Pam yr ydym yn ymgynghori
Rydym yn ceisio casglu barn trigolion a defnyddwyr gwasanaethau ar sawl maes allweddol i ddeall sut maen nhw'n teimlo am berfformiad y Cyngor er mwyn llywio ein gwaith cynllunio a phennu blaenoriaethau yn y dyfodol.
Rydym yn canolbwyntio ar gael dealltwriaeth o'r materion sy’n bwysig i unigolion a'u teuluoedd, a’u blaenoriaethau.
Gan adeiladu ar yr adborth a gasglwyd y llynedd, rydym nawr yn gofyn am eich barn fel preswylwyr a defnyddwyr gwasanaeth unwaith eto. Rydym am ddeall sut rydych yn teimlo am ein perfformiad a sicrhau bod ein cynllunio yn y dyfodol a'n gwaith o bennu blaenoriaethau yn cyd-fynd â'r hyn sydd ei angen. Bydd y canfyddiadau pwysig hyn yn cael eu rhannu ar bob lefel o'r sefydliad i lunio ein penderfyniadau ar adeg heriol.
Mae ymgynghori â'n trigolion ar berfformiad hefyd yn un o ofynion allweddol y Ddeddf Llywodraeth Leol ac Etholiadau. Yr arolwg hwn yw'r bedwaredd yn yr hyn a fydd yn sgwrs sy'n datblygu gyda phreswylwyr.
Sut i gymryd rhan
Cwblhewch yr arolwg ar-lein
Camau nesaf
Bydd ymatebion i'r arolwg yn cael eu dadansoddi fesul ardal (lle bo'n bosibl) a fydd yn rhoi syniad o'r materion sy'n wynebu ein trigolion ar lefel mor lleol â phosibl. Caiff y canfyddiadau eu crynhoi mewn adroddiad.
Caiff yr adroddiad ei rannu ar bob lefel o'r sefydliad a'i ystyried gan y Cabinet i sicrhau bod barn trigolion a defnyddwyr gwasanaeth yn cael ei ystyried wrth wneud penderfyniadau a chynllunio ar gyfer y dyfodol.
