Y Polisi Cludiant o'r Cartref i'r Ysgol

Atodiad 3: Polisi seddi gwag

Mae gan yr Awdurdod Lleol Gynllun Seddi Gwag dewisol ar nifer cyfyngedig o gerbydau cludiant ysgol dan gontract. Gellir cynnig seddi gwag i ddysgwyr nad ydynt yn gymwys i gael cludiant am ddim, yn dibynnu ar argaeledd, gofynion diogelwch, a gallu gweithredol.

Nid oes hawl statudol i seddi gwag a gellir tynnu'r cynnig yn ôl ar unrhyw adeg. Caiff seddi eu dyrannu ar gyfer un flwyddyn academaidd yn unig ac ni ellir gwarantu darpariaeth yn y dyfodol. Mae'n rhaid cyflwyno ceisiadau ar-lein drwy wefan y Cyngor Cais am Sedd Wag.

Nid oes angen ailgyflwyno ceisiadau mewn blynyddoedd dilynol a byddant yn cael eu hailystyried yn awtomatig, oni bai bod amgylchiadau'n newid (er enghraifft, newid cyfeiriad neu ysgol). Mae unrhyw ddyraniad yn ddilys am un flwyddyn academaidd yn unig ac ni ellir gwarantu y caiff ei adnewyddu.

1. Meini Prawf Cymhwysedd
Gellir cynnig sedd wag os yw'r dysgwr:

• Yn byw yn Sir Gaerfyrddin ac mae'r cyfeiriad cartref wedi'i gofrestru gyda'r ysgol;
• Yn mynychu ysgol ddalgylch ddynodedig yr Awdurdod Lleol;
• Yn byw o fewn pellter cerdded statudol, ond o leiaf filltir o'r ysgol;
• Heb gludiant cyhoeddus addas ac nad oes gwasanaeth ysgol y gellir talu amdano ar gael; a
• O oedran ysgol statudol.

Dim ond ar gyfer y canlynol mae seddi gwag ar gael:

• Cerbydau dan gontract penodedig sydd â lle i naw neu ragor o deithwyr eistedd, a
• Llwybrau cludiant ysgolion prif ffrwd

Ni ellir cynnig seddi gwag ar:

• Tacsis neu gerbydau hurio preifat,
• Cerbydau a ddefnyddir ar gyfer darpariaeth ADY arbenigol yn unig,
• Llwybrau lle mae bws ysgol y telir amdano yn gweithredu, neu
• Llwybrau lle mae trafnidiaeth gyhoeddus addas ar gael.

Yn unol â rheoliadau Llywodraeth Cymru, ni all yr Awdurdod Lleol dderbyn taliad am seddi gwag ar gerbydau nad ydynt yn bodloni'r Rheoliadau Hygyrchedd Cerbydau Gwasanaeth Cyhoeddus (PSVAR).

2. Amodau'r Dyraniad

• Cynigir seddi gwag o fis Medi bob blwyddyn lle bo'n bosibl, wedi i seddi gael eu dyrannu i'r holl ddysgwyr cymwys. Gellir rhoi seddi gwag ychwanegol yn ystod y flwyddyn os bydd lleoedd ar gael.
• Os oes angen lle ar gyfer dysgwr cymwys, gallai'r dyraniad newid neu gael ei dynnu'n ôl ar unrhyw adeg.
• Caiff seddi eu dyrannu ar gyfer un flwyddyn academaidd yn unig ac ni ellir gwarantu y byddant ar gael yn y dyfodol.
• Ni fydd unrhyw filltiroedd yn cael eu hychwanegu at lwybrau, na newidiadau'n cael eu gwneud iddynt, er mwyn darparu ar gyfer teithwyr seddi gwag.
• Mae penderfyniad yr Awdurdod Lleol ynghylch y seddi sydd ar gael yn derfynol.
• Ni ellir dyrannu pob sedd sy'n ymddangos yn wag; mae'n bosibl bydd angen seddi ar gyfer:
  
  • teithwyr achlysurol cymwys,
  • dibenion asesu risg,
  • staff fel cynorthwywyr teithwyr, aseswyr llwybrau, neu hyfforddiant gyrwyr.

