Ymyriadau

Gellir cyfeirio plant sy'n ymwneud â'r Tîm Cyfiawnder Ieuenctid at ein Gwasanaeth Camddefnyddio Sylweddau - Cyfiawnder Ieuenctid.

Rydym yn darparu cymorth, addysg, arweiniad a chyngor ynghylch lleihau niwed i blant sydd â phroblemau camddefnyddio sylweddau.

Gallwn hefyd roi cyngor a gwybodaeth i rieni/gofalwyr.

Gall plant gael cymorth gyda'u haddysg, eu hyfforddiant a'u cyflogaeth.

Gall hyn gynnwys darparu cymorth ac arweiniad i blant mewn ysgolion, colegau, a'r rhai mewn cyflogaeth a phrosiectau cwricwlwm amgen. 

Rydym hefyd yn cysylltu â sefydliadau eraill sy'n cynnig arweiniad neu gymorth addysg.

Meddwl ac Ymddygiad 
Mae hyn yn cynnwys ymyriadau megis datblygu empathi a deall effeithiau ymddygiad plant ar eraill, gwrando a chyfathrebu â phlant am eu teimladau a'u pryderon, helpu gyda phroblemau o ran dicter ac ymddygiad ymosodol. 

Arfau Ymosodol/Troseddau sy'n gysylltiedig â chyllyll 
Cynnwys plant mewn gwaith i leihau'r niwed a achosir drwy gario arfau. 

Ymwybyddiaeth o dân 
Gall plant gyfeirio at Wasanaeth Tân ac Achub Canolbarth a Gorllewin Cymru fel bod eu hymwybyddiaeth o risgiau cysylltiedig â thân yn gwella. Mae hyn yn cynnwys rhaglenni fel Troseddau a Chanlyniadau a'r Prosiect Phoenix. 

Troseddau sy'n gysylltiedig â cheir
Cynnwys plant mewn gwaith addysgol sy'n gysylltiedig â throseddau sy'n ymwneud â cheir

Trais yn sgil yfed alcohol
Gall plant sydd wedi cyflawni troseddau treisgar gymryd rhan yn rhaglen Addewid Paul. Mae'r rhaglen hon yn caniatáu i blant ddeall canlyniadau posibl trais yn erbyn eraill.

Ymddygiad rhywiol niweidiol 
Rydym yn cefnogi plant sy'n arddangos ymddygiad rhywiol niweidiol trwy weithio gyda'r pryderon a gyflwynir a datblygu cynlluniau diogelwch, ynghyd â datblygu dealltwriaeth o'r gyfraith (gan gynnwys secstio a seiberfwlio).

Emosiynol ac Iechyd Meddwl 
Rydym hefyd yn cefnogi plant gyda'u hanghenion emosiynol ac iechyd meddwl a gallwn weithio gyda'r Gwasanaeth Iechyd Meddwl Plant a'r Glasoed a gwasanaethau fel 'Iechyd da'.