Gwaharddiad ar Fêps Untro

Beth yw Fêps Untro?

Mae fêps untro neu fêps tafladwy wedi'u cynllunio i'w defnyddio unwaith yn unig. Mewn cyferbyniad, rhaid i fêp y gellir ei ailddefnyddio fodloni'r holl feini prawf canlynol:

•  Bod ganddo fatri ailwefru
•  Bod modd ei ail-lenwi â hylif fêp
•  Bod y fêp yn cynnwys coil y gellir ei ddisodli, neu unrhyw ran y gellir ei ddisodli sy'n cynhesu'r hylif i greu anwedd

Cynhyrchion a fydd yn cael eu gwahardd

Ni fydd y mathau canlynol o ddyfeisiau yn cael eu hystyried fel rhai y mae modd eu hailddefnyddio a byddant yn cael eu gwahardd:

•   Fêps sengl lle nad yw'r hylif na'r coil yn hygyrch - hyd yn oed os oes USB ar gyfer gwefru.
•   Dyfeisiau y gellir eu hailwefru a'u hail-lenwi ond sydd â choil na ellir ei ddisodli
•   Fêps sy'n ymddangos fod modd eu hailddefnyddio ond nad oes modd eu hail-lenwi na phrynu coiliau newydd ar eu cyfer

Sut i Baratoi

Cyn i'r gwaharddiad ddod i rym:

•   Stopiwch brynu fêps untro
•   Gwerthwch eich stoc bresennol
•   Newidiwch i gynhyrchion cydymffurfio sy'n bodloni'r safonau newydd

Ar ôl 1 Mehefin 2025, rhaid i unrhyw gynhyrchion fêps untro sy'n weddill gael eu:

•   Gwahanu oddi wrth gynhyrchion eraill
•   Labelu'n glir fel rhai na ellir eu gwerthu
•   Tynnu o'r man gwerthu (yn y siop ac ar-lein) nes eu casglu gan wasanaeth ailgylchu fêp cofrestredig

Mae canllaw i fusnesau hefyd ar gael ar wefan llyw.cymru

Mae rhagor o wybodaeth am fêps ar gael ar ein tudalen we e-sigaréts (fêps)