Derbyn i Ysgolion - Gwybodaeth i Rieni 2026-2027
Yn yr adran hon
- Cyflwyniad
- ADRAN A – Derbyn i Ysgolion Sir Gaerfyrddin
- Pryd i wneud cais
- Ar ba oed y gall plant ddechrau ysgol gynradd?
- Derbyn i ysgolion uwchradd gan gynnwys y chweched dosbarth
- Dewis Ysgol a Dalgylchoedd
- Sut mae gwneud cais
- Rhoi Lleoedd - Y Meini Prawf Gor-alw
- Symud/newid ysgol y tu allan i’r trefniadau derbyn arferol (Symud yn ystod y flwyddyn/canol blwyddyn)
- Hysbysiad am gynnig o le mewn ysgol
- Apeliadau yn ymwneud â derbyn disgyblion i ysgolion cynradd neu uwchradd cymunedol / gwirfoddol a reolir
- Derbyn i Ysgolion Gwirfoddol a Gynorthwyir
- ADRAN B – Gwybodaeth am Addysg a Dysgu
- Profiadau Dysgu
- Dysgu'r Gymraeg a'r Saesneg yn Ysgolion Sir Gaerfyrddin
- Arholiadau Cyhoeddus
- Gwahardd disgyblion
- Gweithgareddau Ysgolion
- Dyddiad Gadael Ysgol
- Cyrff Llywodraethu Ysgolion
- ADRAN C – Gwasanaethau i Ddisgyblion
- Cyngor Sir Caerfyrddin – Polisi Cludiant Ysgol
- Prydau Ysgol a Grant Hanfodion Ysgol
- Lwfans Cynhaliaeth Addysg (EMA)
- Y Tîm Diogelu a Phresenoldeb Ysgolion
- Cronfeydd Ymddiriedolaeth
- Y Gwasanaeth Gyrfaoedd
- Gwasanaeth Gwybodaeth i Deuluoedd Sir Gaerfyrddin
- Y Cynnig Gofal Plant
- Rhaglen Ysgolion sy’n Hybu Iechyd a Lles
- Datblygu Cynaliadwy ac Addysg Dinasyddiaeth Fyd-eang
- Adran D – Crynodeb o Ysgolion a Disgyblion
- ADRAN E - Ysgolion Sir Gaerfyrddin: Ysgol Meithrin
- Ysgolion Sir Gaerfyrddin: Ysgol Gynradd Gymunedol, Gwirfoddol Cymorthedig a Gwirfoddol Rheoledig
- Ysgolion Uwchardd a Ysgolion Uwchardd Gymorthedig
- Ysgolion Sir Gaerfyrddin: Ysgolion Arbennig
Ar ba oed y gall plant ddechrau ysgol gynradd?
Y Blynyddoedd Cynnar - Darpariaeth i blant 3 oed
Beth yw'r Blynyddoedd Cynnar?
Mae addysg y Blynyddoedd Cynnar yn ddarpariaeth anstatudol sydd ar gael i blant 3 oed. Rhaid gwneud cais am le yn ysgolion Sir Gaerfyrddin h.y. ar gyfer categorïau (i) a (ii) isod erbyn y dyddiad cau - Gweler yr Amserlen ar gyfer Cyflwyno Cais.
Ble mae addysg ran-amser i'w chael?
Mae hawl gan bob plentyn 3 blwydd oed i gael lleoliad am ddim am 10 awr yr wythnos mewn sefydliad cofrestredig trwy’r Grŵp Hawliau Bore Oes o'r tymor yn dilyn ei drydydd pen-blwydd. Mae'r Awdurdod yn caniatáu i ddarparwyr nas cynhelir ddefnyddio adeiladau ysgolion lle bynnag y bo hynny'n ymarferol.
Mae sawl math o ddarpariaeth:
- Ysgol Feithrin – Ysgol Feithrin Rhydaman yw’r unig ysgol feithrin yn y Sir.
- Dosbarthiadau Meithrin/Blynyddoedd Cynnar mewn Ysgolion Cynradd (ysgolion 3-11 oed)
- Darpariaeth gan y sector nas cynhelir sy’n bartneriaid yn y Grŵp Hawliau Bore Oes, fel Blynyddoedd Cynnar Cymru, Mudiad Meithrin a darparwyr preifat. Gallwch ddod i wybod mwy o dan yr adran Gwasanaeth Gwybodaeth i Deuluoedd Sir Gaerfyrddin yn y llyfryn hwn.
Pryd y gall disgybl ddechrau addysg ran-amser?
