Sut y bydd Cronfa Ffyniant Gyffredin y DU yn cael ei darparu yn Sir Gaerfyrddin
Mae Cronfa Ffyniant Gyffredin y DU yn un o bileri canolog agenda Ffyniant Bro Llywodraeth y DU a bydd yn darparu cyllid dros y ddwy flynedd nesaf hyd at fis Mawrth 2025. Mae’r Rhaglen yn gymysgedd o gyllid refeniw a chyfalaf y gellir ei ddefnyddio i gefnogi ystod eang o ymyriadau i feithrin balchder bro a gwella cyfleoedd bywyd.
Nod y Gronfa yw cyflawni hyn drwy pedwar blaenoriaeth buddsoddi:
- Cymuned a Lle
- Cefnogi Busnesau Lleol
- Pobl a Sgiliau
- Lluosi (rhifedd oedolion)
Bydd 3 dull darparu ar gyfer Cronfa Ffyniant Gyffredin y DU yn Sir Gaerfyrddin
- Rhaglenni Angor
- Prosiectau Strategol
- Prosiectau a Gomisiynwyd
Mae prosbectws Cronfa Ffyniant Gyffredin y DU yn rhoi trosolwg cynhwysfawr o'r gronfa.
Rhaglenni Angor
Mae Rhaglenni Angor yn rhaglenni thematig a reolir gan dimau Awdurdodau Lleol a fydd yn mynd i'r afael â rhannau mawr o'r Cynllun Buddsoddi Lleol yn bennaf drwy gynnig grantiau trydydd parti i sefydliadau.
Rhaglenni Angor
Ymgysylltiad Busnes Sir Gâr
Bydd y prosiect yn rhoi cymorth i fusnesau lleol yn Sir Gaerfyrddin drwy ddarparu'r cymorth angenrheidiol i'w helpu i dyfu a chreu cyfleoedd cyflogaeth newydd.
Cymorth Cyflogadwyedd
Darparu cymorth i gael pobl yn ôl i waith, gan leihau rhwystrau i gael gwaith a chefnogi unigolion gyda chyfleoedd gwirfoddoli i ennill profiad yn y gweithle.
Prosiectau Strategol
Bydd heriau wedi'u nodi yn y Cynllun Buddsoddi nad ydynt wedi'u cynnwys yn y Rhaglenni Angor. Ymdrinnir â'r rhain trwy agor galwadau am Brosiectau Strategol.
Prosiectau a Gomisiynwyd
Bydd y rhain yn cael eu pennu a'u caffael i ddarparu gweithgaredd wedi'i ddiffinio'n fanwl gywir nad yw'n cael ei gyflawni gan y Rhaglenni Angor na'r prosiectau Unig Strategol. Mae hyn er mwyn sicrhau ein bod yn cyflawni anghenion ein Cynllun Buddsoddi Lleol.
