Diogelu Data

Nod deddfwriaeth ynghylch Diogelu Data yw diogelu eich data personol a sicrhau yr ymdrinnir ag ef yn ofalus ac yn briodol. Mae'r term 'data personol' yn cyfeirio at ystod eang o wybodaeth amdanoch, megis eich enw, eich cyfeiriad, eich rhif ffôn a'ch manylion ariannol.

Mae'n ofynnol bod yr holl sefydliadau yn cydymffurfio â chwe egwyddor bwysig wrth gasglu data personol ac ymdrin ag ef:

  • Rhaid i ni brosesu data personol mewn modd cyfreithlon, teg a thryloyw.
  • Rhaid i ni brosesu data personol at ddibenion penodol, eglur a chyfreithlon yn unig, a rhaid i bob defnydd arall fod yn unol â'r dibenion hyn
  • Rhaid i ddata personol fod yn ddigonol, yn berthnasol ac yn gyfyngedig i'r hyn sy'n angenrheidiol i'r diben y caiff ei ddefnyddio
  • Rhaid i'r wybodaeth bersonol a gedwir fod yn fanwl gywir a, lle bo'r angen, rhaid ei ddiweddaru
  • Rhaid peidio â chadw data personol yn hwy nag sy'n angenrheidiol
  • Rhaid prosesu data personol mewn modd diogel, gan gynnwys diogelu rhag defnydd anawdurdodedig neu anghyfreithlon, a diogelu rhag colli, dinistrio neu ddifrodi'r data'n ddamweiniol drwy ddefnyddio mesurau technegol a threfniadaethol priodol

Mae Cyngor Sir Caerfyrddin wedi ymrwymo i gydymffurfio â'r ddeddfwriaeth drwy weithredu'r egwyddorion hynny ym mhob un o'i wasanaethau.

Gallwch gyfeirio hefyd at ein Hysbysiad Preifatrwydd i gael mwy o fanylion ar sut yr ydym yn defnyddio eich gwybodaeth yng ngwasanaethau penodol y Cyngor.

Hawliau i weld eich data

Mae gennych yr hawl i weld gwybodaeth a gedwir amdanoch drwy wneud cais i'r Cyngor. Gallwch:

  • Gael cadarnhad bod data personol amdanoch yn cael ei brosesu
  • Cael copi o'r data personol

Gallwch hefyd gael gwybodaeth atodol am sut mae eich data'n cael ei brosesu, megis y cyfnod yr ydym yn cadw gwybodaeth amdanoch.

Gwneud cais

Gallwch wneud cais drwy ddanfon ebost i diogeludata@sirgar.gov.uk.

Gallwch hefyd lawrlwytho ein ffurflen gais gan wrthrych data.

Dylech nodi, fel rheol, nad yw'r hawl hon yn caniatáu i chi weld gwybodaeth am bobl eraill.

Yn ogystal, mae'n rhaid i ni sicrhau mai dim ond y bobl sydd â hawl i'w gael sy'n cael unrhyw ddata personol yr ydym yn ei ryddhau. Felly, os ydym yn ansicr pwy ydych, byddwn yn gofyn i chi wirio hyn drwy roi rhagor o wybodaeth.

Mewn amgylchiadau o'r fath, gall fod yn ofynnol i ni weld dogfen sy'n cadarnhau pwy ydych cyn i ni roi unrhyw ddata personol i chi. Mae'r canlynol yn enghreifftiau o ddogfennau:

  • Tystysgrif geni
  • Pasbort
  • Trwydded yrru
  • Bil cyfleustodau

Mae'n ofynnol i ni ymateb i gais cyn gynted â phosibl; o fewn un mis ar ôl derbyn y cais fan bellaf.  Mae'r Cyngor yn gallu cael dau fis ychwanegol ar ben hynny lle mae'r ceisiadau'n gymhleth neu fod nifer fawr ohonynt.

Teledu Cylch Cyfyng (TCC)

Mae gennych yr hawl hefyd i weld delweddau ohonoch chi eich hun sydd wedi'u recordio ar systemau Teledu Cylch Cyfyng a reolir gan y Cyngor.

