Ffilmio yn Sir Gâr

Mae Sir Gâr eisoes yn dangos ei bod yn gyrchfan ddymunol a chost-effeithiol ar gyfer ymgyrchoedd hysbysebu i’r teledu, y cyfryngau digidol a deunyddiau print, ac mae pwynt gwerthu unigryw yn cael ei greu yn y diwydiannau ceir a beiciau modur ar gyfer cynyrchiadau cenedlaethol a rhyngwladol – yn benodol, traeth sy’n ymestyn am 8 milltir a ffordd hir drwy ran orllewinol Bannau Brycheiniog a Mynyddoedd Cambria sydd wedi cynnig y cefndir perffaith ar gyfer nifer o gynyrchiadau cenedlaethol a rhyngwladol. Ac mae'r Sir yn parhau i ennill enw da fel lleoliad ffilmio ar gyfer dramâu teledu a ffilmiau mawr, gyda nifer o gynyrchiadau sydd wedi ennill sawl gwobr yn ymgartrefu yn Sir Gâr.

Mae gennym enw da am fod yn un o'r lleoliadau mwyaf croesawgar, deniadol a chofiadwy yng Nghymru. Cyrchfan sy’n cynnig llu o brofiadau gwerthfawr - trefi marchnad cartrefol a bywiog, canolfannau siopa modern, traethau glân ac ardaloedd gwledig bryniog a ffrwythlon.

Pam dewis Sir Gâr

Sir Gâr yw’r drydedd sir fwyaf yng Nghymru ac mae’n cwmpasu rhyw 2,371 cilometr sgwâr, sef 11% o gyfanswm tir Cymru, ac mae wedi’i lleoli ar goridor yr M4, o fewn cyrraedd hwylus i Gaerdydd, Llundain a phob rhan o’r Deyrnas Unedig ac Iwerddon. Mae’n cynnig popeth y byddech yn ei ddisgwyl gan brifddinas ond mae’r costau’n llawer llai nag mewn dinasoedd.

Rydym yn un o’r cyrchfannau twristiaeth gorau nid yn unig yng Nghymru ond yn y DU.

Mae ystod o gwmniau cyfryngol, gan gynnwys Tinopolis, eisoes wedi gweld y budd o ymgartrefu yn Sir Gâr. Mae ein statws yn y sector diwydiannau creadigol wedi cael ei gryfhau gan benderfyniad S4C i adleoli i Gaerfyrddin yng Nghanolfan S4C Yr Egin.

Ein portffolio

Mae cynyrchiadau diweddar yr ydym wedi helpu i wneud eu profiad ffilmio yn Sir Gâr
yn llwyddiant yn cynnwys:

Ffilmiau:

• Six Minutes to Midnight
• Save our Cinema
• Loneliest Boy in the World
• Jungle Cry

Teledu:

• Un Bore Mercher
• Discovery of Witches
• Decline and Fall
• Lucas Films
• Top Gear
• Countryfile
  
• Y Golau

Amrywiol gyflwynwyr teledu, gan gynnwys:

• Mary Berry
  
• Anita Rani
• Gordon Ramsey
• Robson Green
• Susan Coleman

Hysbysebion a sesiynau tynnu lluniau:

• Bentley Cars
• McLaren

Sylwadau gan eraill

Angen mwy o berswâd..... Edrychwch ar yr hyn sydd gan rai o gast a chriw'r cynyrchiadau diweddar i'w ddweud am weithio yn Sir Gaerfyrddin.

Defnyddio dronau

O hysbysebion traeth i beirianneg sifil yng nghanol trefi, rydyn ni'n derbyn llawer o geisiadau am ffilmio o'r awyr. Mae'n rhaid i bawb hedfan yn gyfreithlon heb effeithio ar yr amgylchedd naturiol (mae'n bwysig nad yw'r dronau'n tarfu ar ein bywyd gwyllt, da byw nac amrywiaeth fawr o adar, yn enwedig yn ystod tymhorau nythu neu baru'r Gwanwyn). Mae tarfu ar fywyd gwyllt sydd wedi'i ddiogelu yn drosedd dan Ddeddf Bywyd Gwyllt a Chefn Gwlad 1981. 

Mae maes awyr Pen-bre yn ogystal â safleoedd milwrol ar Draeth Pen-bre a Phentywyn yn y sir, ac mae hedfan isel gan awyrennau a hofrenyddion yn digwydd yn aml ar draws Sir Gâr. Ni ddylech chi hedfan ger y rhain heb ganiatâd ymlaen llaw. 

Ni ddylech chi hedfan dros neu ger torfeydd o bobl, ac os ydych chi'n ffilmio neu'n tynnu lluniau gyda'ch drôn, cofiwch am y cyfreithiau preifatrwydd a diogelu data. 

Os hoffech chi ddefnyddio drôn ar dir mae'r Cyngor Sir yn berchen arno neu'n ei reoli, llenwch y ffurflen gais yma. Rhaid i chi gael yr yswiriant cywir a'r cymwysterau a'r trwyddedau priodol ar gyfer y math o ddrôn rydych chi'n dymuno ei ddefnyddio, a'r ffordd rydych chi'n bwriadu ei hedfan (A2Cofc, GVC, Awdurdodiad Gweithredol ac ati). Bydd angen eich ID Hedfanwr/Gweithredwr, asesiad risg/datganiad dull a diagram o'r ardal yr hoffech hedfan ynddi. 

Sut y gallwn helpu...

Rydym un o’r sefydliadau mwyaf yn y sector cyhoeddus yng Nghymru. Yn ogystal â bod yn gorff statudol ar gyfer priffyrdd, parcio a thrwyddedu, rydym yn rheoli portffolio amrywiol o gyfleusterau o safon – o oleudai i gelloedd yr heddlu Fictoraidd, ystadau tai i gestyll.

Rydym yn deall yn llawn y pwysau sydd ar bob cynhyrchiad a’r gofynion, ac rydym wedi ymrwymo i’r gred mai’r ffordd orau o alluogi ffilmio yw sicrhau nad yw'n rhoi gofynion afresymol ar yr ardal lle mae'n digwydd. Mae cynllunio, paratoi ac ymgynghori effeithiol yn allweddol i hyn - mae angen o leiaf 10 diwrnod gwaith o rybudd arnom ar gyfer pob cais i ffilmio yn Sir Gâr
.

Mae ein gwasanaethau yn cynnwys:

• Gwrando ar ymholiadau cychwynnol, darparu gwybodaeth am amodau lleol a gwasanaethau logisteg
• Cysylltu â'r gadwyn gyflenwi leol, awdurdodau cyhoeddus eraill, a'r Grŵp Cynghori ar Ddiogelwch Sirol
• Helpu i sicrhau caniatâd i ffilmio
• Rheoli traffig a pharcio
• Ymgysylltu cymunedol
• Helpu i drefnu llety a lletygarwch

Os oes gennych unrhyw gwestiynau am ffilmio yn SirGâr, e-bostiwch ni.  Os ydych chi'n barod i wneud cais, mae angen i ni wybod ble a phryd y byddwch chi'n ffilmio, maint y criw, gwybodaeth am dronau / offer arbenigol, unrhyw ofynion parcio neu wasanaethau ychwanegol y gallai fod eu hangen arnoch chi fel lletygarwch, ymgysylltu â'r gymuned ac ati.

Gweneud cais am ganiatâd ffilmio

Crwydro Sir Gâr...

Ewch i Ddarganfod Sir Gâr i weld rhai o'r lleoliadau ysbrydoledig y gallech chi ffilmio ynddynt.

Traethau

Gerddi a mannau gwyrdd

Llwybrau Celtaidd