arnoch ar gyfer y swydd, byddwn yn gofyn am brawf o hyn. Nid oes angen i ni weld a gwirio pob cymhwyster, dim ond y rhai sy'n ofyniad hanfodol ar gyfer y swydd sydd ei hangen arnom, fel y nodir ym mhroffil y swydd.

Peidiwch â phoeni os na allwch ddarparu prawf (er enghraifft, mae wedi'i golli), Os yw'r cymhwyster yn berthnasol i'r swydd, yn achos llawer o arholiadau, gellir cael tystysgrifau newydd drwy fyrddau arholi. Efallai y byddwch hefyd yn gallu cael prawf drwy gysylltu â'r sefydliad academaidd perthnasol. Os bydd yr ymdrechion hyn yn methu, yn y pen draw bydd yn rhaid i'ch rheolwr recriwtio arfer disgresiwn a phenderfynu a yw am barhau â'r apwyntiad yn seiliedig ar yr holl wybodaeth sydd ar gael iddo.

Y rheolau
Mae’r cloc yn dechrau o sero ar gyfer unrhyw hawliau neu fuddion statudol.
Mae Dogfen Cyflog ac Amodau’r Cyd-gyngor Cenedlaethol ar gyfer Gwasanaethau Llywodraeth Leol (Y Llyfr Gwyrdd) yn nodi rhai hawliau neu fuddion galwedigaethol lle mae gwasanaeth llywodraeth leol parhaus blaenorol yn cael ei ystyried. Mae’r rhain yn cynnwys tâl salwch galwedigaethol, tâl mamolaeth galwedigaethol a hawl i wyliau blynyddol.
Mae Gorchymyn Taliadau Diswyddo (Parhad Cyflogaeth mewn Llywodraeth Leol, etc.) (Addasu) 1999 (Y Gorchymyn Addasu) yn nodi bod gwasanaeth parhaus blaenorol mewn corff sy’n destun y Gorchymyn Addasu yn cyfrif wrth gyfrifo tâl dileu swydd.

Beth yw gwasanaeth parhaus?

Ymddiswyddiadau:
Mae Deddf Hawliau Cyflogaeth 1996 yn nodi bod wythnos, o ddydd Sul i ddydd Sadwrn, pan fo person wedi bod o dan gontract cyflogaeth, yn cyfrif fel wythnos o waith. Er mwyn torri gwasanaeth parhaus, rhaid cael bwlch o un wythnos gyflawn, o ddydd Sul i ddydd Sadwrn, pan nad oedd y person yn gyflogedig.

Dileu swydd:
Mae’r Gorchymyn Addasu hefyd yn nodi sut y dylid trin taliadau dileu swydd a gwasanaeth parhaus pan fydd rhywun yn cael ei ddiswyddo. Pan fydd person sy’n cael ei ddiswyddo ac yn cael cynnig swydd gyda chorff Gorchymyn Addasu arall cyn ei ddiwrnod olaf o wasanaeth A’I fod yn dechrau’r swydd newydd honno o fewn pedair wythnos (dydd Sul i ddydd Sadwrn), mae’r diswyddiad i bob pwrpas yn diflannu. Mae hyn yn golygu nad oes gan y person hawl bellach i’r taliad dileu swydd (rhaid ei ad-dalu) ond mae’n cadw ei wasanaeth parhaus. Fodd bynnag, os bydd yn dechrau yn y swydd newydd AR ÔL y pedair wythnos (dydd Sul i ddydd Sadwrn) NEU y cynigir y swydd AR ÔL y diwrnod olaf o wasanaeth, mae’r diswyddiad dileu swydd yn sefyll, a gall gadw ei daliad dileu swydd ond mae’n colli ei wasanaeth parhaus.

TUPE:
Mae’r Llyfr Gwyrdd yn nodi bod gwasanaeth parhaus yn cael ei dorri pan fo person yn cael ei drosglwyddo allan o lywodraeth leol o dan reoliadau TUPE (ac yn cael ei drosglwyddo o dan yr un rheoliadau wedi hynny yn dilyn ymarfer aildendro) ac yn dychwelyd yn wirfoddol i lywodraeth leol, h.y. yn ymddiswyddo i gymryd swydd mewn cyngor. Fodd bynnag, os bydd yn dychwelyd yn wirfoddol i lywodraeth leol oddi wrth y swydd iddo gael ei drosglwyddo iddi (neu swyddi dilynol iddo gael ei drosglwyddo iddynt) o fewn pum mlynedd i’r dyddiad trosglwyddo gwreiddiol, mae ei wasanaeth gyda’r cyflogwr/cyflogwyr yn y canol yn cyfrif tuag at gyfrifo gwyliau, absenoldeb a thâl mamolaeth / tadolaeth / rhiant a rennir galwedigaethol, ac absenoldeb a thâl salwch galwedigaethol. Ar gyfer y ddarpariaeth hon, rhaid bod llai nag un wythnos glir (dydd Sul i ddydd Sadwrn) rhwng cyflogaeth gyda’r cwmni preifat yn dod i ben a chyflogaeth gyda’r cyngor yn dechrau.

Pa sefydliadau sy’n dod o dan Orchymyn Taliadau Diswyddo (Parhad Cyflogaeth mewn Llywodraeth Leol, etc.) (Addasu) 1999?
Mae’r gorchymyn yn cynnwys pob awdurdod lleol a bron pob sefydliad arall a oedd yn flaenorol o dan reolaeth awdurdodau lleol, gan gynnwys colegau addysg bellach, prifysgolion newydd (colegau polytechnig gynt) a sefydliadau amrywiol eraill. Rhestrir y sefydliadau a gwmpesir yn y gorchymyn. Mae’r gorchymyn hefyd yn berthnasol i academïau o ganlyniad i Ddeddf Academïau 2010. Nid yw’r gorchymyn yn cwmpasu cyrff llywodraeth ganolog, hen brifysgolion, nac ysgolion a cholegau preifat.

Byddwch yn derbyn e-bost gennym ar ôl i'ch gwiriadau cyn cyflogaeth gael eu cwblhau'n foddhaol. Bydd eich rheolwr recriwtio hefyd yn cysylltu â chi i gytuno ar ddyddiad dechrau a thrafod yr holl drefniadau eraill yn barod i chi ymuno â'r tîm!