Gallwn ddarparu copi o ffilm teledu cylch cyfyng sy'n cynnwys delweddau ohonoch, os yw'n cael ei gadw gennym. Mae hyn yn amodol ar unrhyw eithriadau a all fod yn berthnasol.

Yn gyffredinol, ymdrinnir â cheisiadau am ffilmiau teledu cylch cyfyng yn yr un modd â cheisiadau am wybodaeth arall, gan ddefnyddio'r manylion cyswllt uchod.

Mae angen i chi roi'r wybodaeth ganlynol er mwyn ein galluogi ni i chwilio am unrhyw ddelweddau a gedwir gennym:

  • Lleoliad y system teledu cylch cyfyng
  • Yr amser a'r dyddiad yr ydych yn credu y cafodd y delweddau eu recordio
  • Ffotograff ohonoch chi eich hun, a oedd yn gyfredol ar yr amser y cafodd y delweddau eu recordio

Byddai hefyd o ddefnydd os gallech roi unrhyw wybodaeth arall a fyddai o gymorth i nodi'r delweddau (e.e. unrhyw ddillad penodol yr oeddech yn eu gwisgo ar y pryd). Efallai y bydd angen gwybodaeth arall arnom er mwyn cadarnhau pwy ydych.

Hawliau Diogelu Data Eraill

Yn ogystal â chael mynediad at y data personol y mae'r Cyngor yn ei brosesu amdanoch chi, mae gennych yr hawl i:

  • Cael unrhyw wybodaeth anghywir neu anghyflawn wedi'i gywiro
  • Gwneud cwyn i Swyddfa'r Comisiynydd Gwybodaeth (ICO), y corff annibynnol yn y Deyrnas Unedig sy'n diogelu hawliau gwybodaeth

Mewn rhai amgylchiadau, mae gennych yr hawl i:

  • Wrthwynebu prosesu eich gwybodaeth bersonol
  • Dileu eich data personol
  • Cyfyngu prosesu eich gwybodaeth bersonol
  • Symudedd data

Os mai caniatâd yw'r unig sail ar gyfer prosesu eich data personol, gallwch hefyd dynnu hyn yn ôl ar unrhyw adeg.

I ddarganfod mwy am yr hawliau hyn a sut i wneud cais i'w defnyddio, defnyddiwch y manylion cyswllt a ddarperir ar waelod y dudalen we hon.

Pa mor hir yr ydym yn cadw gwybodaeth

Rydym yn cadw gwybodaeth yn unol ag ein hamserlenni cadw.

Deddf Rhyddid Gwybodaeth 2000

Mae gennych hawl cyffredinol i weld gwybodaeth a gedwir gennym nad yw'n ymwneud â chi fel unigolyn, ac nad ydym yn ei chyhoeddi fel rheol, drwy gyflwyno cais o dan y Ddeddf Rhyddid Gwybodaeth. Rydym hefyd yn dilyn Cynllun Cyhoeddi Swyddfa'r Comisiynydd Gwybodaeth (ICO) sy'n sicrhau eich bod yn gallu gweld gwybodaeth am y Cyngor yn didrafferth, gan gynnwys data ynghylch gwariant a pherfformiad.

Cwynion

Os oes gennych unrhyw bryderon ynghylch sut mae eich gwybodaeth yn cael ei phrosesu gan y Cyngor, gallwch godi'r mater gyda'n Tîm Cwynion, neu gyda Swyddfa'r Comisiynydd Gwybodaeth (ISO).

Cyngor a Democratiaeth

Y Cyngor

Cynghorwyr, ACau ac ASau

Adrannau'r Cyngor

Dweud eich dweud

Pwyllgorau a Chyfarfodydd

Strategaethau a chynlluniau

Y Cyllideb y Cyngor

Cyllideb y Cyngor

Perfformiad y Cyngor

Hysbysiadau cyhoeddus

Canllawiau Brexit

Iaith Gymraeg

Gweithredu dros yr Hinsawdd Sir Gâr

Cydraddoldeb ac Amrywiaeth

Cyfamod y Lluoedd Arfog

Etholiadau a Phleidleisio

Diogelu Data

Rhyddid Gwybodaeth

Data ac Ymchwil

Cydnabyddiaeth Ariannol

Strategaeth Drawsnewid

Mwy ynghylch Cyngor a Democratiaeth