Mae Castell Newydd Emlyn sydd yn Nyffryn Teifi rhwng Aberteifi a Llanbedr Pont Steffan yn dref farchnad draddodiadol hardd sy'n gwasanaethu cymuned eang a gwledig ar hyd Afon Teifi yn Sir Gaerfyrddin a Cheredigion.
Mae'r dref yn cefnogi nifer o gyflogwyr rhanbarthol mawr gan gynnwys Dairy Partners ynghyd â nifer o safleoedd diwydiannol prysur sy'n cynnal amrywiaeth o fentrau gan gynnwys busnesau biotechnoleg a TG.
Mae'r dref hefyd yn cefnogi'r economi wledig yn uniongyrchol trwy'r farchnad da byw a masnachwyr bwyd anifeiliaid, peiriannau a'r defnydd o beiriannau. Mae diwydiannau nodedig eraill yn cynnwys adeiladu a nifer o wasanaethau a chrefftau lleol sy'n cyfrannu at yr economi sylfaenol. Mae'r gefnwlad wledig yn cefnogi ystod ehangach o ddiwydiannau amaethyddol a diwydiannau ar dir gan gynnwys cynhyrchwyr bwyd a busnesau twristiaeth. Mae canol y dref hanesyddol a nodedig hwn gymysgedd dda o siopau manwerthu a gwasanaethau gyda ffocws arbennig ar gyfleustra, bwyd a diod a siopau manwerthu arbenigol.
Y tu hwnt i ganol y dref mae'r ganolfan hamdden a'r ysgol uwchradd yn adlewyrchu rôl y dref fel anheddiad allweddol yng ngogledd y sir. Ar y cyfan, mae Castellnewydd Emlyn yn ganolfan hanfodol ar gyfer cyflogaeth, gweithgareddau cymunedol, addysg, chwaraeon a manwerthu ar gyfer y rhanbarth ehangach, gan gynnwys ardaloedd fel Llangeler a Llandyfriog.
