Fy Nghyfrifon

Marchnata eich busnes i feicwyr

Defnyddiwch y canllaw hwn i farchnata'ch busnes i feicwyr yn effeithiol a gwella gwelededd eich busnes.

Digidol yw'r ffordd ymlaen...


Mae ychwanegu cynnwys sy'n berthnasol i feicio i'ch gwefan a'ch cyfryngau cymdeithasol yn ffordd wych o ymgysylltu â darpar ymwelwyr. Rydyn ni wedi darparu rhai paragraffau rhagarweiniol defnyddiol a phostiadau ar gyfer y cyfryngau cymdeithasol y gallwch eu defnyddio fel man cychwyn o ran eich cynnwys.

 Testun a awgrymir ar gyfer gwefannau


“Milltiroedd ar filltiroedd o lonydd gwledig, Rhwydwaith Beicio Cenedlaethol, llwybrau beicio mynydd pwrpasol, un o'r felodromau hynaf yng Nghymru, llwybrau oddi ar y ffordd - mae gan Sir Gâr y cyfan. P'un a ydych chi'n feiciwr mynydd brwd, yn hoffi beicio ar yr hewl neu'n chwilio am ddiwrnod allan i'r teulu, gallwn eich tywys drwy'r llefydd gorau i fynd allan ar ddwy olwyn, yn ogystal ag argymell rhai arosfannau gwych i chi ar hyd y ffordd. Os ydych chi'n newydd i feicio neu ar wyliau heb feic, beth am logi beic neu arweinydd am y diwrnod?"

Beth am gynnwys llwybrau beicio ar eich gwefan? Mae llwybrau, mapiau a ffeiliau GPX ar gael ar wefan Darganfod Sir Gâr a fyddai'n wych i'ch gwesteion.

 

Postiadau Cyfryngau Cymdeithasol a Awgrymir

 

1. 🚴‍♀️Croeso i feicwyr ffordd!🛏️ 
Arhoswch gyda ni yng nghanol Sir Gâr – mae lle diogel i storio beiciau, brecwast maethlon, a mapiau llwybrau'n barod ar eich cyfer. 
P'un a ydych chi yma i weld y bryniau neu'r lonydd heddychlon, mae'r ateb gennym ni. 
I gael ysbrydoliaeth ynghylch llwybrau, ewch i Darganfod Sir Gâr 
#LletyCroesawuBeicwyr #BeicioSirGâr 

 

 

 2. 🍳 Bwytewch Lond eich Bol cyn Beicio 
Dechreuwch eich taith yn y ffordd iawn🍳☕ 
Cyclist-approved breakfast will keep you powered through every climb and coast. 
🥐 Opsiynau i gael brecwast cynnar 
🚰 Gorsaf ail-lenwi dŵr 
📍 Dim ond 5 munud o fan cychwyn llwybr y Mynydd Du 
I gael rhagor o ysbrydoliaeth ynghylch llwybrau, ewch i Darganfod Sir Gâr 
#BeicioSirGâr #DymaSirGâr

 

 

 

3. 🚴‍♂️“Man cychwyn perffaith ar gyfer penwythnos o feicio!” – Mark, Bryste 
✅ Lle i storio beiciau
✅ Cyngor ynghylch beicio'n lleol
✅ Ffyrdd tawel hardd ar stepen y drws 
Ydych chi'n cynllunio taith ar gyfer grŵp? Anfonwch neges atom i gael cyfraddau ar gyfer grwpiau o feicwyr!  
I gael rhagor o ysbrydoliaeth ynghylch llwybrau, ewch i Darganfod Sir Gâr 
#CroesoiFeicwyr #DymaSirGâr 

  

 

 

 

 

