Sut y gallai targedau maetholion newydd effeithio ar eich datblygiad

Yn yr adran hon

Cyfrifiannell Gorllewin Cymru

Mae Cyfrifiannell Gorllewin Cymru bellach ar fyw.

Datblygwyd Cyfrifiannell Cyfrifo Maetholion wreiddiol Sir Gaerfyrddin, yr un gyntaf yng Nghymru, i ffurfio Cyfrifiannell Cyfrifo Maetholion Gorllewin Cymru. Mae'r gyfrifiannell hon yn gweithio yn yr un ffordd â'r un flaenorol ond mae ganddi nodweddion ychwanegol ac mae wedi cael ei mireinio i ddarparu ar gyfer pob un o'r tri dalgylch ACA. Mae hwn yn gam cyntaf pwysig o ran galluogi datblygiad niwtral o ran maetholion i fynd rhagddo ym mhob dalgylch yng ngorllewin Cymru. 

Adnodd am ddim yw hwn, sydd wedi'i gynllunio'n benodol ar gyfer dalgylchoedd ACA Tywi, Teifi a Cleddau. Bydd yn eich cynorthwyo i ddeall effaith eich datblygiad drwy gadarnhau cyllideb maetholion y datblygiad arfaethedig, gan eich galluogi i ystyried y gofynion lliniaru. Rydym wedi llunio dogfen Ganllaw ar gyfer y Gyfrifiannell i'ch helpu i ddefnyddio'r gyfrifiannell. Rydym hefyd wedi creu Dogfen Dechnegol sy'n esbonio o ble y casglwyd y data a sut mae’r cyfrifiadau wedi'u gwneud. Lluniwyd canllawiau lliniaru ar wahân ar gyfer pob dalgylch. Mae’r rhain i’w gweld yma: 

Canllawiau Lliniaru Gorllewin Cymru

Er nad yw'n ofynnol i chi ddefnyddio'r gyfrifiannell hon, rydym yn eich annog yn gryf i wneud hynny.  Bydd unrhyw geisiadau a gyflwynir gan ddefnyddio cyfrifianellau amgen yn destun craffu ychwanegol i benderfynu pa mor berthnasol ydynt i'r amodau yn y sir. 

Os yw'r ateb yn gadarnhaol i'r cwestiynau canlynol: 

  • 1
  • 2 a 3
  • 2 a 4

bydd angen defnyddio cyfrifiannell cyfrifo maetholion i asesu a fydd y datblygiad yn cynyddu'r llwyth maetholion mewn safle Ewropeaidd ac a yw'r datblygiad o fewn dalgylch sy'n draenio i safle Ewropeaidd yr effeithir arno. 

  1. A yw'r datblygiad o fewn dalgylch sy'n draenio i safle Ewropeaidd yr effeithir arno? 
  2. A yw'r gwaith trin dŵr gwastraff sy'n derbyn y dŵr yn rhyddhau i safle Ewropeaidd yr effeithir arno.
  3. A fydd y datblygiad yn arwain at gynnydd mewn aros dros nos? 
  4. A fydd y datblygiad yn arwain at gynnydd yn nifer y cwsmeriaid/defnyddwyr neu weithwyr sy'n dod i ddalgylch yr afon ACA o'r tu allan i'r dalgylch i weithio (yn y cyd-destun hwn, y diffiniad o ddefnyddiwr yw person a all ddefnyddio gwasanaeth neu gyfleusterau a ddarperir gan y datblygiad heb gael ei ystyried yn uniongyrchol yn gwsmer)? 

 

Cyfrifiannell Cyfrifo Maetholion    Canllawiau Lliniaru

Dogfen ganllaw Cyfrifiannell         Adolygiad Technegol

 

Sut mae'n gweithio

Yn syml, ewch ati i fewnbynnu'r wybodaeth sy'n benodol i'ch datblygiad ac i'r safle i'r gyfrifiannell ac ewch drwy'r camau. Darparwyd cyfarwyddiadau i'ch helpu. 

Bydd y gyfrifiannell yn cynhyrchu ffigwr maetholion mewn cilogramau fesul blwyddyn. Gellid defnyddio'r ffigwr terfynol i'ch helpu i ystyried eich opsiynau lliniaru o ran maetholion. Fodd bynnag, ni fydd y gyfrifiannell yn amcangyfrif faint o dir sydd ei angen ar gyfer unrhyw fath o liniaru oherwydd y newidynnau niferus mewn datrysiadau seiliedig ar natur a all amrywio yn dibynnu ar waith cynnal a chadw, aeddfedrwydd ac amodau safle-benodol arfaethedig.

Ymwadiad

Nid yw'r Awdurdod Lleol yn derbyn atebolrwydd am unrhyw niwed, colled neu anghyfleustra uniongyrchol neu anuniongyrchol a achosir drwy lawrlwytho a/neu ddefnyddio'r Gyfrifiannell Cyfrifo Maetholion.

Bydd y gyfrifiannell yn cael ei hadolygu a'i diweddaru'n rheolaidd i sicrhau ei bod yn cael ei seilio ar y dystiolaeth orau posibl ac yn adlewyrchu'r amodau lleol yn gywir. Cyfeiriwch at y Canllaw Technegol i gael esboniad o'r setiau data a'r fethodoleg a ddefnyddir yn y gyfrifiannell.  Os oes gennych unrhyw sylwadau, rhowch wybod inni drwy anfon neges e-bost at blaengynllunio@sirgar.gov.uk