Bwydlen Cenedlaethau'r Dyfodol
Mae ymgyrch beilot Bwydlen Cenedlaethau'r Dyfodol yn fenter sy'n canolbwyntio ar ailgynllunio bwydlenni cinio ysgolion cynradd, gyda phwyslais ar gynnyrch lleol i hyrwyddo iechyd, lles, cynaliadwyedd, gwerth cymdeithasol ac addysg. Rydym yn alinio arlwyo yn y sector cyhoeddus â pholisïau cenedlaethol a lleol i
- Cynaliadwyedd amgylcheddol
- Twf economaidd gwledig
- Targedau sero net.
Rydym wedi comisiynu'r sefydliad nid-er-elw lleol, Cegin y Bobl, i weithio gyda thair ysgol gynradd, sef Ysgol Teilo Sant, Ysgol Gynradd Llandeilo, ac Ysgol Pen Rhos, i greu'r bwydlenni newydd hyn ar y cyd. Mae'r dull hwn yn annog cymuned yr ysgol gyfan i gymryd rhan trwy gyfres o weithdai sy'n dwyn ynghyd:
- Staff Arlwyo
- Athrawon
- Rhieni
- Plant
- Cogyddion
- Addysgwyr o Gegin y Bobl
Gyda'i gilydd, byddant yn dylunio prydau sy'n adlewyrchu gwerthoedd craidd o ran cynaliadwyedd, maeth a chymuned.
Mae'r ysgolion peilot hefyd yn lleihau gwastraff bwyd trwy weithredu systemau monitro gwastraff bwyd. Bydd y systemau hyn yn olrhain gwastraff plât y mae modd ei osgoi a gwastraff cegin nad oes modd ei osgoi, gan ddarparu gwybodaeth am lefelau gwastraff bwyd dyddiol mewn ysgolion, a fydd yn helpu i lywio ymdrechion cynaliadwyedd yn y dyfodol.
Mae'r fenter hefyd yn annog disgyblion i gymryd rhan, gan ganiatáu iddyn nhw fod yn rhan weithredol o'r gwaith o fonitro gwastraff bwyd.
