Talu anfoneb gan y cyngor neu fil y dreth gyngor

Y ffordd hawsaf a mwyaf diogel o dalu.

• Dewiswch o dri dyddiad talu ar gyfer y dreth gyngor: 5ed, 15fed neu 28ain o bob mis.
• Dewiswch dalu eich anfoneb gan y cyngor ar 1af o bob mis.
• Mae'r taliadau'n uniongyrchol ac wedi'u diogelu gan y Warant Debyd Uniongyrchol.
• Nid oes angen adnewyddu bob blwyddyn (oni bai eich bod yn symud cyfeiriad o ran y dreth gyngor)

Sefydlu'ch Debyd Uniongyrchol:

Trwy alwad ffôn: Ffôn: 01267 228730

Bydd angen rhif anfoneb arnoch i dalu anfoneb, rhif cyfrif y dreth gyngor i dalu bil y dreth gyngor ynghyd â manylion banc.

Defnyddiwch ein system dalu ddiogel ar-lein i dalu’r dreth gyngor.

Bydd angen y wybodaeth ganlynol arnoch:

• rhif cyfrif eich treth gyngor NEU gyfeirnod anfoneb y cyngor
• eich cerdyn debyd neu gredyd
• y swm yr hoffech dalu

Talu ar-lein

Gallwch ddefnyddio cerdyn debyd neu gredyd i dalu dros y ffôn. Mae hon yn system dalu awtomataidd 24 awr.

Bydd angen i chi gael y canlynol wrth law cyn i chi ffonio:

• Rhif cyfrif eich treth gyngor NEU gyfeirnod anfoneb y cyngor 
• eich cerdyn debyd neu gredyd
• y swm yr hoffech dalu

Ffôn: 01267 679900. Dilynwch y cyfarwyddiadau i wneud eich taliad.

Gallwch ddewis siarad ag un o'n hymgynghorwyr gwasanaeth cwsmeriaid am eich bil ar 01267 234567. Oherwydd newidiadau mewn rheoliadau, mae bellach yn ofynnol i chi fewnbynnu manylion eich cerdyn eich hun er mwyn prosesu eich taliad. Sylwch nad yw hwn yn wasanaeth 24 awr ac mae'n berthnasol yn ystod oriau agor y ganolfan alwadau yn unig.

Anfonwch daliadau drwy siec gyda'ch enw, cyfeiriad, a naill ai rhif yr anfoneb neu rif cyfrif y dreth gyngor i: 

3 Heol Spilman, 
Caerfyrddin, 
SA31 1LE

Dylid croesi sieciau a'u gwneud yn daladwy i 'Cyngor Sir Caerfyrddin'. Ni dderbynnir sieciau ôl-ddyddiedig.

Peidiwch ag anfon arian parod trwy'r post.

Cofiwch ofyn am dderbynneb os ydych chi angen un. 

Gallwch dalu eich bil yn uniongyrchol i gyfrif banc y Cyngor:

Banc Barclays 
Enw'r cyfrif: Cyngor Sir Caerfyrddin
Côd Didoli: 20-19-04
Rhif y cyfrif: 13762092 

Cofiwch ddyfynnu rhif yr anfoneb neu rif cyfrif eich treth gyngor.

Gwnewch yn siŵr bod nodyn anfon taliad yn cael ei anfon bob tro y gwneir trosglwyddiad banc neu daliad BACS at JElms@sirgar.gov.uk

Gallwch talu yn un o swyddfeydd talu'r Cyngor:

• Caerfyrddin, 3 Heol Spilman, Caerfyrddin, SA31 1LE
• Llanelli Hwb, 36 Stryd Stepney, Llanelli SA15 3TR
• Rhydaman Hwb, 41 Stryd y Cei, Rhydaman, SA31 3BS

Gwnewch eich siec yn daladwy i Cyngor Sir Caerfyrddin.