Cyswllt cynllunio priffyrdd

Diweddarwyd y dudalen ar: 22/04/2024

Bydd y tîm cyswllt cynllunio priffyrdd yn:

  • Cynorthwyo ag ymholiadau cyn cynllunio statudol a gyflwynir drwy'r adran Cynllunio ni.
  • Lle bo'n briodol, rhoi cyngor ac argymhellion i'r Awdurdod Cynllunio Lleol fel ymgynghorai statudol ar oblygiadau cynigion datblygu o ran priffyrdd a thrafnidiaeth.
  • Lle bo'n briodol, darparu ymatebion i ymgynghoriadau cyn ymgeisio (PAC).

Ni fydd y tîm cynllunio priffyrdd yn gallu cynorthwyo o ran y canlynol:

  • Darparu gwasanaeth dylunio
  • Gwneud y penderfyniad terfynol ar geisiadau cynllunio. Gwneir hyn gan y tîm cynllunio
  • Delio â mabwysiadu ffyrdd
  • Delio â chwiliadau priffyrdd

Gallwch gysylltu â'r tîm trwy e-bostio: CyswlltCynllunioPriffyrdd@sirgar.gov.uk.

Canllaw Dylunio Priffyrdd

Lluniwyd y Canllaw Dylunio Priffyrdd gyda'r bwriad o nodi ei ddisgwyliadau o ran datblygiadau newydd yn y sir. Mae'n rhoi arweiniad i ddatblygwyr ac ymgeiswyr ar baratoi cynigion trafnidiaeth a darparu seilwaith a gwasanaethau trafnidiaeth i gefnogi datblygiadau newydd. Mae hefyd yn nodi'r gofynion cysylltiedig yn ystod y cynllunio a'r adeiladu.

Mae'r Canllaw Dylunio Priffyrdd yn darparu gwybodaeth gyson ac yn cyflymu'r broses ymgeisio. Fel y nodwyd uchod, ni all y tîm cyswllt cynllunio priffyrdd roi mewnbwn uniongyrchol ynghylch dylunio, felly argymhellir bod ymgeiswyr a/neu'u hasiantau yn cyfeirio at y ddogfen hon ar y cyfle cyntaf i lywio eu cynigion.

Mae'r ddogfen hon i gynorthwyo:

  • Datblygwyr
  • Ymgeiswyr
  • Rhanddeiliaid

Bydd yn eich galluogi i ddeall a chymhwyso pob agwedd ar y canlynol:

  • Effeithiau posibl ar briffyrdd
  • Dylunio priffyrdd
  • Cymhwyso canllawiau polisi lleol a chenedlaethol priodol

Bydd y canllaw dylunio yn rhoi eglurder ynghylch y canlynol:

  • Lleiniau gwelededd
  • Lleoedd parcio
  • Garejis
  • Un pwynt mynediad
  • Un pwynt mynediad a chilfan
  • Mynediad amaethyddol
  • Ffurfio mynedfa
  • Trofyrddau cerbydau
  • Cynllunio ystad breswyl

Anfonwch unrhyw ymholiadau mewn perthynas â chynllun datblygiadau drwy e-bost i HwbCynllunio@sirgar.gov.uk.

Canllaw Dylunio Priffyrdd (.PDF)

Asesiadau Cynllunio Priffyrdd

Isod, ceir rhai enghreifftiau o'r ystyriaethau y bydd y tîm cyswllt cynllunio priffyrdd yn eu gwneud wrth asesu cynigion datblygu:

  • Effaith y cynnig ar ddiogelwch priffyrdd
  • Cydymffurfiaeth â'r canllaw dylunio priffyrdd
  • Cydymffurfiaeth â safonau a pholisïau lleol a chenedlaethol
  • Capasiti'r rhwydwaith priffyrdd ehangach nawr ac yn y dyfodol
  • Cydymffurfiaeth â'r Ddeddf Teithio Llesol
  • Hygyrchedd y safle gan ddefnyddio pob math o drafnidiaeth
  • Parcio ar gyfer cerbydau di-fodur a cherbydau modur
  • Mesurau lliniaru mewn perthynas ag unrhyw effeithiau
  • Cynlluniau teithio

O ran ymholiadau ynghylch priffyrdd a thrafnidiaeth nad ydynt yn ymwneud â chais cynllunio, ewch i'n tudalennau ynghylch Teithio, Ffyrdd a Pharcio.

Canllaw Dylunio Draenio Priffyrdd

Mae’r polisi hwn yn nodi’r disgwyliadau a’r gofynion ar gyfer systemau draenio dŵr ffo sy’n gysylltiedig â datblygiadau newydd sydd wedi’u lleoli o fewn y briffordd ac sydd i’w hyrwyddo i’w mabwysiadu gan Gyngor Sir Caerfyrddin neu sy’n gysylltiedig â systemau draenio priffyrdd presennol.

Mae'r ddogfen hon, sy'n ymwneud â draenio priffyrdd, wedi'i drafftio i ategu'r Canllaw Dylunio Priffyrdd.

Mae'r dull a fabwysiadwyd yn cefnogi egwyddorion dylunio ac adeiladu systemau draenio trefol cynaliadwy.

Canllaw Dylunio Draenio Priffyrdd

Am ffurflen gais anfonwch e-bost at: HighwayDrainConnect@sirgar.gov.uk

Cynllunio

Canllaw Cais Cynllunio

Brosiectau Cynllunio Mawr

Ymestyn / newid eich cartref

Chwiliwch am gais cynllunio

Torri rheolau cynllunio

Newid defnydd (Cynllunio)

Ymgynghoriad Cyn Ymgeisio (PAC)

Cyswllt cynllunio priffyrdd

Offeryn Asesu Model Hyfywedd Datblygu

Systemau Draenio Cynaliadwy

Gwnewch gais am arian Adran 106

Gorchymyn Datblygu Lleol (GDLl)

Adeiladau Rhestredig ac Ardaloedd Cadwraeth

Cadwraeth a chefn gwlad

Enwi a rhifo strydoedd

Fy Un Agosaf - Gwybodaeth Cynllunio

Polisi Cynllunio

Cynllun Datblygu Lleol 2018 - 2033

Ynni Adnewyddadwy

Cynllunio Ecoleg

Targedau ffosffad newydd

Bioamrywiaeth

Gwastraff

Mwy ynghylch Cynllunio