Manteision bod yn ddwyieithog

Yn Sir Gaerfyrddin y nod yw i bob plentyn gael y cyfle i adael yr ysgol a bod yn rhugl yn y Gymraeg a'r Saesneg. Mae mwy a mwy o gyflogwyr ledled y sir a Chymru gyfan yn awyddus i recriwtio staff sy'n gallu gweithio'n gyfforddus yn y ddwy iaith.

Mae dwyieithrwydd yn cryfhau’r galluoedd gwybyddol – mae pobl ddwyieithog yn tueddu bod yn fwy creadigol a hyblyg. Maent yn tueddu i fod â meddwl mwy agored, ac maent hefyd yn ei chael yn haws canolbwyntio ar amrywiaeth o dasgau ar yr un pryd.

Mae ymchwil yn dangos y gall dysgu a defnyddio dwy iaith ddod â llawer o fanteision, gan gynnwys:

• Sgiliau cyfathrebu a llythrennedd cryf yn y Gymraeg a'r Saesneg
  
• Mwy o hyder a hyblygrwydd gwybyddol
  
• Gwell sgiliau datrys problemau a meddwl yn greadigol
  
• Mynediad at ystod ehangach o gyfleoedd addysgol, diwylliannol a chymdeithasol
  
• Mwy o gyfleoedd gyrfa yng Nghymru a thu hwnt

Yn bwysig, nid yw dysgu drwy gyfrwng y Gymraeg yn effeithio ar allu plentyn i ddysgu Saesneg. Mae disgyblion mewn ysgolion cyfrwng Cymraeg yn dod yn siaradwyr Saesneg rhugl tra'n ennill y fantais ychwanegol o siarad Cymraeg.

Agor Drysau i'r Dyfodol

Mae sgiliau Cymraeg yn cael eu gwerthfawrogi fwyfwy gan gyflogwyr ar draws amrywiaeth o sectorau, gan gynnwys addysg, gofal iechyd, llywodraeth leol, busnes a'r diwydiannau creadigol. Trwy ddewis addysg cyfrwng Cymraeg, rydych yn rhoi sgil ychwanegol i'ch plentyn a all fod o fudd iddo drwy gydol ei fywyd a'i yrfa.

Iaith am Oes

Mae addysg cyfrwng Cymraeg yn ymwneud â mwy na dysgu iaith. Mae'n rhoi'r cyfle i blant ddod yn rhan o dreftadaeth ddiwylliannol gyfoethog Cymru wrth eu paratoi ar gyfer byd amlieithog.
Drwy ddewis addysg cyfrwng Cymraeg, rydych yn rhoi'r cyfle i'ch plentyn fyw, dysgu a ffynnu yn y Gymraeg a'r Saesneg, gan agor drysau heddiw ac yn y dyfodol.

Ac mae gallu siarad dwy iaith yn helpu mewn ffyrdd eraill hefyd...

Addysg

• Mae plant dwyieithog yn tueddu i fod yn fwy llwyddiannus mewn addysg. Maent yn tueddu i gyflawni’n well mewn tasgau
• Mae pobl ddwyieithog yn ei gweld yn haws i ddysgu ieithoedd ychwanegol
• Mae plant sy’n derbyn addysg Gymraeg yn gwneud gystal, os nad gwell, yn Saesneg â phlant sy’n cael addysg Saesneg

Tystiolaeth: Adroddiad Estyn - Saesneg yng nghyfnodau allweddol 2 a 3 (.pdf) | Erthygl 'The Times' 11.4.17

Gyrfa

• Mae siarad dwy iaith yn rhoi sgil arall i’w roi ar eich ffurflen gais
• Ar gyfartaledd, mae pobl ddwyieithog yn ennill 11% o gyflog ychwanegol
• Mae angen gweithluoedd dwyieithog ar gyflogwyr yng Nghymru, gan fod angen darparu gwasanaethau’n ddwyieithog

Tystiolaeth: Welsh speakers 'more likely to get top qualifications and jobs'

Iechyd

• Mae ymchwil yn dangos bod dwyieithrwydd yn gohirio dechreuad Dementia a symptomau eraill clefyd Alzheimer

Tystiolaeth: Delaying the onset of Alzheimer disease | 'Bilingual people twice as likely to recover from a stroke'

Bywyd

• Mae siarad dwy iaith yn ehangu eich gorwelion
• Mae medru’r iaith Gymraeg yn rhoi mynediad i agweddau helaeth ar ddiwylliant, hanes a hunaniaeth Cymru
• Mae medru’r Gymraeg yn allwedd i fywyd cymunedol cyfoethog
• Mae medru’r Gymraeg yn rhoi hunaniaeth gadarn ac ymdeimlad o berthyn
• Mae medru newid o un iaith i’r llall yn hyderus yn magu hyder a balchder yn yr unigolyn
• Gall pobl aml-ieithog fod yn fwy goddefgar tuag at ddiwylliannau eraill

Tystiolaeth: Adroddiad ar fanteision dwyieithrwydd 'The Advantages of Bilingualism in Welsh and English' gan Yr Athro Colin Baker