Polisi Dyann Tai Cymdeithasol Brys

Mewn rhai amgylchiadau, efallai y bydd gan rai ardaloedd bolisi gosodiadau lleol a gytunwyd yn ffurfiol. Byddai polisi gosodiadau lleol ar waith i sicrhau bod cartrefi yn yr ardal honno yn cael eu gosod mewn ffordd sy’n helpu mynd i’r afael â materion penodol. Er mwyn cytuno polisi gosodiadau lleol dylai fod yn seiliedig ar y prawf canlynol:

• Diffiniad clir o’r hyn y gobeithir y bydd y polisi gosodiadau lleol yn ei gyflawni.
• Tystiolaeth glir i gefnogi’r angen am y polisi gosodiadau lleol.
• Cafodd unrhyw effaith cydraddoldeb posib ei ystyried; am faint fydd y polisi gosodiadau lleol ar waith a phryd fydd y polisi gosodiadau lleol yn cael ei adolygu.
• Rhaid i bolisi gosodiadau lleol gael ei gymeradwyo gan yr Aelod o’r Bwrdd Gweithredol dros Dai (y Cyngor) a bwrdd y gymdeithas tai ar gyfer PGLlau Landlordiaid Cymdeithasol Cofrestredig cyn y gellir ei roi ar waith. Rhaid iddo gael cymeradwyaeth y bartneriaeth i sicrhau bod unrhyw effaith andwyol anfwriadol ar bartner landlordiaid eraill yn cael eu lliniaru a bod y cyfnod adolygu yn cael ei gytuno.
• Enghraifft yw, wrth edrych ar ddatblygiadau tai newydd, fod angen cynllun gosodiadau lleol i sicrhau y ceir cydlyniant cymunedol cynaliadwy.
• Byddai angen i’r Aelod o’r Bwrdd Gweithredol dros Dai roi’r gymeradwyaeth derfynol wedi i’r bartneriaeth ei gadarnhau.

Gall eiddo unigol fod yn ‘osodiad sensitif’. Gallai hynny fod lle y mae hanes a gadarnhawyd o ymddygiad gwrthgymdeithasol neu ymddygiad troseddol yn yr eiddo hwnnw neu yn y cyffiniau.

Ni fydd eiddo ond yn cael ei ddynodi’n osodiad sensitif wedi cael cymeradwyaeth y Pennaeth Tai (y Cyngor) neu reolwr ar yr un lefel (cymdeithas tai). Os yw eiddo’n osodiad sensitif, ni fydd rhai aelwydydd yn cael eu hystyried ar gyfer yr eiddo hwnnw.

Unwaith y gosodwyd yr eiddo ni fydd mwyach yn cael ei ystyried yn osodiad sensitif. Dylai gosod eiddo yn y modd yma fod yn eithriad nid yn rheol.

Rhaid iddo gael cymeradwyaeth y bartneriaeth i sicrhau bod unrhyw effaith andwyol anfwriadol ar bartner landlordiaid eraill yn cael eu lliniaru a bod y cyfnod adolygu yn cael ei gytuno.

Mae anghenion llety teuluoedd o deithwyr yn cael eu hasesu o dan Adran 101 Deddf Tai (Cymru) 2014. Os yw’r asesiad yn dangos anghenion yn yr ardal o ran darparu safleoedd y gellir gosod cartrefi symudol mae’n rhaid i’r Cyngor ddefnyddio ei bwerau yn Adran 56 Deddf Cartrefi Symudol (Cymru) 2013.

Rhoddwyd ystyriaeth i gyhoeddiad Llywodraeth Cymru, “Teithio at well dyfodol” a’i ganllawiau ar Reoli Safleoedd Sipsiwn a Theithwyr. Byddai’r broses ar gyfer dyrannu llain yn dal yn seiliedig ar flaenoriaeth, cysylltiad lleol, cysylltiad cymunedol a’r amser aros os oedd 2 ymgeisydd neu ragor.

Cafodd rhai cartrefi eu haddasu’n arbennig i gwrdd ag anghenion pobl. Mae’r math yma o lety yn cynnwys cartrefi ar gyfer pobl ag anableddau a phobl a chanddynt ofynion tai arbennig.

Er mwyn sicrhau ein bod yn cysylltu pobl gyda chartrefi a addaswyd a’n bod yn gwneud y defnydd gorau o’r llety sydd ar gael inni, rydym hefyd yn defnyddio Cofrestr Tai Hygyrch (AHR) fel rhan o’r brif gofrestr.

Caiff anghenion tai arbennig eu hadnabod a’u hasesu fel rhan o’r ymholiad gwreiddiol am dai. Fel rhan o’r broses hon efallai y cynhelir asesiad gan therapydd galwedigaethol. Bydd canlyniad yr asesiad hwn yn penderfynu lefel yr angen a’r math o eiddo a addaswyd sydd ei angen.

Gellir dyrannu llety a rennir y tu allan i’r polisi er mwyn gallu gwneud rhyw gymaint o hunanddewis ar gyfer cyd ranwyr i sicrhau cynaliadwyedd y denantiaeth. Dylid datblygu cynllun gosodiadau lleol cyn dyrannu’r eiddo.