4. 🚴‍♂️Beicio Epig yn Sir Gâr 🚴‍♀️ 
O lwybrau beicio mynydd gwefreiddiol i deithiau heddychlon hardd, Sir Gâr yw eich cyrchfan feicio orau. 🌄🌿 
✅ Llwybrau ffyrdd epig trwy dirweddau hardd 
✅ Llwybrau di-draffig – gan gynnwys Llwybr Dyffryn Tywi newydd sbon sy'n cysylltu Caerfyrddin â Llandeilo 
✅ Beicio mynydd ar gyfer y rhai sydd â sgiliau ar bob lefel – llwybrau glas, coch a du 
✅ Parc Beicio Hafod gyda gwasanaeth i'ch helpu i gyrraedd pen y mynydd. 
✅ Traciau a chylchffyrdd pwrpasol ar gyfer hyfforddi a rasio
✅ Ac wrth gwrs... hyd yn oed ein felodrom ein hunain! 🏟️ 
🚴‍♀️ Ar hyd y ffordd, darganfyddwch fannau gwych i sefyll – o fannau picnic hardd i berlau cudd yng nghefn gwlad.
🍽️ Mynnwch lond eich bol yn un o'n nifer o gaffis, tafarndai a bwytai sy'n addas i feicwyr ledled y sir – perffaith ar gyfer seibiant haeddiannol.
🏨 Arhoswch mewn llety croesawgar sy'n addas i feicwyr, gyda lle diogel i storio beiciau, cyfleusterau golchi dillad, a chroeso cynnes i feicwyr.  

Dyma sawl ffordd y gall eich busnes ddenu mwy o feicwyr ac elwa ar y farchnad twristiaeth feicio sy'n tyfu:

1. Rhestrwch eich busnes ar wefannau a'r cyfryngau sy'n benodol ar gyfer beicio

Mae gan gylchgronau a gwefannau beicio gynulleidfa benodol sydd â diddordeb yn y maes, sy'n eu gwneud yn lle delfrydol ar gyfer hysbysebu eich busnes. Trwy gynnwys eich busnes mewn cyhoeddiadau beicio adnabyddus, gallwch gyrraedd cynulleidfa sydd eisoes yn angerddol am feicio ac archwilio llwybrau newydd. Ydych chi'n cynnig rhywbeth unigryw i feicwyr? A oes gennych stori i'w rhannu y gellir ei nodi mewn erthygl? Dyma'r math o bethau sy'n dal sylw'r cyfryngau beicio.

Dyma rai o'r cyhoeddiadau beicio gorau y gallech ystyried hysbysebu ynddyn nhw neu gysylltu â nhw er mwyn iddyn nhw roi sylw i'ch busnes mewn erthygl:

2. Ymgysylltu â Chymunedau Beicio ar apiau fel Strava

Mae apiau fel Strava wedi dod yn ganolfannau canolog i feicwyr ledled y byd, gan gynnig platfform lle mae beicwyr yn cysylltu â'i gilydd, yn cystadlu ac yn dod o hyd i leoedd newydd i'w harchwilio.

 

Awgrymiadau Defnyddiol

Defnyddiwch ddelweddau a fideos o Darganfod Sir Gâr a llyfrgell ddelweddau Croeso Cymru. Gwnewch eich rhan i rannu'r cynnyrch beicio gwych sydd gan Sir Gâr i'w gynnig  

Bydd defnyddio hashnodau #beicio poblogaidd megis #BeicioSirGâr #beiciwr #FyNhaithFeicio #LluniauBeicio #FforddFeicio a #BywydBeicio yn cynyddu eich presenoldeb ar lwyfannau cyfryngau cymdeithasol

Hefyd gallwch wneud cysylltiad â Croeso Cymru a Darganfod Sir Gâr drwy ddefnyddio'r hashnodau canlynol: #DymaSirGâr #TeimlorHwyl

Bydd 'hoffi' neu ddilyn digwyddiadau neu dudalennau diddorol perthnasol yn gwella eich poblogrwydd fel lle sy'n addas i feicwyr ac yn gwella eich gwybodaeth am yr hyn sy'n digwydd yn lleol.

 

Hwb