Arfor

ARFOR 2

Prif amcan Arfor 2 yw cefnogi'r cymunedau sy'n gadarnleoedd y Gymraeg i ffynnu drwy ymyriadau economaidd a fydd hefyd yn cyfrannu at gynyddu cyfleoedd i weld a defnyddio'r Gymraeg yn ddyddiol.

Fel rhan o’r rhaglen, mae ffrydiau gwaith penodol wedi’u datblygu sy’n rhoi cyfleoedd i fusnesau, sefydliadau cymunedol a’r sector cyhoeddus i fynd i’r afael â’r heriau sy’n wynebu rhanbarth Arfor.

Cymunedau mentrus

Un o ymyriadau'r rhaglen yw'r gronfa Cymunedau Mentrus sy'n ceisio datblygu Gofodau Cymraeg sy'n cynnig amgylchedd naturiol i bobl weithio a chymdeithasu drwy gyfrwng y Gymraeg.

Gan weithredu fel cyfle grant trydydd parti i fusnesau a sefydliadau cymunedol yn Sir Gaerfyrddin, nod y gronfa yw rhoi cymorth i ddatblygu prosiectau sy'n cyd-fynd â nodau strategol y rhaglen a rhoi atebion i'r heriau a nodwyd ar draws y rhanbarth.

Beth yw'r cynnig?

• Cymorth ariannol i ariannu hyd at 70% o gostau'r prosiect (cyfalaf a refeniw)
• Mae pecynnau cymorth o rhwng £5,000 a £30,000 ar gael.
• Rhaid cwblhau prosiectau erbyn Rhagfyr 2024.

Bydd angen i ymgeiswyr:

• Ymrwymo i egwyddorion ARFOR, trwy lofnodi cytundeb egwyddorion ar y cyd.
• Cwblhau asesiad ieithyddol drwy gynllun Cynnig Cymraeg, Gomisiynydd y Gymraeg.
• Ymrwymo i fynychu gweminarau penodol e.e. Sero Net; Dwyieithrwydd
• Ymrwymo i adolygu a chynyddu defnydd o’r Gymraeg.
• Ymrwymo i gynnig cyfraddau Cyflog Byw y Sefydliad Cyflog Byw (Living Wage Foundation).

Mae'r gronfa yma ar gau.

Canllawiau

Beth yw'r Cynnig cymraeg

cytundeb egwyddorion

ffurflen buddiolwyr

Rheolau cymorthdal

Cronfa Her

Bydd Cronfa Her Arfor yn agored i geisiadau cydweithredol gan unrhyw unigolion, sefydliadau, grwpiau cymunedol neu fusnesau sy'n barod i ddangos ateb arloesol i her sy'n bodoli yn eu cymuned leol.

Uchelgais Cronfa Her rhaglen Arfor fydd archwilio atebion sy'n cryfhau'r berthynas rhwng y Gymraeg a'r economi, ac rydym yn chwilio am gynlluniau sy'n cynnig profi'r canlynol:

Bod y Gymraeg yn hwb i'r economi

Bod y Gymraeg yn cynnig cyfleoedd cyflogaeth newydd i gyflogwyr a staff

Gall defnyddio'r Gymraeg helpu i greu brand ac atyniad i fusnesau

Gall defnyddio'r Gymraeg danio ymdeimlad o falchder, gan gynnwys ymdeimlad o berthyn i gymuned

Mae Menter a Busnes yn gweinyddu y Gronfa ar rhan rhanbarth Arfor. 

Cofrestwch yma am fwy o fanylion

Llwyddo'n Lleol 2050 

Mae gan brosiect Llwyddo'n Lleol 2050 gyfle cyffrous i 12 unigolyn ymuno â rhaglen newyddiaduraeth dros gyfnod o 6  wythnos. Fel rhan o'r rhaglen, bydd ymgeiswyr llwyddiannus yn derbyn sesiynau wythnosol gan arbenigwyr yn y maes.

Menter a Busnes sydd yn gweithredu'r rhaglen yma. Rhaid ymgeisio cyn Hydref 2023. 

