Fy Nghyfrifon

Llanymddyfri

Mae Llanymddyfri, fel porth i Fannau Brycheiniog, yn gyrchfan flaenllaw sy'n adnabyddus am ei chyfleoedd hamdden awyr agored egnïol a chynaliadwy a'i lletygarwch cynnes. Mae'r dref farchnad ddelfrydol hon yn cynnal cymuned fusnes ffyniannus a'i phreswylwyr, gan ennill enw da am fod yn fywiog, yn hyblyg ac yn uchelgeisiol.

Mae'r dref yn denu busnesau newydd, sgil-fusnesau, a micro-fusnesau sy'n tyfu oherwydd ei hygyrchedd a'i hamgylchedd o ansawdd uchel. Mae'r 'chwarter gwneuthurwyr' yn meithrin cenhedlaeth newydd o wneuthurwyr, dylunwyr, peirianwyr ac entrepreneuriaid creadigol.

Mae canol y dref wedi’i hadfywio ac yn llawn bywyd cymunedol, gan gynnig cymysgedd o fanwerthu masnachol a thraddodiadol, gyda chymorth rhaglen reolaidd o ddigwyddiadau arloesol. Mae tai newydd, sy'n adlewyrchu cymeriad unigryw’r cefn gwlad, yn denu teuluoedd a phobl ifanc i'r dref, lle mae hefyd seilwaith digidol a thrafnidiaeth gwych.

Darganfod Llanymddyfri 

 

Ein Blaenoriaethau

Mae ein Blaenoriaethau o ran Twf Economaidd yn canolbwyntio ar gyflawni twf economaidd lleol cynaliadwy a rennir gan bawb, gan amddiffyn, cynnal a dathlu ansawdd uchel ein hamgylchedd naturiol ar yr un pryd. 

Cynllun Twf Llanymddyfri(.pdf)

Prosiect Deg Tref

Blaenoriaeth Llanymddyfri oedd gwella economi ymwelwyr y dref, a chafodd nifer o brosiectau eu cwblhau cyn Eisteddfod yr Urdd ym mis Mai 2023. Roedd y rhain yn cynnwys:

  • Gwell mynediad i olygfannau'r castell.
  • Byrddau dehongli twristiaeth a gynlluniwyd gan blant ysgol lleol i ennyn ymdeimlad o le.
  • Canopïau wedi'u brandio a dodrefn stryd hygyrch yn Sgwâr y Farchnad.
  • Sgrin wybodaeth ddigidol yn y maes parcio i rannu manylion ymwelwyr.
  • Murlun mosaig yn y ganolfan wybodaeth i dwristiaid yn y dref, sy'n arddangos treftadaeth, diwylliant a hanes Llanymddyfri. 

Prosiect Refeniw y Deg Tref

 

Mae'r Farchnad Ffermwyr, sy'n gwerthu cynnyrch lleol o fewn cwmpas o 25 milltir, wedi dod yn llwyddiant, gan gynyddu nifer yr ymwelwyr â'r dref. Caiff ei chynnal ar ddydd Sadwrn 1af pob mis yn Sgwâr y Farchnad, gan groesawu dros 15 o fusnesau a chael adborth cadarnhaol ar y cyfryngau cymdeithasol. Mae cerddorion lleol hefyd yn aml yn cymryd rhan, gan ychwanegu at awyrgylch bywiog y digwyddiad.

Cronfa Economi Gylchol y Deg Tref

Dyfarnwyd arian i Ynni Sir Gâr o'r gronfa economi gylchol i gynnal digwyddiad codi ymwybyddiaeth o'r economi gylchol yn y dref. 

Adfywio Canol Trefi Gwledig

Pwysleisiodd perchnogion busnesau lleol yr angen am gymorth i wella ymddangosiad allanol eu heiddo. Mewn ymateb, sefydlwyd cronfa grant bwrpasol i gefnogi'r fenter hon. Cymeradwywyd 18 busnes y stryd fawr yn Llanymddyfri ar gyfer cyllid i wella gwedd allanol eu hadeiladau, gan gyfrannu at fywiogrwydd a gwella golwg y dref.

