Canllaw Cais Cynllunio
Syniad Datblygu
Mae gennych brosiect adeiladu mewn golwg neu rydych yn dymuno newid defnydd adeilad neu dir yr ydych yn berchen arno neu'n ystyried ei brynu.
Datblygiad a Ganiateir
Datblygiad a ganiateir yw datblygiad y gellir ei gyflawni heb fod angen gwneud cais am ganiatâd cynllunio, gan ei fod eisoes wedi cael ei roi drwy Orchymyn Cynllunio Gwlad a Thref (Datblygu Cyffredinol a Ganiateir) 1995 (GPDO), fel y’i diwygiwyd ar gyfer Cymru.
Mae Llywodraeth Cymru yn darparu canllawiau cynllunio i gefnogi eu gwasanaeth ceisiadau. Mae'r canllawiau'n ymdrin â chyngor ynghylch rheoliadau cynllunio ac adeiladu ar gyfer llawer o brosiectau gwaith adeiladu cyffredin ar gyfer y cartref. Mae’r cyngor hwn yn benodol i’r rheolau cynllunio ac adeiladu yng Nghymru.
Bydd angen i chi gadarnhau a yw'r datblygiad hwn yn bosibl heb fod angen cyflwyno cais cynllunio. Gellir gwneud rhai newidiadau dan ddatblygiadau a ganiateir. Dilynwch y ddolen i ddod o hyd i rai prosiectau deiliaid tai cyffredin a all ddod o dan ddatblygiadau a ganiateir.
Datblygu neu newid eiddo presennol
Fe welwch y gellir caniatáu rhywfaint o waith heb ganiatâd cynllunio ar eiddo presennol. Gofynnwn i chi ddefnyddio'r ffurflen hon i gyflwyno'r holl syniadau datblygu ar gyfer eiddo presennol er mwyn i swyddog cynllunio asesu a oes angen caniatâd cynllunio.
Os oes angen caniatâd cynllunio neu os oes gennych dir i’w ddatblygu
Ar gam y syniad datblygu, dylai ymgeiswyr ddechrau meddwl am ystyriaethau cynllunio perthnasol. Ystyriaeth berthnasol yw mater y dylid ei gymryd i ystyriaeth wrth benderfynu ar gais cynllunio neu apêl yn erbyn penderfyniad cynllunio.
Gall ystyriaethau perthnasol gynnwys (ond nid ydynt wedi eu cyfyngu) i’r canlynol:
- Polisi cynllunio
- Mynediad i’r briffordd
- Map llifogydd
- Edrych dros/colli preifatrwydd
- Colli goleuni/bwrw cysgod
- Traffig
- Sŵn
- Effaith ar adeilad rhestredig ac ardal gadwraeth
- Gosodiad a dwysedd yr adeilad
- Dyluniad, ymddangosiad a deunyddiau
- Mynediad i bobl anabl
- Cynigion yn y Cynllun Datblygu
- Penderfyniadau cynllunio blaenorol (gan gynnwys Penderfyniadau apêl)
- Cadwraeth natur
Fodd bynnag, nid yw materion, megis colli golygfa, neu effaith negyddol ar werth eiddo yn ystyriaethau perthnasol.
Byddwn yn mynd â chi drwy bob cam yn y broses gynllunio er mwyn rhoi dealltwriaeth glir o’r broses.
Cwestiynau cyffredin a ofynnir yn aml ynghylch datblygiad a ganiateir
Mae adeiladau allanol yn tueddu i ddod dan Ddatblygiad a Ganiateir; dilynwch y ddolen at Nodiadau Cyfarwyddyd Datblygiad a Ganiateir am ragor o wybodaeth.
Gofynnwn i chi ymweld â’n tudalen ar y we – Ymestyn / newid eich cartref. Cliciwch ar y botwm gwyrdd ‘Gwiriwch a oes angen caniatâd cynllunio arnoch?’ er mwyn llenwi’r ffurflen ar-lein. Bydd hyn yn rhoi’r holl wybodaeth angenrheidiol i’r swyddog cynllunio benderfynu a oes angen caniatâd cynllunio neu beidio.
Os yw unrhyw ddatblygiad yn mynd i ddod dan “Ddatblygiad a Ganiateir” yna dylid glynu at yr amodau ar y ddolen gyswllt hon:
Byddai hyn yn dibynnu ar ble y byddai’r cyrb isel yn cael ei leoli, ar ffordd ddiddosbarth ynteu ffordd ddosbarthiadol. Pe gofynnid am gyrb isel ar gyfer ffordd ddosbarthiadol i greu mynediad, yna byddai angen caniatâd cynllunio; pe bai yn gorwedd ar ffordd ddiddosbarth yna mae’n annhebygol y byddai angen caniatâd cynllunio, ond gallai ffactorau eraill effeithio ar y penderfyniad hwn.
Am ragor o eglurder, awgrymwn eich bod yn ymweld â’n tudalen ar y we – Ymestyn / newid eich cartref. Cliciwch ar y botwm gwyrdd ‘Gwiriwch a oes angen caniatâd cynllunio arnoch?’’ er mwyn cwblhau’r ffurflen ar-lein. Bydd hyn yn rhoi’r holl wybodaeth angenrheidiol i’r swyddog cynllunio iddo benderfynu a oes angen caniatâd cynllunio neu beidio.
Cewch atodi lluniau/amlinelliad hefyd i gynorthwyo’r cynlluniwr.
Os ydych yn bwriadu dymchwel eich tŷ, rhan o adeiladau allanol eich tŷ neu unrhyw adeilad arall, efallai y bydd rhaid i ni gytuno ar fanylion y ffordd yr ydych yn bwriadu cyflawni’r dymchweliad a sut yr ydych yn cynnig adfer y safle wedi hynny.
Bydd arnoch angen gwneud cais am benderfyniad ffurfiol p’un a ydym yn dymuno cymeradwyo’r manylion hyn cyn i chi ddechrau’r gwaith dymchwelyd. Dyma a elwir yn “gais cymeradwyaeth ymlaen llaw” a gallwn egluro beth mae hyn yn ei olygu.
Efallai y bydd arnoch angen caniatâd adeilad rhestredig neu ardal gadwraeth ar gyfer dymchwel adeiladau rhestredig neu adeiladau mewn ardaloedd cadwraeth.
Dylech drafod hyn gyda ni cyn i chi benderfynu dymchwel adeiladau mewn lleoliadau sensitif er mwyn osgoi achos cyfreithiol yn eich erbyn.
Nid oes angen cynlluniau proffesiynol ar gyfer ffurflenni ymholi rhagarweiniol ond mae’n rhaid i’r diagramau roi digon o fanylion i’r swyddog allu rhoi ateb. Os na fydd y diagramau’n ddigonol, efallai y bydd y swyddog yn gofyn am ddiagramau newydd, fydd yn gohirio unrhyw atebion.