Gall contractwyr weithiau ddefnyddio cerbydau mwy nag sy'n ofynnol am resymau gweithredol; Nid yw hyn yn gwarantu bod sedd wag ar gael.

3. Trefn Blaenoriaeth
Lle bo seddi gwag ar gael, byddant yn cael eu dyrannu yn nhrefn blaenoriaeth, a rhoddir blaenoriaeth i ddysgwyr iau.

Os bydd rhaid tynnu seddi gwag yn ôl yn ystod y flwyddyn academaidd, bydd hynny'n digwydd yn groes i'r drefn blaenoriaeth, a seddi'r dysgwyr hŷn fydd yn cael eu tynnu'n ôl gyntaf.

4. Proses Gwneud Cais

• Mae'n rhaid cyflwyno ceisiadau ar-lein erbyn diwedd y flwyddyn academaidd flaenorol.
• Bydd cymhwysedd yn cael ei asesu yn seiliedig ar y seddi gwag sydd ar gael ar ddechrau'r flwyddyn academaidd newydd, ac yn cael ei adolygu'n rheolaidd ar ôl hynny.
• Dim ond os yw'r rhiant neu'r gwarcheidwad wedi rhoi caniatâd ysgrifenedig llawn y gall trydydd parti gyflwyno cais.
• Once submitted, applications will be reconsidered annually; fodd bynnag, nid yw'r dyraniad yn awtomatig ar gyfer y blynyddoedd dilynol ac mae'n parhau i fod yn amodol ar gapasiti sydd ar gael a'r meini prawf perthnasol. Rhaid cyflwyno cais newydd os oes unrhyw newid mewn amgylchiadau (er enghraifft, newid cyfeiriad neu newid ysgol). Bydd manylion y llwybr yn cael eu cyflwyno gyda'r Cerdyn Teithio.

5. Defnyddio Cardiau Teithio Seddi Gwag

• Rhaid i ddysgwyr gyflwyno'r Cerdyn Teithio ar ddechrau pob taith.
• Nid oes modd trosglwyddo Cardiau, a dim ond ar gyfer y dysgwr a enwir a'r llwybr sydd wedi'i ddynodi y maent yn ddilys.
• Gall camddefnyddio neu ddefnydd twyllodrus arwain at gamau disgyblu a thynnu'r consesiwn yn ôl yn syth.
• Unrhyw newidiadau mewn amgylchiadau (e.e., cyfeiriad, ysgol, cymhwysedd) yn rhaid eu hadrodd i'r Tîm Teithio Dysgwyr ar unwaith.
• Pan fo angen cerdyn newydd, rhaid dychwelyd y cerdyn presennol cyn y caiff yr un newydd ei gyflwyno.
• Os nad oes angen y cerdyn mwyach, mae'n rhaid ei ddychwelyd yn ddi-oed fel bod modd ailddyrannu'r lle.

Codir y tâl safonol sy'n cael ei bennu gan yr Awdurdod Lleol am gardiau teithio newydd.

6. Tynnu Seddi Gwag yn ôl
Gall yr Awdurdod Lleol dynnu sedd wag yn ôl ar unrhyw adeg gan roi saith diwrnod o rybudd ysgrifenedig, sy'n cynnwys (ond heb fod yn gyfyngedig i) sefyllfaoedd lle:

• mae angen y sedd ar gyfer dysgwr sy'n gymwys i gael cludiant am ddim;
• mae newid o ran y llwybr neu'r trefniadau gweithredol;
• mae camddefnyddio neu dwyll yn digwydd; neu
• lle nad yw'r dysgwr yn bodloni amodau'r cynllun mwyach.

Pan gaiff sedd wag ei thynnu'n ôl:

• rhaid dychwelyd y Cerdyn Teithio ar unwaith; a
• bydd y cyfrifoldeb dros drefniadau teithio'r dysgwr yn dychwelyd i'r rhiant neu'r gwarcheidwad.

Os na chaiff y cerdyn ei ddychwelyd, gallai hynny effeithio ar fod yn gymwys i gael mynediad i'r cynllun yn y blynyddoedd dilynol.
Nid oes hawl i gludiant yn yr amgylchiadau hyn.