Fel rheol, derbynnir plant i ddarpariaeth blynyddoedd cynnar mewn ysgolion lle mae'r ddarpariaeth honno ar gael yn rhan-amser ar ddechrau'r tymor yn dilyn eu trydydd pen-blwydd.
| 3ydd Pen-blwydd y Plentyn | Tymor Derbyn |
| 1 Medi tan 31 Rhagfyr | Tymor y Gwanwyn |
| 1 Ionawr tan 31 Mawrth | Tymor yr Haf |
| 1 Ebrill tan 31 Ebrill |
Tymor yr Hydref |
Nid oes gan rieni/gwarcheidwaid hawl i apelio os na chynigir lle i’w plentyn mewn lleoliad Blynyddoedd Cynnar o'u dewis.
Y DYDDIAD CAU I WNEUD CAIS AM LE RHAN-AMSER MEWN YSGOL FEITHRIN YW 31 GORFFENNAF 2026
Ni fydd gan blentyn y cynigir lle rhan-amser iddo/iddi mewn ysgol, hawl awtomatig i barhau i dderbyn addysg amser llawn. Rhaid cyflwyno cais ffurfiol i'r awdurdod derbyn cywir – gweler yr amserlen ar gyfer cyflwyno cais. s bydd mwy o geisiadau na lleoedd ar gael, yna bydd yr Awdurdod yn blaenoriaethu ceisiadau yn unol â’i feini prawf gor-alw a nodir yn y ddogfen hon.
Addysg Amser Llawn - Plant 4 a 5 oed
Os nad oes darpariaeth y Blynyddoedd Cynnar mewn sefydliad a gynhelir, gall dysgwyr amser llawn gael eu derbyn i ysgolion cynradd yn ystod tymor yr ysgol yn dilyn eu pen-blwydd yn bedair oed o ganlyniad i'r penderfyniad i ddileu'r polisi plant sy'n codi'n 4 oed.
Gweler yr Amserlen ar gyfer Cyflwyno Cais sy’n dangos dyddiadau dechrau a dyddiad cau ar gyfer cyflwyno cais yn seiliedig ar ddyddiad geni.
| 4ydd Pen-blwydd y Plentyn | Tymor Derbyn |
| 1 Medi tan 31 Rhagyr | Tymor y Gwanwyn |
| 1 Ionawr tan 31 Mawrth | Tymor yr Haf |
| 1 Ebrill tan 31 Awst | Tymor yr Hydref |
Y DYDDIAD CAU I WNEUD CAIS AM LE AMSER LLAWN MEWN YSGOL GYNRADD YW 31 IONAWR 2026
Nid yw'r ysgol feithrin a'r darparwr blynyddoedd cynnar y mae'r disgybl yn eu mynychu yn fater sy'n cael ei ystyried wrth roi lleoedd. Mae ceisiadau'n seiliedig ar gyfeiriad cartref y disgybl.
Os bydd mwy o geisiadau na lleoedd ar gael, yna bydd yr Awdurdod yn blaenoriaethu ceisiadau yn unol â’i feini prawf gor-alw a nodir yn y ddogfen hon.
Ni fydd unrhyw geisiadau sy'n dod i law ar ôl y dyddiad cau penodedig yn cael eu hystyried nes bod y ceisiadau a ddaeth i law cyn y dyddiad cau wedi cael lle. Caiff y rhain eu hystyried fel Ceisiadau Hwyr fel y nodir yn y ddogfen hon.
Yn unol â Deddf Safonau a Fframwaith Ysgolion 1998 gosodir terfyn o 30 o ddisgyblion fesul athro cymwysedig ar ddosbarthiadau Derbyn, Blwyddyn 1 a Blwyddyn 2, a elwir yn Ddeddfwriaeth ar Faint Dosbarthiadau Babanod.
Gofyniad cyfreithiol i ddechrau'r ysgol - y tymor yn dilyn pen-blwydd y plentyn yn 5 oed
Yn unol â'r gyfraith mae'n rhaid i rieni drefnu bod eu plant yn derbyn addysg amser llawn ar ddechrau'r tymhorau canlynol:
|
5ydd Pen-blwydd y Plentyn |
Y Tymor Derbyn |
| 1 Medi tan 31 Rhagfyr | Tymor y Gwanwyn |
| 1 Ionawr tan 31 Mawrth | Tymor yr Haf |
| 1 Ebrill tan 31 Awst | Tymor yr Hydref |
Ni fydd ceisiadau sy'n dod i law ar ôl y dyddiad cau i wneud ceisiadau yn cael eu hystyried nes bod y ceisiadau sydd wedi dod i law cyn y dyddiad cau wedi cael lle.
Gall rhiant ohirio dyddiad derbyn plentyn i’r ysgol tan ddechrau’r tymor sy’n dilyn pumed pen-blwydd y plentyn cyhyd â bod y dyddiad hwnnw yn yr un flwyddyn ysgol â'r un maent wedi gwneud cais amdani.
