Gwastraff bwyd
Mae'r casgliadau bwyd yn digwydd yn wythnosol. Dylech osod eich bin allan i'w gasglu erbyn 6am ar eich diwrnod casglu. Rydym yn troi eich bwyd yn ynni a gwrtaith. Gall 6 bag te sydd wedi'u hailgylchu gynhyrchu digon o drydan i wneud paned arall.
Rydym yn darparu :
- Cadi cegin ar gyfer eich cegin
- Bin bwyd i'w roi allan yn wythnosol i'w gasglu
- 3 rholyn o fagiau ar gyfer eich cadi cegin, a gaiff eu dosbarthu'n flynyddol. Os byddan nhw'n dod i ben cyn y dyddiad dosbarthu gallwch archebu mwy ar-lein.
Gall yr holl fwyd amrwd a bwyd wedi'i goginio fynd yn eich bin bwyd. Ewch i'n canllaw ailgylchu A-Y i gael rhagor o wybodaeth.
- Tynnwch yr holl ddeunydd pecynnu yn gyntaf a defnyddiwch a chlymwch y bagiau leinio a ddarparwyd.
- Dim hylifau yn y bin, a chofiwch gadw'r caead ar gau.
Os ydych yn credu ein bod wedi gadael eich bin heb ei gasglu, ewch i'n tudalen sbwriel sydd heb ei gasglu am ragor o arweiniad a sut i roi gwybod am y broblem.
