Gardd Fotaneg Genedlaethol Cymru
Neuadd Middleton, Llanarthne, SA32 8HN

  • Nodweddion
  • fideo
  • lluniau
  • Sut i ddod o hyd i ni

Y Tŷ Gwydr Mawr

Canolbwynt yr Ardd yw'r Tŷ Gwydr Mawr a ddyluniwyd gan Norman Foster and Partners. Y tu mewn i'r gromen wydr anhygoel ar ogwydd, mae tirwedd Ganoldirol wedi'i dominyddu gan geunant chwe metr o ddyfnder. Mae terasau creigiog ac wynebau serth yn cael eu torri gan nentydd a rhaeadrau. Mae'r llyn yn darparu cynefin llaith ar waelod y cwymp. Gall ymwelwyr weld canlyniad tân llwyni yn Awstralia, gymryd saib mewn llwyni olewydd o Sbaen neu grwydro drwy gasgliadau o ffiwsias o Chile.

Tirwedd cyfnod y Rhaglywiaeth

Gyda dros 500 erw, mae digon i'w weld gan gynnwys rhaeadrau, pontydd, a llynnoedd. Ewch i grwydro'r parcdir a adferwyd yn ddiweddar a Gwarchodfa Natur Waun Las.

Gardd Furiog Ddwbl

Mae'r Ardd Furiog Ddwbl yn cynnwys magnolia, tiwlipau, irisau a garlleg. Yn y dirwedd sydd wedi'i hadfer, mae llawr y goedwig yn llawn blodau'r gwynt a chlychau'r gog ac mae glaw'r gwanwyn yn dod â'r nodweddion dŵr i'w hanterth.

Llwybr Gryffalo

Ewch am dro drwy'r goedwig hudol, ddofn, dywyll a darganfod ein cerfiadau anhygoel a grëwyd â llaw o gymeriadau’r Gryffalo.

Canolfan Adar Ysglyfaethus Prydain

Yr unig ganolfan adar ysglyfaethus yn y DU sy’n canolbwyntio'n llwyr ar ein rhywogaethau brodorol.

Mae Gardd Fotaneg Genedlaethol Cymru yn fan sydd o arwyddocâd rhyngwladol sydd wedi ymrwymo i gadwraeth, garddwriaeth, gwyddoniaeth, addysg, hamdden a'r celfyddydau. Fel prosiect nodedig y Mileniwm, mae'r Ardd yn gyfuniad diddorol o'r modern a'r hanesyddol, gan ymestyn dros 568 erw o gefn gwlad hardd Sir Gâr.

Ymhellach i'r dirwedd ehangach mae'r parcdir hanesyddol o gyfnod y Rhaglywiaeth a adferwyd yn ddiweddar lle gallwch archwilio llynnoedd, argaeau, pontydd a rhaeadrau dros filltiroedd o lwybrau unigryw a adeiladwyd yn bwrpasol. Ceir hefyd ddiwrnodau penodol sy'n caniatáu mynediad i gŵn drwy gydol yr wythnos
Ar agor drwy gydol y flwyddyn. Mae'r Ardd wedi'i lleoli ychydig oddi ar brif ffordd ddeuol yr A48/M4 yn Sir Gâr, dim ond awr i'r gorllewin o Gaerdydd.


Parcio: 600-700 lle parcio
Arlwyo: Lle ar gael ar gyfer arlwyo, ac arlwyo mewnol ar y safle


Cyfyngiadau ffilmio: Ar gau Noswyl Nadolig a Dydd Nadolig


Cyfyngiadau ar ddefnyddio drôn: Dim ond y tu allan i'r prif oriau agor ar gyfer ymwelwyr y caniateir defnyddio drôn, fodd bynnag bydd ceisiadau'n cael eu hystyried fesul achos.

  • Y Tŷ Gwydr Mawr
  • Tirwedd cyfnod y Rhaglywiaeth
  • Gardd Furiog Ddwbl
  • Llwybr Gryffalo
  • Canolfan Adar Ysglyfaethus Prydain