Mae Parc Gelli Werdd yn ddatblygiad newydd a chynaliadwy o weithdai a swyddfeydd o'r radd flaenaf ar safle Dwyrain Cross Hands.

Mae'r datblygiad blaenllaw yn cynnwys tri adeilad masnachol, gan gynnig cyfanswm o 32,500 troedfedd sgwâr. Mae gan y safle ganiatâd cynllunio ar gyfer defnyddiau B1 a B8, ond byddwn yn ceisio defnydd B1 yn bennaf. Mae prydlesi ar gael i denantiaid addas yn y sector preifat.

Bydd y tri adeilad yn cynnwys:
Adeilad 1 - Swyddfeydd ac unedau Hybrid
Adeilad 2 – Unedau Hybrid
Adeilad 3 – Unedau Diwydiannol Ysgafn

Mae’r unedau wedi'u dylunio i fod yn hyblyg fel y gellir eu defnyddio at ddefnydd diwydiannol ysgafn neu ddefnydd swyddfa.

Y tu allan, bydd y datblygiad yn cynnwys digon o leoedd parcio, pwyntiau gwefru trydan, iard wasanaeth a storfa feiciau yn ogystal â thirlunio helaeth.

Lleoliad

Mae lleoliad Parc Gelli Werdd yn cynnig manteision amlwg, gan gynnwys mynediad hawdd i'r dwyrain a'r gorllewin ar hyd yr A48 ac i ganolfannau poblogaeth lleol. Gellir cyrraedd terfynfa nwyddau yn Noc Penfro o fewn 60 munud, a gellir cyrraedd Bryste o fewn 90 munud.

Mae'r safle wedi'i leoli oddeutu 10 milltir i'r gogledd o Lanelli ac oddeutu 15 milltir i'r gorllewin o Abertawe ar hyd yr M4 a'r A48. Fel arfer mae'n cymryd 20 munud i deithio o Gaerfyrddin a Llanelli a 25 munud o Abertawe. Mae'n cymryd tua awr i gyrraedd Caerdydd.

Mae Cross Hands yn cynnig cyfleusterau lleol, gan gynnwys archfarchnadoedd, manwerthwyr cenedlaethol a lleol, caffis, ysgol gynradd ac uwchradd, a chanolfan iechyd.

Mae Parc Gelli Werdd yn cynnig cyfle rhagorol yn ardal Dwyrain Cross Hands. Gellir sicrhau darpar denantiaid y bydd eu busnes yn cael ei alluogi i dyfu o fewn amgylchedd cynaliadwy arloesol, o ansawdd uchel.

Bydd y safle'n cael ei reoli gan Gyd-fenter rhwng Cyngor Sir Caerfyrddin a Llywodraeth Cymru gan gynnig telerau prydles hyblyg i ddarpar denantiaid.

Mae gan y safle ehangach ganiatâd cynllunio ar gyfer defnyddiau B1 a B8 o'r Gorchymyn Dosbarthiadau Defnydd, ond mae'r Gyd-fenter yn targedu defnyddiau B1 ar gyfer yr unedau hyn.

Bydd y tri adeilad yn cynnwys:

Adeilad 1 - Swyddfeydd ac Unedau Hybrid

Mae'r adeilad cyntaf yn cynnwys Bloc Swyddfeydd a banc cyfagos o unedau hybrid. Bydd y bloc swyddfeydd yn cynnwys 12 swyddfa, cyntedd/ardal gydweithio, a chyfleusterau lles gan gynnwys Bydd y pedair uned hybrid annibynnol yn cynnwys swyddfa fach, ardal gynhyrchu, a chyfleusterau lles.

Swyddfa:

Unedau Hybrid:

Adeilad 2 – Unedau Hybrid

Bydd yr ail adeilad yn cynnwys banc o chwe uned hybrid, a fydd yn cynnwys swyddfa, ardal gynhyrchu, a chyfleusterau lles.

Adeilad 3 – Unedau Diwydiannol Ysgafn

Mae’r adeilad olaf yn cynnwys teras o bum uned ddiwydiannol ysgafn, a fydd yn cynnwys swyddfa, ardal gynhyrchu, a chyfleusterau lles.

