Cronfa Cymorth Bwyd Uniongyrchol - Grant Cyfalaf

Cronfa Cymorth Bwyd Uniongyrchol - Grant Cyfalaf

Amcan y gronfa yw cefnogi mentrau sy'n mynd i'r afael â thlodi bwyd yn Sir Gaerfyrddin. 

Mae'r gronfa ar agor ar gyfer ceisiadau o 21 Tachwedd 2024 a'r dyddiad cau ar gyfer cyflwyno cais yw 12yp ar 9 Rhagfyr 2024.

*** Oherwydd effaith Storm Darragh, rydym wedi ymestyn y dyddiad cau i'r gronfa hon i 5yp ar 11 Rhagfyr 2024. ***

Bydd ceisiadau'n cael eu hasesu ac os byddant yn llwyddiannus, bydd prosiectau'n gallu dechrau ar ddechrau mis Ionawr 2025.  Bydd angen i chi gorffen y prosiect a hawlio popeth erbyn 31 Mawrth 2025.  Gall sefydliadau wneud cais am uchafswm o £5,000 a lleiafswm o £1,000 hyd at 100% o gyfanswm costau'r prosiect.

Ymhlith yr enghreifftiau o bryniant cymwys y mae:

• Celfi Cegin e.e. Arwynebau gwaith, cabinetau ac unedau cegin,
• Oergelloedd a rhewgelloedd
• Cyfarpar coginio e.e. – Cwceri, Cwceri Araf
• Cyfarpar cegin e.e. Offer coginio, cyllyll a ffyrc
• Storfa ar gyfer nwyddau mewn caniau/sych
• Offer Garddio/Tyfu

Rhaid i ymgeiswyr gysylltu â'r Biwro ar 01269 590216 neu fel arall drwy e-bost Biwro@sirgar.gov.uk i gofrestru eich prosiect a chael Ffurflen Gais.