 

Mynd i'r Afael â Threfi

 

Mae'r Gronfa Deg Tref - Mynd i'r Afael â Threfi wedi cael ei defnyddio i wella arwyddion ar y ffyrdd sy’n arwain i Lanymddyfri. Yn ogystal, mae meinciau mewn cyflwr gwael wedi'u hadnewyddu neu eu disodli, ac mae hysbysfyrddau ac arwyddion yng nghanol y dref wedi'u huwchraddio.

 

Cronfa Datblygu Cyfalaf y Deg Tref 

Crëwyd y gronfa datblygu cyfalaf mewn ymateb i anghenion lleol a nodwyd trwy ymgysylltu â'r gymuned, gan gynnig cyfle i sefydlu busnesau newydd yng nghanol y dref a mynd i'r afael ag eiddo gwag ar y stryd fawr. Mae tri chais yn Llanymddyfri wedi'u cymeradwyo, gan gefnogi adfywio'r stryd fawr, creu busnesau newydd, a chreu nifer o swyddi newydd yn yr ardal.

 

Cronfa Arloesi Gwledig 

Cafod Calon Cymru LHDTC+ gyllid gan y Gronfa Arloesi Gwledig i dreialu digwyddiad yn y dref a gomisiynodd awduron lleol a chenedlaethol i greu celf berfformio wedi'i ysbrydoli gan orffennol, presennol a dyfodol Llanymddyfri. Cynhaliwyd y digwyddiad, o'r enw Gŵyl Ymylol Calon Cymru, yn y dref ar 28 Medi 2024.

Yn ogystal, cymeradwywyd Ynni Sir Gâr i dreialu eu prosiect Bwrlwm, a lwyddodd i gysynio a gweithredu sut y gallai Llanymddyfri ddod yn dref fywiog, wydn a 'gwyrdd' - lle mae trydan yn cael ei gynhyrchu a'i ddefnyddio yn lleol. Un o ganlyniadau allweddol Bwrlwm oedd sefydlu Clwb Ynni Lleol yn y dref, gan gysylltu generaduron ynni adnewyddadwy lleol â defnyddwyr i sicrhau cost decach i'r ddau.

Cymunedau Cynaliadwy

 

Cafodd cais ar y cyd gan Glwb Rygbi Llanymddyfri ac Undeb Rygbi Cymru ei gymeradwyo, gan arwain at welliannau i'r cae chwaraeon ar gyfer pob tywydd, gan gynnwys gosod llifoleuadau LED a man gwylio gwell. Mae'r cyfleuster hwn wedi'i uwchraddio bellach yn cael ei ddefnyddio gan yr holl glybiau chwaraeon lleol ac mae wedi ailbwrpasu'r cae presennol yng Nghlwb Rygbi Llanymddyfri. Mae hefyd yn cael ei ddefnyddio gan ysgolion lleol a sefydliadau gwirfoddoli, gal helpu i wella cyfleusterau rygbi ledled yr ardal.

Mae Canolfan Ieuenctid a Chymunedol Llanymddyfri yn parhau i ffynnu, gan gefnogi llawer o bobl leol o bob oedran a gallu. Er mwyn sicrhau bod y ganolfan yn parhau i fod yn addas i'r diben, mae uwchraddiadau a gwelliannau cyffredinol wedi'u gwneud. Llwyddodd y sefydliad i sicrhau cymorth i helpu i wneud y ganolfan yn fwy cynaliadwy.

Cronfa ARFOR

Cafodd Gofal Golwg Cyf gymorth i ddatblygu gwasanaeth optometreg dwyieithog yn Llanymddyfri, sydd o fudd i'r gymuned leol. Helpodd cymorth Arfor i greu busnes newydd, creu swyddi, ac adfywio adeilad masnachol gwag, gan gefnogi'r agenda wledig ar y stryd fawr.

 

Hwb