Yn ogystal â'r tri adeilad, mae’r datblygiad yn cynnwys cyfleusterau allanol fel lleoedd parcio, pwyntiau gwefru ceir trydan, iard wasanaeth, cyfleuster storio beiciau, yn ogystal â thirlunio health o safon uchel.

Mae'r unedau ar gael yn unigol neu gellir eu cynnig gyda'i gilydd.

Gweld Manylion yr Eiddo

Cynllunio

Mae'r swyddfeydd a'r unedau hybrid ac ysgafn wedi'u dylunio i fod yn hyblyg. Ni chaniateir defnyddiau a allai achosi niwsans i ardaloedd preswyl cyfagos oherwydd sŵn nu arogl. Ni chaniateir defnyddiau trwsio moduron neu gerbydau. Ni chaniateir defnydd manwerthu na chownter masnachu.

Rhoddir blaenoriaeth i'r sectorau canlynol:

Gweithgynhyrchu uwch

Technoleg Bwyd-Amaeth

Gwaith Creadigol

Ynni a'r Amgylchedd

Ariannol a Phroffesiynol

Y Telerau

Bydd yr unedau ar gael i'w gosod ar delerau prydles hyblyg gyda seibiannau tenant rheolaidd.

Rhent

Ar gais.

Tâl am Wasanaeth yr Ystad

Bydd pob meddiannydd yn talu cyfran o'r tâl am wasanaeth yr ystâd a fydd yn talu'r costau ar gyfer cynnal a chadw ardaloedd cyffredin y datblygiad a’r safle ehangach

Yswiriant

Bydd y landlord yn yswirio'r eiddo ac yn adennill y premiwm blynyddol oddi wrth y tenant. Cyfrifoldeb y tenant fydd yswiriant cynnwys.

TAW

Bydd TAW yn cael ei godi ar bob cost.

Cynaliadwyedd

Un o uchafbwyntiau Parc Gelli Werdd yw ei fod yn cynnwys adeiladau hynod gynaliadwy.
Gan ddefnyddio egwyddorion Adeiladu Gweithredol a Passivhaus sy'n cynnwys lefelau uchel o insiwleiddio a rhan o'r gofynion trydan yn cael eu cynhyrchu gan ddefnyddio Ynni Solar Ffotofoltäig ar y safle, bydd y datblygiad carbon isel hwn yn hyrwyddo lleihau costau ynni.

Wedi'i ddylunio gyda'r nod o gyflawni 'targed carbon sero net ar waith' ac ar ôl derbyn gradd "Rhagorol" BREEAM ac EPC "A," mae'r datblygiad hwn yn cynnwys system rheoli adeiladau arloesol sy'n ymgorffori platfform pwrpasol o ran mesur a monitro ynni i alluogi bilio a monitro perfformiad manwl. Bydd gan denantiaid fynediad at ddangosfwrdd ar-lein i fonitro defnydd trydan i lefel is-gylched a chostau bilio ar gyfer eu hunedau.

Bydd data o'r dangosfwrdd yn cael ei ddefnyddio i ddarparu dysgu yn y dyfodol mewn perthynas â chynaliadwyedd a datgarboneiddio, i wella perfformiad y datblygiad ac i lywio adeiladu a gweithredu safleoedd newydd.

Drwy fabwysiadu arferion da, dylai tenantiaid allu mwynhau costau ynni is o ganlyniad i nodweddion cynaliadwy'r datblygiad.

Buddion Cynaliadwy Ychwanegol:

Pwyntiau gwefru cyflym.

Mannau parcio pwrpasol ar gyfer "rhannu car".

Storfa ddiogel i feiciau a chawodydd/cyfleusterau newid.

Cynhwysedd.

Toiledau hygyrch ar gael ar gyfer pob uned.

Ystafell "Changing Places" cyflawn ar gael yn adeilad y swyddfa.

Mae'r datblygiad cyfan yn hygyrch, gyda lifft i gyd-fynd â’r grisiau i lawr cyntaf adeilad y swyddfa.

Mannau parcio anabl pwrpasol.

I gael rhagor o wybodaeth, cysylltwch â:

Emma Hardy/ Sonia Qualters-Jones
Ffôn: 01267 246246
E-bost: ystadau@sirgar.gov.uk