Ynni Cymru

Mae Ynni Cymru yn gwmni ynni sy'n eiddo i Lywodraeth Cymru sydd wedi'i sefydlu at y dibenion canlynol:

• cefnogi'r gwaith o ddatblygu cynhyrchu ynni adnewyddadwy sy'n eiddo i'r gymuned
• hyrwyddo perchnogaeth gymunedol o asedau ynni adnewyddadwy
• cefnogi Cymru i gyrraedd ei thargedau sero net. 

Mae rhaglen ariannu grant cyfalaf Ynni Cymru yn cefnogi sefydliadau ynni cymunedol, mentrau cymdeithasol, a mentrau bach a chanolig (SEMs). Mae gan y rhaglen grant gyfanswm o £10 miliwn ar gyfer 2024 i 2025.

I gael cyllid, mae angen i brosiectau:

• Integreiddio dulliau cynhyrchu, seilwaith a storio ynni lleol
• gwella effeithlonrwydd a darparu manteision lleol, er enghraifft, costau ynni is
• helpu i ddatgarboneiddio a chynyddu'r defnydd o dechnolegau carbon isel.

Disgwylir i Ynni Cymru helpu Cymru i gyrraedd ei thargedau sero net ynghyd â dod ag ystod eang o fanteision economaidd a chymdeithasol a gwella gwytnwch ynni lleol.