Ymgeisiwch yma

Llwyddo'n Lleol 2050 Gyrfaoedd

Fel rhan o raglen Llwyddo’n Lleol, mae gan fusnesau sydd wedi lleoli yn Sir Gâr gyfle i fod yn rhan o gynllun cyffrous a gall rhoi cymorth ariannol i fusnesau i gynnal person ifanc yn y gweithle.

Rydym yn awyddus i glywed gan fusnesau yn sectorau isod;

• Sector greadigol
• Technoleg
• Gwyrdd/sector adnewyddadwy
• Technoleg amaethyddol
• Digidol
• Marchnata digidol

Cofrestrwch yma drwy gwblhau’r ffurflen cyn 12 o Dachwedd 2023. Bydd swyddog prosiect yn cysylltu i drafod ymhellach ar sut allwch chi fuddio drwy’r cynnig yma wrth roi cyfle i berson ifanc. Snap Surveys (welcomesyourfeedback.net)

Am drafod mwy yn gyntaf? Cysylltwch Ceri Jenkins ceri.jenkins@menterabusnes.co.uk

Beth yw manteision defnyddio'r Gymraeg?

Mae'n denu cwsmeriaid.
Dywedodd 82% o gwsmeriaid mewn ymchwil diweddar eu bod yn fwy tebygol o ddewis cwmni sy'n
darparu gwasanaeth Cymraeg da.

Mae'n cryfhau brand.
Mae 82% o fusnesau'n cytuno neu'n cytuno'n gryf bod defnyddio'r Gymraeg yn ychwanegu gwerth at gynnyrch neu wasanaeth.

Mae'n cryfhau teyrngarwch cwsmeriaid.
Mae iaith yn rhan bwysig o hunaniaeth pob person. Byddwch yn meithrin perthynas gyflym gyda
chwsmeriaid Cymraeg eu hiaith ac yna byddant yn sicr o ddefnyddio eich busnes eto os ydynt yn eich gweld fel busnes dwyieithog.

Mae'n dangos tegwch a chydraddoldeb.
Mae defnyddio dwy iaith swyddogol Cymru yn dangos parch at ddiwylliant y wlad a'i phobl.

Gall godi proffil eich busnes.
Gall busnesau dwyieithog elwa o sylw gan ffrydiau cyfryngau Cymraeg yn ogystal â rhai Saesneg.

Gall gyfrannu at gadw iaith a diwylliant brodorol y sir.
Byddwch yn rhoi cyfle i drigolion y sir ddefnyddio eu Cymraeg. Bu gostyngiad o 6% yng nghanran y siaradwyr Cymraeg yn y sir yn y cyfrifiad diwethaf.
Bydd cynyddu gwelededd y Gymraeg yn eich busnes yn helpu i atal y Gymraeg rhag dirywio ymhellach.

Rydym wedi datblygu taflen wybodaeth Cymraeg mewn Busnes sy'n rhoi awgrymiadau defnyddiol ar sut y gallwch gynyddu'r defnydd o'r Gymraeg yn eich busnes.

Cymraeg mewn Busnes

Mae Comisiynydd y Gymraeg wedi creu canllaw defnyddiol ynghylch sut i greu arwyddion dwyieithog ar gyfer eich busnes. Mae’n cynnwys cyngor ar y cynllun, sut i osgoi camgymeriadau, ac enghreifftiau go iawn gan fusnesau sy’n gweithio yng Nghymru.

Canllaw arwyddion dwyieithog

A ydych am ddysgu Cymraeg?

Pa ffordd well o ddechrau eich taith dysgu Cymraeg na gyda staff o'r un anian o sefydliadau a busnesau eraill?

Drwy'r rhaglen Cymraeg Gwaith gyda'r Ganolfan Dysgu Cymraeg Genedlaethol, rydym yn cefnogi dosbarthiadau am ddim i fusnesau yn Sir Gaerfyrddin.

Bydd y cwrs yn dechrau ym mis Tachwedd 2023 ac yn para am 32 wythnos.

I gadw eich lle, llenwch y ffurflen fer hon